រាជធានីភ្នំពេញ ៖ ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តីនិងជាប្រធានសហព័ន្ឋប៉េតង់កម្ពុជា ឯកឧត្តមបណ្ឌិតសភាចារ្យ សុខ អាន បានមាន…
រាជធានីភ្នំពេញ ៖ ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តីនិងជាប្រធានសហព័ន្ឋប៉េតង់កម្ពុជា ឯកឧត្តមបណ្ឌិតសភាចារ្យ សុខ អាន បានមានប្រសាសន៍នៅប៉ុន្មាននាទីមុននេះថា កីឡាមិនត្រឹមតែនំាមកនូវសុខភាពប៉ុណ្ណោះទេ ប៉ុន្តែវាបាននំាមកនូវការលើកកម្ពស់ស្មារតីសន្តិភាពសម្រាប់មនុស្សជាតិនោះថែមទៀត ។
ឯកឧត្តមបណ្ឌិតសភាចារ្យមានប្រសាសន៍ខាងលើបែបនេះបានធ្វើឡើងក្នុងឱកាស ឯកឧត្តមបានអញ្ជើញជាអធិបតីក្នុងពិធីបើកការប្រកួតកីឡាប៉េតង់ជ្រើសរើស ជើងឯកទ្វីបអាស៊ី ដែលកំពុងបា្ររព្ឋធ្វើនៅក្នុងពហុកីឡដ្ឋានជាតិអូឡំាពិក ក្នុងរាជធានីភ្នំពេញ នាព្រឹកថ្ងៃទី១៧ ធ្នូ ២០១៥ ។
គួរបញ្ជាក់ថា ការប្រកួតកីឡាប៉េតង់ជ្រើសរើសជើងឯកទ្វីបអាស៊ីលើកទី១៩ ដែលកម្ពុជាជាម្ចាស់ផ្ទះនាពេលនេះ មានកីឡាករកីឡាការិនីមកពី១២ប្រទេសចូលរួម ក្នុងនោះមានកម្ពុជា ថៃ ឡាវ វៀតណាម សិង្ហបុរី ម៉ាឡេស៊ី ជប៉ុន ឥណ្ឌា ឥណ្ឌូនេស៊ី ប្រ៊ុយណេ តៃវ៉ាន់ និងប្រទេសម៉ុងហ្គោលី ៕
ចែករំលែកព័តមាននេះ