រដ្ឋបាលខេត្តស្វាយរៀង បានប្រកាសអត្តសញ្ញាណអ្នកវិជ្ជមានកូវីដ១៩ ថ្មី ចំនួន៩២នាក់ ស្រី៤៧នាក់ «ក្នុងនោះមានកកម្មករ-កម្មការិនីរោងចក្រចំនួន១៥នាក់ ករណីឆ្លងលើអ្នកប៉ះពាល់ផ្ទាល់ជាមួយអ្នកកូវីដ១៩ចំនួន៩នាក់ លើអ្នកមានការសង្ស័យចំនួន៣២នាក់ ករណីរអាជីវករផ្សារកំពង់ត្រាចចំនួន
ខេត្តស្វាយរៀង ៖ នៅថ្ងៃទី១៨ ខែកក្កដា ឆ្នាំ២០២១ រដ្ឋបាលខេត្តស្វាយរៀង បានប្រកាសអត្តសញ្ញាណអ្នកវិជ្ជមានកូវីដ១៩ ថ្មី ចំនួន៩២នាក់ ស្រី៤៧នាក់ «ក្នុងនោះមានកកម្មករ-កម្មការិនីរោងចក្រចំនួន១៥នាក់ ករណីឆ្លងលើអ្នកប៉ះពាល់ផ្ទាល់ជាមួយអ្នកកូវីដ១៩ចំនួន៩នាក់ លើអ្នកមានការសង្ស័យចំនួន៣២នាក់ ករណីរអាជីវករផ្សារកំពង់ត្រាចចំនួន៣៣នាក់ ដែលមានវិជ្ជមានកូវីដ១៩» ។ ហើយក្នុងនោះផងដែរ ក៏មានក្មេងស្រី០៦នាក់ (អាយុ០៦ឆ្នាំម្នាក់, អាយុ០៩ឆ្នាំចំនួន០២នាក់, អាយុ១០ឆ្នាំម្នាក់, អាយុ១៣ឆ្នាំ០១នាក់ និងអាយុ១៤ឆ្នាំម្នាក់) និងមានក្មេងប្រុសចំនួន០៤នាក់ (អាយុ០៤ឆ្នាំម្នាក់, អាយុ៥ឆ្នាំម្នាក់, អាយុ១១ឆ្នាំម្នាក់ និងអាយុ១៣ឆ្នាំម្នាក់)។
ចំពោះករណីស្លា.ប់ថ្មីមានចំនួន០២នាក់ គឺស្ត្រីឈ្មោះ ចាប ណេ អាយុ៧០ឆ្នាំ ដែលបានទទួលមរណភាពនៅគេហដ្ឋាន ក្នុងភូមិកំពោតប្រស់ សង្កាត់ច្រកម្ទេស ក្រុងបាវិត នៅថ្ងៃទី១៧ ខែកក្កដា ឆ្នាំ២០២១ វេលាម៉ោង៨និង៣០នាទីព្រឹក ដោយសារមានការសង្ស័យក្រុមគ្រូពេទ្យក៏បានយកសំណាកធ្វើតេស្តរហ័ស ជាលទ្ធផលឃើញវិជ្ជមានកូវីដ១៩។ ចំណែកបុរសម្នាក់ទៀតមានឈ្មោះ ភោគឦ ផល្លី អាយុ៥៣ឆ្នាំ ជាមន្ត្រីរាជការស៊ីវិល បានទទួលមរណភាពនៅគេហដ្ឋាន ស្ថិតក្នុងភូមិសួនថ្មី សង្កាត់ព្រៃឆ្លាក់ ក្រុងស្វាយរៀង នៅថ្ងៃទី១៥ ខែកក្កដា ឆ្នាំ២០២១ វេលាម៉ោង៧និង៣០នាទីព្រឹក ដោយសារមានជំងឺរ៉ាំរ៉ៃ ហើយកូនបានព្យាបាលនៅផ្ទះ និងជាអ្នកប៉ះពាល់ផ្ទាល់ជាមួយអ្នកវិជ្ជមានកូវីដ១៩ ក៏ត្រូវក្រុមការងារតាមដានពេលធ្វើចត្តាឡីស័កនៅផ្ទះ និងយកសំណាកធ្វើតេស្តរហ័ស រកឃើញវិជ្ជមានកូវីដ១៩។
ចំណែកអ្នកពាក់ព័ន្ធផ្ទាល់មានចំនួន៣៩៧នាក់ ករណីវិជ្ជមានកូវីដ១៩ថ្មីចំនួន៩២នាក់ ស្រី៤៧នាក់, ករណីជាសះស្បើយថ្មីចំនួន១២១នាក់ ស្រី៧២នាក់ និងករណីស្លា.ប់ថ្មីចំនួន០២នាក់ ស្រី០១នាក់។ នេះបើតាមសេចក្ដីជូនព័ត៌មានរបស់ក្រសួងសុខាភិបាលនៅថ្ងៃទី១៨ ខែកក្កដា ឆ្នាំ២០២១នេះ ។
