ភ្នំពេញ៖ បន្ទប់ឡៅតឿផ្ទះល្វែងមួយកន្លែង រួមជាមួយសម្ភារៈមួយចំនួន ដូចជា គ្រែ និងពូកផង ត្រូវបានអគ្គិភិភ័យឆាបឆេះ ដោយផ្ដើមចេញពីការឆ្លងចរន្តអគ្គិសនី បណ្ដាលឲ្យរងការខូចខាត។ ប៉ុន្តែជាសំណាងល្អ…
ភ្នំពេញ៖ បន្ទប់ឡៅតឿផ្ទះល្វែងមួយកន្លែង រួមជាមួយសម្ភារៈមួយចំនួន ដូចជា គ្រែ និងពូកផង ត្រូវបានអគ្គិភិភ័យឆាបឆេះ ដោយផ្ដើមចេញពីការឆ្លងចរន្តអគ្គិសនី បណ្ដាលឲ្យរងការខូចខាត។ ប៉ុន្តែជាសំណាងល្អ ពុំបានឆេះរាលដល់បន្ទប់ផ្សេង ឬផ្ទះទាំងមូល និងឆ្លងដល់ផ្ទះអ្នកដទៃផ្សេងឡើយ ដោយសារតែបានរថយន្តពន្លត់អគ្គិភ័យ ចេញទៅអន្តរាគមន៍ ពន្លត់ទាន់ពេលវេលា។
ហេតុការណ៍នេះ បានកើតឡើង កាលពីវេលាម៉ោង ៤ និង ៥៥នាទី ល្ងាចថ្ងៃទី២០ ខែកក្កដា ឆ្នាំ២០២១ នៅក្នុងផ្ទះល្វែង លេខ១២០ ផ្លូវលេខ៩ បុរីពិភពថ្មី១ ភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ។
ប្រភពព័ត៌មានបានឲ្យដឹងថា នៅមុនពេលកើតហេតុ មានការឆ្លងចរន្តអគ្គិសនី នៅក្នុងបន្ទប់ឡៅតឿ ក្នុងផ្ទះល្វែងខាងលើនោះ បង្កជាអគ្គិភ័យ បណ្ដាលឲ្យឆាបឆេះគ្រែ និងពូកព្រមទាំងសម្ភារៈ នៅក្នុងនោះផង ធ្វើឲ្យមានផ្សែងហុយចេញឃ្មួលខ្មាញ់ បង្កឲ្យមានការភ្ញាក់ផ្អើលយ៉ាងខ្លាំង។ ភ្លាមៗនោះ អ្នកជិតខាងរួមជាមួយម្ចាស់ផ្ទះបសននាំគ្នាពន្លត់ ប៉ុន្តែពុំរលត់ឡើយ រហូតមានការជួយអន្តរាគមន៍ពីសំណាក់រថយន្តពន្លត់អគ្គិភ័យរបស់ការិយាល័យបង្ការ និងពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញ ចំនួន ២គ្រឿង ទៅបាញ់ពន្លត់ ទើបរលត់ទៅវិញទាំងស្រុង។
ប្រភពដដែល បានបន្តទៀតថា នៅក្នុងគ្រោះអគ្គិភ័យខាងលើនេះ ពុំបានបណ្ដាលឲ្យមានអ្នករងគ្រោះរបួស ដោយការរលាកភ្លើងនោះឡើយ ហើយនៅពេលទទួលបានព័ត៌មាននោះ ភ្លាម កម្លាំងអាជ្ញាធរនិងសមត្ថកិច្ចខណ្ឌដង្កោ បានស្ទុះស្ទារចេញទៅកាន់កន្លែងកើតហេតុភ្លាមៗ ព្រមទាំងផ្ដល់ដំណឹង ទៅកាន់ការិយាល័យបង្ការ និងពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញ បានលឿន ទើបអាចទប់ស្កាត់បានទាន់ពេលបែបនេះ៕ យន់ ស៊ីថា
ចែករំលែកព័តមាននេះ