ខេត្តស្វាយរៀង ៖ រដ្ឋបាលខេត្តស្វាយរៀងបង្ហាញអត្តសញ្ញាណអ្នកវិជ្ជមានកូវីដ១៩ និងចេញសេចក្តីជូនដំណឹង សូមអំពាវនាវដល់បងប្អូនប្រជាពលរដ្ឋ អាជីវករ កម្មករ កម្មការិនី ដែលធ្លាប់ពាក់ព័ន្ធត្រូវយកសំណាក ។
សូមអំពាវនាវដល់បងប្អូនប្រជាពលរដ្ឋ អាជីវករ កម្មករ កម្មការិនី ដែលធ្លាប់ពាក់ព័ន្ធជាមួយ ឈ្មោះ ជេត សុផល ភេទស្រី អាយុ៦៣ឆ្នាំ មុខរបរជាអ្នកលក់ដូរ នៅផ្សារកំពង់ត្រាច ភូមិតាត្រាវ និងឈ្មោះ ជេត អុន ភេទស្រី អាយុ៣៨ឆ្នាំ មុខរបរជាអ្នកលក់ដូរ នៅផ្សារកំពង់ត្រាច រស់នៅភូមិតាត្រាវ ឃុំកំពង់ត្រាច ស្រុករមាសហែក ផ្សារកំពង់ត្រាច ស្រុករមាសហែក ។
គិតចាប់ពីថ្ងៃទី០១ ខែកក្កដា ឆ្នាំ២០២១ ឈ្មោះ ងួន សាន ភេទស្រី អាយុ៦៨ឆ្នាំ រស់នៅភូមិចុងព្រែក សង្កាត់ស្វាយរៀង ក្រុងស្វាយរៀង ជាដេប៉ូបោះដុំ និងរាយភេសជ្ជៈសុខ កុសល ស្ថិតនៅភូមិចុងព្រែក សង្កាត់ស្វាយរៀង ក្រុងស្វាយរៀង ។
គិតចាប់ពីថ្ងៃទី០២ ខែកក្កដា ឆ្នាំ២០២១ ឈ្មោះសុខ ចាន់ថន ភេទប្រុស អាយុ៤២ឆ្នាំ មុខរបរអ្នកលក់ទូរស័ព្ទរស់នៅភូមិស្វាយរៀង សង្កាត់ស្វាយរៀង ក្រុងស្វាយរៀង ហាងលក់ទូរស័ព្ទដៃសុខ ចាន់ថន ស្ថិតនៅភូមិស្វាយរៀងសង្កាត់ស្វាយរៀង ក្រុងស្វាយរៀង គិតចាប់ពីថ្ងៃទី០២ ខែកក្កដា ឆ្នាំ២០២១ ។
សូមបងប្អូនដែលពាក់ព័ន្ធទាំងផ្ទាល់ និងប្រយោល សូមធ្វើចត្តាឡីស័កតាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ ៣ការពារ ៣កុំ របស់សម្ដេចតេជោហ៊ុនសែន ប្រសិនបើមានរោគសញ្ញាដូចជា ៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វើតេស្តរកមេរោគកូវីដ១៩ (#COVID-19) ឬផ្ដល់ព័ត៌មានទៅអាជ្ញាធរមូលដ្ឋាន ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ ។
សម្រាប់អ្នកដែលមានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ៕
ចែករំលែកព័តមាននេះ