លោក ហែម ដារិទ្ធិ អភិបាល នៃគណៈអភិបាលខណ្ឌពោធិ៍សែនជ័យ បានសម្រេចចិត្តសាងភ្នួសជាព្រះសង្ឃ ហើយជាការបួសមុខភ្លើងជូនស.ពឧបាសក ហែម សារឿង គឺជាឪពុកបង្កើតរបស់លោកដែលបានទទួលអនិច្ចកម្មនាវេលាម៉ោង
រាជធានីភ្នំពេញ ៖ យោងតាមប្រភពព័ត៌មានមួយបានប្រាប់ឲ្យកោះសន្តិភាពដឹងថា លោក ហែម ដារិទ្ធិ អភិបាល នៃគណៈអភិបាលខណ្ឌពោធិ៍សែនជ័យ បានសម្រេចចិត្តសាងផ្នួសជាព្រះសង្ឃ ហើយជាការបួសមុខភ្លើងជូនស.ពឧបាសក ហែម សារឿង គឺជាឪពុកបង្កើតរបស់លោកដែលបានទទួលអនិច្ចកម្មនាវេលាម៉ោង១៧និង៥០នាទីយប់ ថ្ងៃទី១៨ ខែកក្កដា ឆ្នាំ២០២១ ដោយរោគាពាធ ក្នុងជន្មាយុ៧៨ឆ្នាំ។
ប្រភពដដែលបានបន្តឲ្យដឹងទៀតថា លោកអភិបាលខណ្ឌរូបនោះ រួមនឹងក្រុមគ្រួសារបានបញ្ជូនស.ពលោកឪពុកជាទីស្រលាញ់របស់លោកទៅតម្កល់រៀបចំធ្វើពិធីបុណ្យតាមប្រពៃណីជាតិនៅក្នុងវត្តពូនភ្នំ ដែលមានទីតាំងស្ថិតនៅក្នុងភូមិព្រៃពពេល សង្កាត់សំរោងក្រោម ខណ្ឌពោធ៍សែនជ័យ រាជធានីភ្នំពេញ បន្ទាប់មកនៅវេលារសៀលថ្ងៃទី១៨ ខែកក្កដា ឆ្នាំ២០២១ លោកក៏បានកោសក់សាងផ្នួសនៅក្នុងវត្តខាងលើនោះតែម្ដង។
ប្រភពខាងលើបានបញ្ជាក់ថា តាមគម្រោងការសាងផ្នួសរបស់លោកអភិបាលខណ្ឌរូបនោះ គឺមានរយៈពេល១អាទិត្យប៉ុណ្ណោះ ជាការបួសមុខភ្លើងកាន់ទុក្ខដ៏ក្រៀមក្រំជូនស.ពលោកឪពុកជាទីស្រលាញ់របស់លោក ដែលបានលាចាកទៅសែនឆ្ងាយចោលរូបលោក និងក្រុមគ្រួសារលែងត្រឡប់វិញជារៀងរហូតហើយនោះ។
ហើយនៅក្នុងពេលដែលលោកអវត្តមានរយៈពេល៧ថ្ងៃនេះ គឺបានប្រគល់កិច្ចការងារទាំងឡាយជូនទៅលោកអ៊ិត ជំនិត ដែលជាអភិបាលរងខណ្ឌ និងជាអភិបាលស្ដីទីចាត់ចែងជំនួសរូបលោកផងដែរ៕
ចែករំលែកព័តមាននេះ