ប្រពៃណាស់! ឃើញព្រះសង្ឃជាប់ចត្តាឡីស័ក ពុទ្ធបរិស័ទនាំគ្នាធ្វើរឿងនេះ
- ភ្នំពេញ
រាជធានីភ្នំពេញ ៖ ស្ថិតនៅក្នុងស្ថានភាពដ៍លំបាកប្រជាពលរដ្ឋដែលជាពុទ្ធបរិស័ទចំណុះជើងវត្តវ៉ារិន្ទហៅវត្តព្រែកលៀប ស្ថិតនៅ
រាជធានីភ្នំពេញ ៖ ស្ថិតនៅក្នុងស្ថានភាពដ៍លំបាកប្រជាពលរដ្ឋដែលជាពុទ្ធបរិស័ទចំណុះជើងវត្តវ៉ារិន្ទហៅវត្តព្រែកលៀប ស្ថិតនៅសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ បានគ្នាធ្វើបាយ សម្ល និងបង្ហែម យកទៅប្រគេនដល់ព្រះសង្ឃនិងគ្រហស្ថប្រមាណជិត១០០អង្គនិងនាក់ ដែលគង់និងស្នាក់នៅ ក្នុងវត្ត កំពុងតែបិទខ្ទប់បន្ទាប់ពីវត្តនេះបានផ្ទុះនូវវិជ្ជមានកូវីដ១៩ចំនួន ២១អង្គ។
លោកទុយ សុភាព អាយុ៤៧ឆ្នាំ ជាប្រជាពលរដ្ឋដែលរស់នៅភូមិព្រែកលៀប បានអោយដឹងថា ជារៀងរាលព្រឹកលោកតែងតែជិះម៉ូតូ ទៅប្រមូលចង្ហាន់ពីពុទ្ធបរិស័ទចំណុះជើងវត្ត នៅក្នុងភូមិ ដើម្បីយកទៅប្រគេនជូនដល់ព្រះសង្ឃ ដែលគង់នៅវត្តវ៉ារិន្ទ ហៅវត្តព្រែកលៀប បន្ទាប់ពីវត្តនេះ ត្រូវបានអាជ្ញាធរបិទខ្ទប់។
លោកក៍បានបញ្ជាក់ថា លោកបានប្រមូលចង្ហាន់សម្រាប់តែថ្ងៃត្រង់ប៉ុណ្ណោះ ។ ក្រៅពីនោះ ក៍មានពុទ្ធបរិស័ទមួយចំនួនទៀត ក៍បានធ្វើចង្ហាន់ បង្អែម យកទៅប្រគេនដល់ព្រះសង្ឃដល់មុខវត្តតែម្តង ។ ទន្ទឹមនឹងនោះ ជារៀងរាល់ព្រឹក គេតែងឃើញព្រះសង្ឃ តែងនិមន្តមកគង់ចាំ មកទទួលចង្ហាន់ ពីពុទ្ធបរិស័ទ នៅខ្លោងទ្វារ មុខវត្ត និងខ្លោងទ្វារ ច្រកចូលផ្នែកខាងជើង ។
តាមប្រភពព័ត៌មានបានអោយដឹងទៀតថា នៅក្នុងការធ្វើចង្ហាន់ប្រគេនដល់ព្រះសង្ឃនេះ ដោយសារតែស្ថានភាពជីវភាពប្រជាពលរដ្ឋកំពុងតែជួបនូវការខ្វះខាតដែរ មិនបានធ្វើចង្ហាន់អោយបានហូរហៀរនោះទេ ។ នៅថ្ងៃខ្លះ ចង្ហាន់ទាំងនោះ មានការខ្វះខាតមិនអាចតម្រូវការគ្រប់ចំនួនក៏មានដែរ ។
តាមប្រភពពីលោកតាម្នាក់ស្នាក់នៅក្នុងវត្ត ដែលមកទទួលចង្ហាន់បានអោយកោះសន្តិភាពដឹងថា ព្រះសង្ឃចំនួន២១អង្គ គង់នៅវត្តវ៉ារិន្ទ ហៅវត្តព្រែកលៀប ត្រូវបានរកឃើញវិជ្ជមានកូវីដ-១៩ និងត្រូវបានក្រុមគ្រូពេទ្យ និមន្តយកទៅព្យាបាល ហើយវត្តត្រូវបានបិទខ្ទប់ ចាប់តាំងពីថ្ងៃទី១៥ ខែកក្កដា ឆ្នាំ២០២១មក ។ បច្ចប្បន្ន ព្រះសង្ឃគង់ស្នាក់នៅចំនួន៦៥អង្គ និងតា យាយ និងក្មេងវត្ត ចំនួន១០នាក់ សរុបទាំងអស់មានចំនួន៧៥អង្គ/នាក់។
លោកតាបានអោយដឹងទៀតថា ជារៀងរាល់ថ្ងៃព្រះសង្ឃ និងតា យាយ ព្រមទាំងក្មេងវត្ត ទទួលបានចង្ហាន់ពីពុទ្ធបរិស័ទចំនួន ជើងវត្ត ដែលយកមកប្រគេន ហើយខ្វះខាត តា យាយ ចាត់ចែងបន្ថែម។
គួរបញ្ជាក់ថា ព្រះង្ឃមួយអង្គ ព្រះនាមហ៊ិន ហយ ព្រះជន្ម២៣ព្រះវស្សា គង់នៅកុដិ ព្រះចៅអធិការវត្ត ត្រូវបានក្រុមគ្រូពេទ្យនៅមន្ទីរពេទ្យកាល់ម៉ែត្រ រកឃើញវិជ្ជមានកូវីដ19 ខណៈពេលដែលព្រះសង្ឃ១អង្គនោះទៅមើលញោមរបស់លោកនៅមន្ទីរពេទ្យ ។ បន្ទាប់ពីផ្ទុះនូវវិជ្ជមាននៅរសៀលថ្ងៃទី១៥ ខែ កក្កដា ឆ្នាំ ២០២១ ក្រុមគ្រូពេទ្យក៍បានចុះទៅយកសំណាកធ្វើតេស្តលើ ព្រះសង្ឃ និងគ្រហស្ថដែលស្នាក់នៅក្នុងវត្តវ៉ារិន្ទ ហៅវត្តព្រែកលៀបទាំងអស់ចំនួន ១០៤ អង្គនិងនាក់ រកឃើញព្រះសង្ឃចំនួន ២០អង្គ វិជ្ជមានកូវីដ១៩ហើយ ទីវត្តអារាម ត្រូវបានអាជ្ញាធរ យកខ្សែហ៊ុំព័ទ្ធបិទខ្ទប់ជាបណ្តោះអាសន្ន ចាប់តាំងពីថ្ងៃនោះមក ៕
ចែករំលែកព័តមាននេះ