ក្រោយពីផ្ទុះជំងឺកូវីដ១៩ នៅក្នុងផ្សារអូឡាំពិក ដែលមានទីតាំងស្ថិតនៅក្នុងសង្កាត់អូឡាំពិក ខណ្ឌបឹងកេងកង និងបានផ្អាកជាបណ្តោះអាសន្នចាប់តាំងពីថ្ងៃទី០៣ ខែ កក្កដា ឆ្នាំ២០២១ អស់រយៈពេល១៤ថ្ងៃមកហើយនោះ។ លុះមកដល់ថ្ងៃទី១៧ ខែកក្កដា ឆ្នាំ២០២១ នេះដែរ សាលារាជធានីភ្នំពេញ ក៏បានសម្រេច
រាជធានីភ្នំពេញ ៖ ក្រោយពីផ្ទុះជំងឺកូវីដ១៩ នៅក្នុងផ្សារអូឡាំពិក ដែលមានទីតាំងស្ថិតនៅក្នុងសង្កាត់អូឡាំពិក ខណ្ឌបឹងកេងកង និងបានផ្អាកជាបណ្តោះអាសន្នចាប់តាំងពីថ្ងៃទី០៣ ខែ កក្កដា ឆ្នាំ២០២១ អស់រយៈពេល១៤ថ្ងៃមកហើយនោះ។ លុះមកដល់ថ្ងៃទី១៧ ខែកក្កដា ឆ្នាំ២០២១ នេះដែរ សាលារាជធានីភ្នំពេញ ក៏បានសម្រេចបើកឱ្យដំណើរការឡើងវិញផងដែរ ដោយគណៈកម្មាធិការផ្សារបានតម្រូវអោយបងប្អូនអាជីវករ បុគ្គលិក កម្មករ ម៉ូតូឌុប ម៉ូតូកង់បី អ្នករត់តាក់ស៊ី ទាំងអស់នាំគ្នាទៅយកសំណាកលើកទី២ ទើបអាយមកបើកអាជីវកម្មវិញ។
បើតាមគណៈកម្មការផ្សារអូឡាំពិក បានបញ្ជាក់ថា គណៈកម្មការគ្រប់គ្រងផ្សារ និងមជ្ឈមណ្ឌលពាណិជ្ជកម្មអូឡាំពិក សូមគោរពជម្រាបជូនដល់បងប្អូនអាជីវករ បុគ្គលិក កម្មករ ម៉ូតូឌុប ម៉ូតូកង់បី អ្នករត់តាក់ស៊ី និងបងប្អូនដែលប្រកបអាជីវកម្មនៅផ្សារអូឡាំពិកទាំងអស់ ទៅយកសំណាកលើកទី២ នៅវិទ្យាល័យទួលស្វាយព្រៃ មុនមកបើកអាជីវកម្មឡើងវិញ ប្រសិនបើបងប្អូនមិនមានក្រដាស់បញ្ជាក់ពីលទ្ធផលអវិជ្ជមានទេ យើងខ្ញុំមិនទាន់អាចឲ្យបងធ្វើអាជីវកម្មបានឡើយ។
គណៈកម្មការផ្សារអូឡាំពិក បានបញ្ជាក់បន្តថា យើងខ្ញុំសង្ឃឹមជឿជាក់ថា បងប្អូននឹងរួសរាន់ទៅយកសំណាកបានគ្រប់ៗគ្នា ដើម្បីបន្តនិរន្តរភាពអាជីវកម្មឡើងវិញ។ សូមអរគុណ! ។
គួរបញ្ជាក់ផងដែរថា ផ្សារអូឡាំពិក ត្រូវបានសាលារាជធានីភ្នំពេញ ចេញសេចក្តីសម្រេចផ្អាកដំណើរការជាបណ្តោះអាសន្នមជ្ឈមណ្ឌលពាណិជ្ជកម្មផ្សារអូឡាំពិក មានទីតាំងស្ថិតក្នុងសង្កាត់អូឡាំពិក ខណ្ឌបឹងកេងកង រាជធានីភ្នំពេញ ខណៈមានករណីវិជ្ជមានកូវីដ១៩ កើតឡើងជាថ្មីនៅក្នុងចំណោមបុគ្គលិក កម្មករ និងអាជីវករ ដូច្នេះដើម្បីប្រយុទ្ធប្រឆាំង និងទប់ស្កាត់ការឆ្លងរាលដាលនៃជំងឺកូវីដ១៩ ទើបសម្រេចផ្អាតបណ្តោះអាសន្នសម្រាប់រយៈពេល១៤ថ្ងៃ គិតចាប់តាំងពីវេលាម៉ោងសូន្យ នាថ្ងៃទី០៣ ខែកក្កដា ឆ្នាំ២០២១ រហូតដល់ថ្ងៃទី១៦ ខែកក្កដា ឆ្នាំ ២០២១។
គួរបញ្ជាក់ទៀតថា លុះមកដល់ថ្ងៃទី១៧ ខែកក្កដានេះ បន្ទាប់ពីបានអនុវត្តវិធានការ និងពិនិត្យលើស្ថានភាពជាក់ស្ដែង សាលារាជធានីភ្នំពេញ ក៏បានសម្រេចអនុញ្ញាតឱ្យបើកដំណើរការឡើងវិញ ចំពោះមជ្ឈមណ្ឌលពាណិជ្ជកម្មផ្សារអូឡាំពិក មានទីតាំងនៅក្នុងសង្កាត់អូឡាំពិក ខណ្ឌបឹងកេងកង គិតចាប់ពីម៉ោងសូន្យ នាថ្ងៃទី១៧ ខែកក្កដា ឆ្នាំ២០២១ តទៅ បន្ទាប់ពីបានអនុវត្តវិធានការ និងពិនិត្យលើស្ថានភាពជាក់ស្តែង។
ចែករំលែកព័តមាននេះ