ហើយចំពោះអ្នកវិជ្ជមានកូវីដ១៩ ចំនួន៩២នាក់ខាងលើនេះ ក៏ត្រូវបានបញ្ជូនទៅសម្រាកព្យាបាលនៅមន្ទីរពេទ្យស្រុកស្វាយជ្រំចំនួន២២នាក់, បញ្ជូនទៅមន្ទីរពេទ្យបង្អែកសាមគ្គីរំដួលចំនួន៣នាក់ និងបញ្ជូនទៅមជ្ឈមណ្ឌលព្យាបាលកូវីដ១៩ ក្រុងបាវិត ចំនួន៦៥នាក់។
គួរបញ្ជាក់ថា នៅយប់ថ្ងៃទី១៨ ខែកក្កដា នេះផងដែរ រដ្ឋបាលខេត្តស្វាយរៀង មានក្តីរន្ធត់ និងសោកស្តាយអំពីមរណភាពអ្នកជំងឺចំនួន០២នាក់ដោយសារកូវីដ១៩ កាលពីថ្ងៃទី១៥ និងថ្ងៃទី១៧ ខែកក្កដា ឆ្នាំ២០២១ ដែលនេះបានបញ្ជាក់យ៉ាងច្បាស់ពីហានិភ័យដ៏កាចសា.ហាវដល់អាយុជីវិតបងប្អូនប្រជាពលរដ្ឋខេត្តស្វាយរៀងក៏ដូចមនុស្សទូទៅក្នុងព្រះរាជាណាចក្រកម្ពុជាផងដែរ ។ រដ្ឋបាលខេត្តសូមចូលរួមរំលែកទុក្ខជាមួយក្រុមគ្រួសារ ដែលបានបាត់បង់សមាជិកគ្រួសារដោយសារជំងឺកូវីដ១៩។
គួរបញ្ជាក់ទៀតថា គិតត្រឹមថ្ងៃទី១៧ ខែកក្កដា ឆ្នាំ២០២១ ខេត្តស្វាយរៀង មានអ្នកវិជ្ជមានកូវីដ១៩ សរុប៣,៨៨២នាក់ ក្នុងនោះស្រី២,១៤៥នាក់, ជាសះស្បើយសរុប៣,០០៧នាក់ ក្នុងនោះស្រី១,៧១០នាក់, កំពុងសម្រាកព្យាបាលចំនួន៨១១នាក់ ក្នុងស្រី៣៩២នាក់ និងករណីស្លា.ប់កើនឡើង៦២នាក់ ក្នុងនោះស្រី៤២នាក់។
រដ្ឋបាលខេត្តស្វាយរៀង ក៏សូមអំពាវនាវដល់បងប្អូនប្រជាពលរដ្ឋ កម្មករ កម្មការិនីដែលពាក់ព័ន្ធជាមួយអ្នកជំងឺកូវីដ១៩ ចូលមានការប្រុងប្រយ័ត្ន ដើម្បីទប់ស្កាត់ការឆ្លងរីករាលដាលកូវីដ១៩ ទៅសហគមន៍ ហើយរដ្ឋបាលខេត្ត ក៏បានសូមអំពាវនាវដល់បងប្អូនប្រជាពលរដ្ឋដែលពាក់ព័ន្ធជាមួយអ្នកជំងឺកូវីដ១៩ ខាងលើ សូមបងប្អូនដែលពាក់ព័ន្ធទាំងផ្ទាល់ និងប្រយោល សូមធ្វើចត្តាឡីស័កតាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ «៣ការពារ ៣កុំ» របស់សម្ដេចតេជោហ៊ុនសែន។
ប្រសិនបើមានរោគសញ្ញាដូចជា ៖ គ្រុនក្ដៅ, ក្អក, កណ្ដាស់, ឈឺបំពង់.ក ឬដកដង្ហើមខ្លីៗ ឬសង្ស័យ សូមមេត្តាប្រញាប់ ទៅធ្វើតេស្តរកមេរោគកូវីដ១៩ដែលមានទីតាំងនៅជិតផ្ទះ ឬផ្ដល់ព័ត៌មានទៅអាជ្ញាធរមូលដ្ឋាន ឬទៅយកវត្ថុវិភាគសំណាកនៅប៉ុស្ដិ៍យកសំណាកដែលនៅជិតផ្ទះ ឬមួយទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ-១៩ ខេត្ត 044 712 522 ឬ 097 503 4567 ដើម្បីមានវិធានការណ៍បន្ត។
សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល១៤ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ សូមមើលលម្អិតនៅខាងក្រោម៖
ចែករំលែកព័តមាននេះ