១ក្រុមធ្វើសកម្មភាពសម្រេចនៅជ្រោយចង្វារបាន១ថ្ងៃ ក៏អស់លក្ខណ៍ក្នុងសង្កាត់គីឡូម៉ែត្រលេខ៦
- ភ្នំពេញ
រាជធានីភ្នំពេញ ៖ ក្រុមជនសង្ស័យចំនួន៥នាក់ត្រូវបានកម្លាំងនគរបាលខណ្ឌឬស្សីកែវ ស្រាវជ្រាវ ហើយឈានទៅឃាត់ខ្លួនដល់
រាជធានីភ្នំពេញ ៖ ក្រុមជនសង្ស័យចំនួន៥នាក់ត្រូវបានកម្លាំងនគរបាលខណ្ឌឬស្សីកែវ ស្រាវជ្រាវ ហើយឈានទៅឃាត់ខ្លួនដល់សំបុក និងដកហូតបានម៉ូតូចំនួន២គ្រឿង បន្ទាប់ពីធ្វើសកម្មភាពធា.ក់ជនរងគ្រោះប្ល.ន់យកម៉ូតូ កាលពីវេលាប្រមាណ១១និង៤០នាទីយប់ថ្ងៃទី១៦ ខែកក្កដា ឆ្នាំ២០២១ នៅតាមបណ្តោយផ្លូវជាតិលេខ៦ ភូមិចំបក់មាស សង្កាត់បាក់ខែងខណ្ឌ ជ្រោយចង្វារ រាជធានីភ្នំពេញ ។
ការឃាត់ខ្លួនក្រុមជនសង្ស័យមួយក្រុមខាងលើនេះបានធ្វើឡើងកាលពីវេលាម៉ោងប្រមាណ៤រសៀលថ្ងៃទី១៧ ខែកក្កដា ឆ្នាំ២០២១នៅចំណុចភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ បន្ទាប់ពីប្ល.ន់យកម៉ូតូបាន១ថ្ងៃ។
ជនសង្ស័យទាំង៥នាក់ដែលត្រូវឃាត់ខ្លួនរួមមាន ១-ឈ្មោះណន មុន្នីរស្មី ភេទប្រុស អាយុ១៧ឆ្នាំ (មានសារធាតុញៀ.ន) ២-ឈ្មោះ អឿន រដ្ឋា ភេទប្រុស អាយុ១៧ឆ្នាំ (មានសារធាតុញៀ.ន) ៣-ឈ្មោះ ប្រាក់ សិលា ភេទប្រុស អាយុ១៧ឆ្នាំ (មានសារធាតុញៀន), ៤-ឈ្មោះ វ៉ា វិរះ ភេទប្រុស អាយុ១៧ឆ្នាំ (មានសារធាតុញៀ.ន) និង៥-ឈ្មោះ ជា សុភត្ត្រា ភេទប្រុស អាយុ១៧ឆ្នាំ ។ ជនសង្ស័យទាំង៥នាក់សុទ្ធតែជាអ្នកញៀ.នថ្នាំ ស្នាក់នៅផ្ទះជួល ក្នុងភូមិស្ពានខ្ពស់ សង្កាត់គីឡូម៉ែតលេខ៦ ខណ្ឌឫស្សីកែវ រាជធានីភ្នំពេញ ។ ចំណែកជនរងគ្រោះដែលត្រូវក្រុមជនសង្ស័យប្ល.ន់ពុំស្គាល់អត្តសញ្ញាណឡើយ។
តាមប្រភពព័ត៌មានបានអោយដឹងថា នៅវេលាយប់កណ្តាលអាធ្រាត្រថ្ងៃទី១៦ ខែ កក្កដា ជនសង្ស័យទាំង៥នាក់ បានធ្វើសកម្មភាពធាក់ម៉ូតូផ្តួល ប្ល.ន់យកម៉ូតូ នៅតាមផ្លូវជាតិលេខ៦ ក្នុងសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។ បន្ទាប់ពីធ្វើសកម្មភាពបានសម្រេច ក្រុមជនសង្ស័យក៏បានគេចទៅសំងំលាក់ខ្លួនបានតែ១ថ្ងៃ ហើយត្រូវបាននគរបាលខណ្ឌឬស្សីកែវ ស្រាវជ្រាវ ឃាត់ខ្លួន បានទាំងសំបុកតែម្តង ។
នៅក្នុងការឃាត់ខ្លួនជនសង្ស័យមួយក្រុមខាងលើនេះ សមត្ថកិច្ចដកហូតបានម៉ូតូចំនួន២គ្រឿង ក្នុងនោះ១គ្រឿងម៉ាកស៊ុយស៊ូគីនិច ពណ៌ស ផ្លាកលេខ កំពង់ធំ 1K-8528 ជាម៉ូតូរបស់ជនរងគ្រោះ និង១គ្រឿងទៀតម៉ាកស្មាស់វី ពណ៌ខ្មៅ ផ្លាកលេខ ភ្នំពេញ 1AW-1401 ជារបស់ក្រុមជនសង្ស័យមធ្យោបាយជិះធ្វើសកម្មភាព។
ជនសង្ស័យទាំង៥នាក់ខាងលើ ត្រូវបានកម្លាំងនគរបាលបញ្ជូនទៅកាន់អធិការដ្ឋានខណ្ឌជ្រោយចង្វារ ដើម្បីសាកសួរនិងចាត់ការតាមច្បាប់ ៕
ចែករំលែកព័តមាននេះ