រាជធានីភ្នំពេញ៖ បុរសម្នាក់ ដែលសង្ស័យថា មានវិបត្តិអ្វីមួយ សម្រេចចិត្តបញ្ចប់ជីវិត ដោយបើកម៉ូតូសណ្តោងរ៉ឺម៉កមួយគ្រឿង ទៅលោតទឹកសម្លា.ប់ខ្លួន ពីលើស្ពានជ្រោយចង្វារ ហើយលិចបាត់ ទៅក្នុងទន្លេ បន្សល់ទុកតែស្បែកជើង និងរ៉ឺម៉ក។
ហេតុការណ៍នេះ បង្កអោយមានការភ្ញាក់ផ្អើល កាលពីវេលាម៉ោងប្រមាណ ៤ និង ៣០ នាទីរសៀលថ្ងៃទី១៨ ខែកក្កដា ឆ្នាំ២០២១ ត្រង់ចំណុចជិតដល់កណ្តាលស្ពានជ្រោយចង្វារ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
តាមនគរបាល បុរសមានវិបត្តិរូបនោះ បានមិនស្គាល់អត្តសញ្ញាណឡើយ បានលិចបាត់ទៅក្នុងទន្លេសាប បន្សល់ទុក តែម៉ូតូសណ្តោងរ៉ឺម៉កមួយគ្រឿង និងស្បែកជើង ស៊កមួយគូតែប៉ុណ្ណោះ។
សាក្សីបានអោយដឹងថា នៅមុនពេលកើតហេតុ គេឃើញបុរសរូបនោះ បានជិះម៉ូតូសណ្តោយរ៉ឺម៉កមួយគ្រឿង ពាក់ស្លាកលេខ សៀមរាប 1E-2599 ធ្វើដំណើរឡើងស្ពានជ្រោយចង្វារ ហើយឈប់នៅលើស្ពានក្នុងទិសដៅពីលិចទៅកើត។ នៅពេលជិតដល់កណ្តាលស្ពាន ក៏បានឈប់។
សាក្សីបានអោយដឹងទៀតថា ភ្លាមៗ បុរសរូបនោះ បានចុះពីលើម៉ូតូ រួចលោតចុះទៅក្នុងទន្លេ សម្លា.ប់ខ្លួនបាត់តែម្តង។
ទោះបីជាយ៉ាងណា គេពុំដឹងថា បុរសរូបនោះមានវិបត្តិអ្វីនោះទេ បានជាមកលោតទឹកសម្លា.ប់ខ្លួន បែបនេះ។ ភ្លាមៗ បង្កអោយមានការភ្ញាក់ផ្អើលយ៉ាងខ្លាំង ហើយសមត្ថកិច្ចមូលដ្ឋាន ក៏បានចុះទៅកន្លែងកើតហេតុ យកម៉ូតូសណ្តោងរ៉ឺម៉ក ព្រមទាំងស្បែកជើង ទៅរក្សាទុកនៅស្នាក់ការប៉ុស្តិ៍នគរបាលរដ្ឋបាលស្រះចក ដើម្បីទុកប្រគល់អោយក្រុមគ្រួសារ៕ ម៉េង ធា
ចែករំលែកព័តមាននេះ