សារព័ត៌មាន «ដេលី ម៉េល» របស់អង់គ្លេសផ្សាយថា លោកក្លាវឌីយ៉ូ រ៉ានីអេរី គ្រូបង្វឹកក្លិបLeicester City បានទទួលប្រាក់បំណាច់ចំនួន១,៧លានផោនជាថ្នូរនឹងការដឹកនាំក្លិបស្ថិតនៅកំពូលតារាងប្រឺមីញេលីក ។
របាយការណ៍បញ្ជាក់ថា កិច្ចសន្យារវាងក្លិបLeicester និងលោករ៉ានីអេរី បានព្រមព្រៀងគ្នាថា ប្រសិនបើដឹកនាំក្លិបរំកិលឡើងតាមលំដាប់ជារឿយៗតាំងពីទី១៧ឡើងទៅ នឹងទទួលបានប្រាក់១ចំណាត់ថ្នាក់១សែនផោន ហើយទីបំផុតលោកអាចធ្វើបានមែន ។
គ្រូបង្វឹកជនជាតិអីុតាលីរូបនេះ បានចុះហត្ថលេខាដឹកនាំក្លិបរយៈពេល៣ឆ្នាំ ប៉ុន្តែដឹកនាំទើបតែបានពាក់កណ្ដាលឆ្នាំធ្វើឱ្យអ្នកគាំទ្រពេញចិត្ត ដោយសារលោកជួយឱ្យក្លិបLeicester City មានឱកាសខ្ពស់ក្លាយជាជើងឯកនៅក្នុងលីកកំពូលអង់គ្លេសនាពេលអនាគត ៕
ចែករំលែកព័តមាននេះ