រាជធានីភ្នំពេញ ៖ ស្នូរផ្ទុះលាន់ដូចគ្រាប់បែក បណ្តាលឲ្យជាងផ្សារដែកម្នាក់បានស្លា.ប់បាត់បង់ជីវិតនៅក្នុងហេតុការណ៍ កំពុងផ្សារស៊ីទែនប្រេងឥន្ទនៈបង្កប់ក្នុងដី ដែលមានទីតាំងស្ថិតនៅស្ថានីយ៍ប្រេងឥន្ធនៈ សូគីមិច តាមបណ្តោយផ្លូវ១៨២ កែងផ្លូវ២១១ ក្បែរនិងអគារបុរីកីឡា សង្កាត់វាលវង់ ខណ្ឌ៧មករា រាជធានីភ្នំពេញ ។
ជនរងគ្រោះមានឈ្មោះ ពៅ កុសល ភេទប្រុស អាយុ៣៧ឆ្នាំ មានស្រុកកំណើត ភូមិ ឃុំពាម ស្រុកមុខកំពូល ខេត្តកណ្តាល មុខរបរជាជាងផ្សារដែក ។
តាមសាក្សីនៅកន្លែងកើតហេតុបានឲ្យដឹងថា នៅវេលាម៉ោង១ និង៣០នាទីថ្ងៃទី១៩ ខែកក្កដា ឆ្នាំ២០២១ ម្ចាស់ស្ថានីយ៍ប្រេងឥន្ទនៈសូគីម៉ិច បានតម្រូវឲ្យជាងផ្សារស៊ីទែនប្រេង ដែលបង្កប់ក្នុងដី ចំណុះប្រមាណ២០ ០០០លីត្រ ដោយសង្ស័យមានការធ្លុះធ្លាយលេចប្រេង ។
សាក្សីបន្តថា នៅក្នុងស៊ីទែននោះ ពុំមានប្រេងសាំងទេ និងបានទុកចោលយូរហើយ ហើយក៏បានបូបទឹកដាក់ទុកចោលលុះពេលត្រូវផ្សារស៊ីទែននោះ ម្ចាស់ស្ថានីយ៍ក៏បូមទឹកចេញដែរទើបឲ្យជាងទៅជួសជុលឡើងវិញ ប៉ុន្តែពេលបូមយកទឹកចេញ ប្រហែលជាអាចប្រេងធ្លាក់នៅក្រោមទឹក បណ្តាលឲ្យមានអណ្តាតភ្លើងឆ្លងឆាបឆេះផ្ទុះលឺសំឡេងដូចគ្រាប់បែក បង្កឲ្យមានការភ្ញាក់ផ្អើលឡើង ភ្លាមនោះគេបានឃើញជាងផ្សារដែកម្នាក់ស្លា.ប់បាត់បង់អាយុជីវិត នៅនិងកន្លែងកើតហេតុ ។
បន្ទាប់មកក៏មានសមត្ថកិច្ចនគរបាលប៉ុស្តិ៍មូលដ្ឋានចុះទៅដល់ និងបានធ្វើការហ៊ុមព័ទ្ធទីតាំង ហើយក៏រាយការជូនទៅថ្នាក់លើឲ្យជ្រាបនូវឧបទ្ទវហេតុដែលបានកើតឡើងនោះ ។
បន្ទាប់មកអាជ្ញាធរមូលដ្ឋានបានសហការជាមួយមន្ត្រីជំនាញសុខាភិបាលយកសំណាកលើជនសង្ស័យ ដើម្បីរកពាក់ពន្ធមេរោគកូវីដ១៩ លទ្ធផលអវិជ្ជមានទើបត្រូវបានបង្កើតគណកម្មការពិនិត្យ និងធ្វើកោសល្យវិច្ឆ័យលើសាកសព រួចបានប្រគល់ឲ្យសាច់ញ្ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