ពលរដ្ឋនៅភ្នំពេញត្រូវចាក់វ៉ាក់សាំងដូសទី២ ត្រឹមថ្ងៃ១៥ សីហា ជាកំហិត
- ភ្នំពេញ
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញបានជម្រាបជូនប្រជាពលរដ្ឋនៅក្នុងសេចក្តីជូនដំណឹងនោះថា
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញបានជម្រាបជូនប្រជាពលរដ្ឋនៅក្នុងសេចក្តីជូនដំណឹងនោះថា បើសិនជាបងប្អូនមិនបានមកចាក់វ៉ាក់សាំងដូសទី ២ តាមកាលកំណត់ខាងលើ នោះផុតរយៈពេលនេះ រដ្ឋបាលរាជធានីភ្នំពេញ មិនទទួលខុសត្រូវក្នុងការចាក់វ៉ាក់សាំងជូនឡើយ ។
ក្នុងនោះផងដែរ លោក ឃួង ស្រេង បានបញ្ជាក់ថា «ទន្ទឹមនឹងនេះ មុនពេលអញ្ជើញទៅទទួលវ៉ាក់សាំង ចំពោះប្រជាពលរដ្ឋទាំងឡាយ ដែលមានបញ្ហាសុខភាព ដូចជា ក្តៅខ្លួន ក្អក-កណ្តាស់ ផ្តាសាយ ពិបាកដកដង្ហើម ឬ រោគសញ្ញាផ្សេងៗទៀត សូមប្រើប្រាស់តេស្តរហ័សរកអង់ទីហ្សែនកូវីដ-១៩ ដោយខ្លួនឯង ដើម្បីបញ្ជាក់ពីស្ថានភាពសុខភាព និងលទ្ធផលតេស្តអវិជ្ជមាន ស្របតាមគោលការណ៍ណែនាំប្រតិបត្តិរបស់ក្រសួងសុខាភិបាល ជាមុនសិន ដើម្បីចៀសវាងប៉ះពាល់ដល់ក្រុមគ្រូពេទ្យ និងប្រជាពលរដ្ឋដទៃទៀត» ។
សូមបញ្ជាក់ថា ការជូនដំណឹងនេះគឺធ្វើឡើងសម្រាប់ពលរដ្ឋអាយុ១៨ឆ្នាំឡើងដែលបានចាក់វ៉ាក់សាំងដូសទី១ រួចរាល់ មុនពេលបិទបញ្ចប់យុទ្ធនាការ កាលពីថ្ងៃទី៨ ខែកក្កដា ឆ្នាំ២០២១ ក្នុងភូមិសាស្ត្ររាជធានីភ្នំពេញ រដ្ឋបាលរាជធានីភ្នំពេញ៕
ចែករំលែកព័តមាននេះ