រាជធានីភ្នំពេញ ៖ ព្រះសង្ឃ និងសិស្សស្នាក់នៅក្នុងវត្តទួលទំពូងសរុបចំនួន ៤៣អង្គ/នាក់ (ព្រះសង្ឃ២០អង្គ និងសិស្សនិស្សិត ២៣នាក់) ដែលគង់ និងស្នាក់នៅក្នុងវត្តទួលទំពូង ដែលមានទីតាំងស្ថិត នៅតាមបណ្តោយផ្លូវម៉ៅសេទុង ក្នុងសង្កាត់ទួលទំពូងទី១ ខណ្ឌចំការមន មានវិជ្ជមានជំងឺកូវីដ១៩ ។
ក្រោយពីត្រូវបានក្រុមគ្រូពេទ្យស្ម័គ្រចិត្តសម្តេចតេជោ ហៅថា ធីតា ចុះធ្វើសំណាករកឃើញកាលពីរសៀលថ្ងៃទី១៨ ខែកក្កដា ឆ្នាំ២០២១ ហើយក៏ត្រូវបានកន្លងអាជ្ញាធររដ្ឋចំការមន ដែលដឹកនាំដោយលោក ថេង សុថុល ជាអភិបាលខណ្ឌសង្កាត់ និងនគរបាលប៉ុស្តិ៍រដ្ឋបាលចុះបិទជាបណ្តោះអាសន្នរយៈពេល១៤ថ្ងៃផងដែរនោះ ។
លោក ថេង សុថុល អភិបាលខណ្ឌចំការមនបានប្រាប់ឱ្យដឹងថា កាលពីរសៀលថ្ងៃទី១៨ ខែកក្កដានេះ ក្រុមគ្រូពេទ្យស្ម័គ្រចិត្តរបស់សម្តេចតេជោ ដែលហៅថា ធីតា បានសហការជាមួយ និងអាជ្ញាធរ ម្សិលមិញក្នុងសង្កាត់ទួលទំពូងទី១ និងសាលាខណ្ឌចំការមន បានចុះធ្វើសំណាករកវីរុសកូវីដ ១៩ ទៅលើព្រះសង្ឃដែលគង់នៅក្នុងវត្ត តាអាចារ្យ តាជី យាយជី និងសិស្សនិស្សិតទាំងអស់ ដែលស្នាក់នៅក្នុងវត្តទួលទំពូងសរុបចំនួន ១១៦អង្គ/នាក់ ។
ក្នុងការចុះមកយកសំណាករកកូវីដ១៩ របស់ក្រុមគ្រូពេទ្យស្ម័គ្រចិត្តនៅក្នុងវត្តទួលទំពូង នាពេលនេះដែរ បានរកឃើញមានព្រះសង្ឃចំនួន២០អង្គ និងលើ សិស្សនិស្សិត ចំនួន២៣នាក់ទៀត ដែលរកឃើញមានចំនួនអ្នកវិជ្ជមានសរុបរហូតទៅដល់ចំនួន ៤៣អង្គ/នាក់ ។
លោកក៏បានប្រាប់បន្តទៀតថា ក្រោយពីក្រុមគ្រូពេទ្យធ្វើការយកសំណាកទៅលើព្រះសង្ឃ តាអាចារ្យ តាជី យាយជី និងសិស្សនិស្សិត ដែលស្នាក់នៅក្នុងវត្តទួលទំពូងចំនួន៤៣អង្គ /នាក់ មានវិជ្ជមានជំងឺកូវីដ១៩ ក្នុងចំណោម១១៦អង្គ/នាក់ ដែលស្នាក់នៅក្នុងវត្តរួចហើយ បានបញ្ជូនយកទៅកាន់កន្លែងព្យាបាលឯម្តុំទួលពង្រ ។
លោក ថេង សុថុល អភិបាលខណ្ឌចំការមនក៏បានបញ្ជាក់ទៀតថា ពេលដែលក្រុមគ្រូពេទ្យស្ម័គ្រចិត្តបានធ្វើសំណាកទៅលើព្រះសង្ឃ តាអាចារ្យ តាជី យាយជី និងសិស្ស និស្សិតស្នាក់នៅក្នុងវត្តទួលទំពូងទាំងអស់ រកឃើញវិជ្ជមានចំនួន ៤៣អង្គ/នាក់ និងបញ្ជូនទៅកាន់កន្លែងព្យាបាលអស់ហើយ ។
នារសៀលថ្ងៃទី១៨ ខែកក្កដានេះ ថ្ងៃដដែល រូបលោកសហការជាមួយ និងសាលាសង្កាត់ទួលទំពូងទី១ និងប៉ុស្តិ៍រដ្ឋបាលទួលទំពូង១ បានចុះបិទវត្តជាបណ្តោះអាសន្នរយៈពេល ១៤ថ្ងៃ ដោយចាប់ពីថ្ងៃទី១៨នេះតទៅ រហូតដល់ថ្ងៃទី ០១ ខែសីហា ឆ្នាំ២០២១ មិនអោយមានអ្នកណាម្នាក់ចេញ ឬចូលវត្តឡើយ និងម្យ៉ាងទៀតដើម្បីឲ្យព្រះសង្ឃ តាអាចារ្យ តាជី យាយជី ដែលសេសសល់បន្តធ្វើចត្តាឡីស័កជាបន្តទៅទៀតផងដែរ ៕
ចែករំលែកព័តមាននេះ