ខេត្តស្វាយរៀង ៖ មានអ្នកញៀនល្បែងភ្នាល់ជល់មាន់តាមអនឡាញបង្កប់វង់អាប៉ោង នៅក្នុងហាងកាហ្វេ ជ្រកក្រោមស្លាកយីហោ លក់ឆ្នោតក្នុងស្រុកតាមអនឡាញ ដែលជាល្បែងស៊ីសងមួយប្រភេទមានអាជ្ញាបណ្ណ័ធ្វើឲ្យសមត្ថកិច្ចពិបាកបង្ក្រាប និងធ្វើឲ្យប្រជាពលរដ្ឋមានការព្រួយបារម្ភ និងភ័យខ្លាចការឆ្លងជម្ងឺកូវីដ១៩នៅក្នុងសហគមន៍ ។…
ខេត្តស្វាយរៀង ៖ មានអ្នកញៀនល្បែងភ្នាល់ជល់មាន់តាមអនឡាញបង្កប់វង់អាប៉ោង នៅក្នុងហាងកាហ្វេ ជ្រកក្រោមស្លាកយីហោ លក់ឆ្នោតក្នុងស្រុកតាមអនឡាញ ដែលជាល្បែងស៊ីសងមួយប្រភេទមានអាជ្ញាបណ្ណ័ធ្វើឲ្យសមត្ថកិច្ចពិបាកបង្ក្រាប និងធ្វើឲ្យប្រជាពលរដ្ឋមានការព្រួយបារម្ភ និងភ័យខ្លាចការឆ្លងជម្ងឺកូវីដ១៩នៅក្នុងសហគមន៍ ។
ដោយមានអ្នកញៀនល្បែងមកផ្តុំគ្នាភ្នាល់មាន់ជល់ និងចាក់អាប៉ោងប្រមាណជា៥០នាក់ បានមកបំពាក់បំពូនគ្នាភ្នាល់ជល់មាន់នៅក្នុងហាងកាហ្វេ នៅចំណុចផ្លូវលំខាងលិចវត្តកោះអណ្តែតចម្ងាយជិត១,០០០ម៉ែត្រ ស្ថិតនៅភូមិថ្មីឃុំថ្មីស្រុកកំពង់រោទ៌ ។
បើតាមសមត្ថកិច្ចនគបាលប៉ុស្ត៍រដ្ឋបាលឃុំថ្មីបានឲ្យដឹងថា ម្ចាស់ហាងកាហ្វេលួចបើកល្បែងភ្នាល់ជល់មាន់តាមអនឡាញ និងចាក់អាប៉ោងក្រោមស្លាកយីហោ ឆ្នោតឡូតូ ដែលជាឆ្នោតក្នុងស្រុកមានអាជ្ញាបណ្ណ័ ដែលមានម្ចាស់ឈ្មោះ វុធ ភេទប្រុស អាយុ៣៦ឆ្នាំ មុខរបរលក់កាហ្វេ មានទីលំនៅកើតហេតុខាងលើបានបើកល្បែងភ្នាល់ជល់មាន់តាមអនឡាញ បង្កប់វង់អាប៉ោងជ្រកក្រោម ស្លាកយីហោឆ្នោតឡូតូ ។
ករណីនេះ ត្រូវសមត្ថកិច្ចចុះបង្ក្រាបនៅវេលាម៉ាង៣និង៣០នាទីរសៀល ថ្ងៃទី១៧ កក្កដា ២០២១ នៅភូមិថ្មីឃុំថ្មីស្រុកកំពង់រោទ៌ ។
បើតាមស្ត្រីម្នាក់សុំមិនបញ្ចេញឈ្មោះ បានឲ្យអ្នកសារព័ត៌មានដឹងថា ល្បែងភ្នាល់ជល់មាន់ តាមអនឡាញ បង្កប់វង់អាប៉ោង ក្រោមស្លាកយីហោលក់ឆ្នោតឡូតូ តាមអនឡាញនៅក្នុងហាងកាហ្វេនេះ ប្រភពបន្តទៀតថា ផ្ទះលក់កាហ្វេដែលមានម្ចាស់ឈ្មោះ វុធ នេះ គឺបានបើកលេងល្បែងស៊ីសងយូរឆ្នាំមកហើយ បើនិយាយឲ្យសាមញ្ញ គឺដុសស្លែទៅហើយ ។
ប្រភពបន្តទៀតថា ប្រជាពលរដ្ឋមានការលំបាកចិត្តជាខ្លាំងដោយ លោកប្តីរបស់ពួកគាត់បានញៀនល្បែងភ្នាល់ជល់មាន់ និងចាក់អាប៉ោង រាល់ថ្ងៃចាប់ពីព្រលឹមរហូតដល់យប់ ជួនកាលឲ្យតែម៉ោង២រសៀល គឺចេញពីផ្ទះហើយ ដោយប្រាប់ថា ទៅផឹកកាហ្វេ ផឹកកាហ្វេ ចាប់ពីម៉ោង០២រសៀលដល់ម៉ោង០៥ម៉ោង០៦ល្ងាច ការពិតគឺទៅលេងល្បែងភ្នាល់ជល់មាន់ និងចាក់អាប៉ោងនៅក្នុងហាងកាហ្វេសោះ ។
