ខេត្ដកំពង់ធំ ៖ ស្ពានដែកបេឡេត៍មួយខ្សែប្រវែងជាង១១២ម៉ែត្រ ឆ្លងស្ទឹងសែន ស្ថិតនៅផ្សារកំពង់ឈើទាល ស្រុកប្រាសាទសំបូរ ដែលសាងសង់កាលពីឆ្នាំ២០០៥ ឥឡូវបានស្រុតមួយចំហៀងហើយ គឺដោយសារតែបាក់ដាច់ធ្នឹមក្រោមមួយកំណាត់ ។ កាលពីល្ងាចថ្ងៃទី១៥ ខែឧសភា ឆ្នាំ ២០១០ អាជីវករផ្សារកំពង់ឈើទាល បាននិយាយថា ស្ពានកំពង់ឈើទាលនេះមានសភាពស្រុតមួយចំហៀងច្រើនខែមកហើយ គឺដោយសារបាក់ដីគល់ស្ពានធ្វើឱ្យរូបនាគ
ខេត្ដកំពង់ធំ ៖ ស្ពានដែកបេឡេត៍មួយខ្សែប្រវែងជាង១១២ម៉ែត្រ ឆ្លងស្ទឹងសែន ស្ថិតនៅផ្សារកំពង់ឈើទាល ស្រុកប្រាសាទសំបូរ ដែលសាងសង់កាលពីឆ្នាំ២០០៥ ឥឡូវបានស្រុតមួយចំហៀងហើយ គឺដោយសារតែបាក់ដាច់ធ្នឹមក្រោមមួយកំណាត់ ។ កាលពីល្ងាចថ្ងៃទី១៥ ខែឧសភា ឆ្នាំ ២០១០ អាជីវករផ្សារកំពង់ឈើទាល បាននិយាយថា ស្ពានកំពង់ឈើទាលនេះមានសភាពស្រុតមួយចំហៀងច្រើនខែមកហើយ គឺដោយសារបាក់ដីគល់ស្ពានធ្វើឱ្យរូបនាគនៅក្បាលស្ពានខាងស្ដាំធ្លាក់កប់ក្នុងដី ហើយធ្នឹម ដែកថ្មនៅខាងក្រោមក៏បាក់ដាច់ធ្លាក់ចេញពីសសរគ្រឹះចូលទៅក្នុងស្ទឹងផងដែរ ។
ពួកគាត់បាននិយាយបន្ដថា បើទោះជាស្ពានមានសភាពដូច្នេះក៏ដោយ ក៏ជារៀងរាល់ថ្ងៃពួកគាត់សង្កេតឃើញមានរថយន្ដធំៗដឹកទំនិញ ពោត ដំឡូង ឈើធ្ងន់ៗ នៅតែបន្ដឆ្លងកាត់ ដោយគ្មានញញើតអ្វីឡើយ ហើយពួកគាត់ក៏មិនដែលឃើញអាជ្ញាធរមូលដ្ឋានឬថ្នាក់ដឹកនាំ ពិសេសមន្ទីរពាក់ព័ន្ធណាចុះទៅពិនិត្យមើលឬយកចិត្ដទុកដាក់មានវិធានការយ៉ាងណាឡើយ ផ្ទុយទៅវិញពួកគាត់ទាំងនោះបែរ ជាអោបដៃចង្អុលដាក់គ្នាទៅវិញទៅមកតែប៉ុណ្ណោះ ។
អាជីវករនិយាយរិះគន់ និងសំដែងនូវការ ព្រួយបារម្ភថា មន្ទីរសាធារណការនិងដឹកជញ្ជូន មិនគួរបណ្ដែតបណ្ដោយទុកយូរទៀតឡើយ ព្រោះថា បន្ដិចទៀតទឹកជំនន់ស្ទឹងនឹងមកដល់ ដូច្នេះអាចនឹងមានផលប៉ះពាល់យ៉ាងធ្ងន់ធ្ងរដល់ការធ្វើដំណើរដឹកទំនិញពិសេសគឺ កាន់តែពិបាកសំរាប់ការជួសជុលថែមទៀតផង ។នៅក្នុងការចុះពិនិត្យកាលពីល្ងាចថ្ងៃទី ១៥ ឧសភា លោកឈុន ឈន់ អភិបាលខេត្ដកំពង់ធំ អមដំណើរដោយលោកឧត្ដមសេនីយ៍ ត្រីផាន់ សុផេង និងក្រុមការងារជាច្រើននាក់ ទៀតបានសង្កេតឃើញថា ស្ពាននេះពិតជាបានបាក់ស្រុតមែន… ហើយលោកអភិបាល ខេត្ដក៏បានដាក់បទបញ្ជាហាមរថយន្ដដឹក ទំនិញធ្ងន់ៗចាប់ពី១,៥តោនឡើងទៅឆ្លងកាត់ ។
ចែករំលែកព័តមាននេះ