រាជធានីភ្នំពេញ ៖ ការប្រកួតបាល់ទាត់មិត្តភាពយុវជនអន្តរក្រសួង-ស្ថាប័នមកដល់ពេលនេះគេរកឃើញក្រុមខ្លាំង២ឡើងទៅប្រកួតនៅវគ្គផ្ដាច់ព្រ័ត្រនាថ្ងៃសៅរ៍ទី១៩ ធ្នូ នេះហើយ គឺក្រុមក្រសួងសុខាភិបាល និងក្រុមក្រសួងការងារ
រាជធានីភ្នំពេញ ៖ ការប្រកួតបាល់ទាត់មិត្តភាពយុវជនអន្តរក្រសួង-ស្ថាប័នមកដល់ពេលនេះគេរកឃើញក្រុមខ្លាំង២ឡើងទៅប្រកួតនៅវគ្គផ្ដាច់ព្រ័ត្រនាថ្ងៃសៅរ៍ទី១៩ ធ្នូ នេះហើយ គឺក្រុមក្រសួងសុខាភិបាល និងក្រុមក្រសួងការងារ និងបណ្ដុះបណ្ដាលវិជ្ជាជីវៈ ។
មុននឹងមានឱកាសឡើងមកប្រកួតនៅវគ្គផ្ដាច់ព្រ័ត្រនេះ ក្រុមក្រសួងសុខាភិបាលបានយកឈ្នះក្រុមក្រសួងអប់រំយុវជន និងកីឡា ដោយលទ្ធផល៤-០ ចំណែកក្រុមក្រសួងការងារនិងបណ្ដុះបណ្ដាលវិជ្ជាជីវៈបានយកឈ្នះក្រុមក្រសួងពាណិជ្ជកម្មដោយលទ្ធផល៦-៤ នៅវគ្គពាក់កណ្ដាលផ្ដាច់ព្រ័ត្រកាលពីថ្ងៃទី១៤ ធ្នូ នៅលើទីលានសិប្បនិមិ្មត ស្ថិតក្នុងសង្កាត់បឹងកក់ទី១។
ជាការកត់សម្គាល់ ការប្រកួតរវាងក្រុមក្រសួងការងារនិងបណ្ដុះបណ្ដាលវិជ្ជាជីវៈ និងក្រុមក្រសួងពាណិជ្ជកម្ម មានសភាពស្វិតស្វាញយ៉ាងខ្លាំង ដោយសារក្រុមទាំង២ប្រកួតគ្នាអស់រយៈពេល៧០នាទីបានត្រឹមលទ្ធផលស្មើ១-១ ទើបគណៈកម្មការរៀបចំការប្រកួតសម្រេចឱ្យទាត់បាល់ប៉េណាល់ទីម្ខាង៥គ្រាប់ ។ ទីបំផុតក្រុមក្រសួងពាណិជ្ជកម្មធ្វើបានសម្រេចតែ៣គ្រាប់ប៉ុណ្ណោះ រីឯក្រុមក្រសួងការងារ និងបណ្ដុះបណ្ដាលវិជ្ជាជីវៈធ្វើបានសម្រេច៥គ្រាប់ ។
គួររំលឹកផងដែរថា នេះគឺជាឆ្នាំទី៣ហើយ ដែលសហភាពសហព័ន្ធយុវជនកម្ពុជារៀបចំឱ្យមានព្រឹត្តិការណ៍នៃការប្រកួតបាល់ទាត់មិត្តភាពយុវជនអន្តរក្រសួង-ស្ថាប័ននេះឡើង ក្នុងគោលបំណងចង់ពង្រឹង និងពង្រីកទំនាក់ទំនងចំណងសាមគ្គីភាព មិត្តភាពរវាងយុវជនតាមក្រសួងនិងស្ថាប័ននីមួយៗឱ្យកាន់តែមានភាពជិតស្និទ្ធថែមទៀត ។ ការប្រកួតនេះនឹងបន្តធ្វើជារៀងរាល់ឆ្នាំ ដោយមានកិច្ចសហប្រតិបត្តិការយ៉ាងល្អជាមួយសហព័ន្ធកីឡាបាល់ទាត់កម្ពុជាលើផ្នែកបច្ចេកទេស ៕
ចែករំលែកព័តមាននេះ