ខ្មោចល្បែង បានបង្វក់ គ្មានពេលជួយរកស៊ីប្រពន្ធកូនទេ ពេលចាញ់ល្បែងអស់លុយប្រើអំពើហិង្សា លើប្រពន្ធកូនក៏មានពិសេសខ្លាចឆ្លងជម្ងឺកូវីដ១៩មកគ្រួសារ ។
បើតាមអ្នករស់នៅជិតហាងកាហ្វេនោះ ប្រាប់ឲ្យដឹងថា នៅថ្ងៃសៅរ៍ ថ្ងៃអាទិត្យ គឺមានអ្នកមកលេងល្បែងម្នាល់ជល់មាន់តាមអនឡាញ ចាក់អាប៉ោង និងចាក់ឆ្នោតឡូតូតាមអនឡាញនេះច្រើនរាល់ថ្ងៃមិនតិចជាង៥០នាក់ទៅ៦០នាក់ ចាក់ភ្នាល់គ្នាហ៊ោក្រេវៗ គ្មានខ្លាច ញញើតសមត្ថកិច្ចឡើយ ។
ទាក់ទិនករណីខាងលើ លោកសុច ពិសី អភិបាលស្រុកកំពង់រោទ៌បានមានប្រសាសន៍ថា លោក និងឲ្យកម្លាំងសមត្ថកិច្ចនគបាលប៉ុស្តិ៍រដ្ឋបាលឃុំថ្មីចុះទៅពិនិត្យមើល ។
ចំពោះលោកនាយប៉ុស្តរដ្ឋបាលឃុំថ្មីបានឲ្យដឹងថា ពិតជាមានករណីនេះមែន ដោយសមត្ថកិច្ចធ្លាប់ចុះទៅអប់រំ និងធ្វើកិច្ចសន្យាចំនួន២លើកមកហើយ តែមិនរាងចាល សមត្ថកិច្ចបានឲ្យដកទូរទស្សន៍ចេញ ក៏ប៉ុន្តែម្ចាស់ផ្ទះមិនយល់ព្រម ដោយគេសំអាងថា គេលក់ឆ្នោតឡូតូតាមអនឡាញ ឆ្នោតឡូតូ មានអាជ្ញាបណ្ណ័ដូច្នេះទើបពិបាកបង្ក្រាប ក៏ប៉ុន្តែពេលសមត្ថកិច្ចដកថយគេបើកល្បែងភ្នាល់ជល់មាន់ ចំណែកបង្កប់វង់អាប៉ោងលោកមិនដឹងទេ ដោយលោកជាប់ធ្វើចត្តាឡីស័ក០៣ថ្ងៃហើយ។
ចំណែកប្រជាពលរដ្ឋភូមិថ្មី សូមអំពាវនាវសុំឲ្យអាជ្ញាធរ ក៏ដូចសមត្ថកិច្ច សូមមេត្តា ចុះបង្ក្រាបនិងធ្វើកិច្ចសន្យា ឈប់ឲ្យបើកល្បែងភ្នាល់ជល់មាន់ លេងល្បែងស៊ីសងទៀត និងសូមកុំអនុញ្ញាតិឲ្យបើកទទួលភ្ញៀវចូលលេងល្បែងភ្នាល់ឬ ជួបជុំផឹកកាហ្វេ មានគ្នាច្រើន ឲ្យចូលរួមអនុវត្តវិធានរបស់ក្រសួងសុខាភិបាលរក្សាគម្លាត និងចូលរួមអនុវត្តវិធាការ៣កុំ ៣ការពារ របស់សម្តេចតេជោហ៊ុនសែន ក្នុងការទប់ស្កាត់ការឆ្លងរាលដាលជម្ងឺកូវីដទៅសហគន៍ ។
ទាក់ទិនករណីនេះដែរ ឈ្មោះវុធ ម្ចាស់ហាងកាហ្វេ មិនអាចសុំការបំភ្លឺបានទេ ដោយគាត់មិនអនុញ្ញាតិឲ្យអ្នកសារព័ត៌មានយើងជួបសម្ភាសន៍ឡើយ ។
ករណីនេះដែរ បុរសម្នាក់បានបង្ហើបឲ្យដឹងថា អ្នកលេងធំ គឺចាប់ពី៥ម៉ឺនរៀលទៅ២០ម៉ឺនរៀល បើចាក់ជាដុល្លារ ចាប់ពី១០ដុល្លារទៅ១០០ដុល្លារ អ្នកចាក់អាប៉ោងចាប់ពី៥,០០០រៀលទៅ១០ម៉ឺនរៀល ។
ពេលអាជ្ញាធរមានកាមមារញឹកក្នុងការចុះស្រាវជ្រាវ អ្នកវិជ្ជមានកូវីដ១៩ និងអ្នកប៉ះពាល់ផ្ទាល់ និងប្រយោលយកទៅធ្វើចត្តាឡីស័កដើម្បីទប់ស្កាត់ការឆ្លងរីករាលដាលកូវីដ១៩ ទើបមានអ្នកឆ្លៀតឱកាសប្រព្រឹត្តិបទល្មើសបែបនេះ ។ មហាជនកំពុងតាមដានចំណាត់ការនេះហើយតើមានប្រសិទ្ធិភាពឬទេទាន៕
ចែករំលែកព័តមាននេះ