ផ្សារសេះស ដែលស្ថិតនៅក្នុងសង្កាត់អូក្រសារ ក្រុងកែប ខេត្តកែប ហើយត្រូវបានព្រះអគ្គីលេបត្របាក់យ៉ាងសន្ធោសន្ធៅកាលពីវេលាម៉ោង៦ល្ងាច ថ្ងៃទី១៩ ខែកក្កដា បណ្តាលឱ្យឆេះតូបលក់ដូរក្នុងផ្សារអស់ចំនួន
ខេត្តកំពត ៖ បើតាមសេចក្តីរាយការណ៍បានឱ្យដឹងថា ផ្សារសេះស ដែលស្ថិតនៅក្នុងសង្កាត់អូក្រសារ ក្រុងកែប ខេត្តកែប ហើយត្រូវបានព្រះអគ្គីលេបត្របាក់យ៉ាងសន្ធោសន្ធៅកាលពីវេលាម៉ោង៦ល្ងាច ថ្ងៃទី១៩ ខែកក្កដា ឆ្នាំ២០២១ បណ្តាលឱ្យឆេះតូបលក់ដូរក្នុងផ្សារអស់ចំនួន១២១តូប។
បើតាមសមត្ថកិច្ចបានឱ្យដឹងថា នៅក្នុងគ្រោះឧប្បត្តិហេតុឆាបឆេះផ្សារដែលសំបូរទៅដោយគ្រឿងសមុទ្រខាងលើនោះ អាជ្ញាធរខេត្ត ស្រុក ក្រុង រួមទាំងរថយន្តពន្លត់អគ្គិភ័យស្នងការនគរបាលខេត្តកែប និងរថយន្តពន្លត់អគ្គិភ័យស្នងការដ្ឋានខេត្តកំពត បានចេញមកជួយអន្តរាគមន៍បាញ់ទឹកពន្លត់អស់រយៈពេលជិត២ម៉ោង ទើបអណ្តាតភ្លើងឆាបឆេះផ្សារយ៉ាងសន្ធោសន្ធៅនោះរលត់ទៅវិញអស់។
ប្រភពដដែលបន្តថា ប៉ុន្តែអ្វីដែលគេបានមើលឃើញជាក់ស្ដែងនោះ គឺអណ្តាតភ្លើងបានឆាបឆេះគ្រឿងក្នុងទៅហើយ ថែមទាំងបាក់រលំដំបូលផ្សារដល់ដីទៀតផង ចំណែកទំហំនៃការខូចខាតសម្ភារៈរបស់អាជីរករលក់ដូរក្នុងផ្សារនៅមិនទាន់ដឹងថា ខូចខាតអស់ចំនួននៅឡើយទេ។
គួរបញ្ជាក់ថា ចំពោះមូលហេតុនៃការឆាបឆេះផ្សារសេះសខាងលើនេះ អ្នកខ្លះនិយាយថា បណ្តាលមកទុស្សេខ្សែភ្លើង ហើយអ្នកខ្លះទៀតនិយាយថា ខណៈពេលមេឃកំពុងតែចង់ធ្លាក់ភ្លៀងនោះ ដំបូងគេបានឃើញមានខ្យល់ដៃដំរីបានបោកបក់មកចំសំយាបផ្សារលក់គ្រឿងសមុទ្រ នៅពីខាងលិចផ្សាសេះស ហើយគ្រានោះក៏មានដំបូលផ្ទះមួយប្រក់ស័ង្កសីនោះបានប៉ើងហើរទៅលើ បណ្ដាលឱ្យដាច់ខ្សែភ្លើង ទើបធ្វើឱ្យមានការទុស្សេខ្សែភ្លើងនៅផ្សារសេះសនោះ ក្លាយជាអណ្តាតភ្លើងឆាបឆេះយ៉ាងសន្ធោសន្ធៅតែម្តង។
គួរបញ្ជាក់ទៀតថា នៅវេលាម៉ោង១០ព្រឹក ថ្ងៃទី២០ ខែកក្កដា ឆ្នាំ២០២១ នេះ លោកសោម ពិសិដ្ឋ អភិបាលខេត្តកែប ក៏បានអញ្ចើញមកចុះសួរសុខទុក្ខអាជីវករដែលជាម្ចាស់តូប និងមានការឧបត្ថម្ភពីខាងសាខាកាកបាទក្រហមផងដែរ។
គួររំលឹកថា ៖ អគ្គិភ័យឆាបឆេះ ផ្សារសេះស នៅខេត្តកែប ។ ព័ត៌មានពិស្តារនឹងមានផ្សាយជូននៅពេលក្រោយទៀត ៕
ចែករំលែកព័តមាននេះ