សាលាដំបូងក្រុងបាសេឡូណា បានលុបចោលបណ្តឹងចោទប្រកាន់កីឡាករ លីយ៉ូនេល ម៉េសស៊ី ខ្សែប្រយុទ្ធក្លិប Barcelona ក្នុងរឿងក្តីគេចពន្ធពីការប្រកួតមិត្តភាពចំនួន៦លើកកាលពីថ្ងៃទី១៤ ធ្នូ ។ ការប្រកួតមិត្តភាពខាងលើបានរៀបចំ
សាលាដំបូងក្រុងបាសេឡូណា បានលុបចោលបណ្តឹងចោទប្រកាន់កីឡាករ លីយ៉ូនេល ម៉េសស៊ី ខ្សែប្រយុទ្ធក្លិប Barcelona ក្នុងរឿងក្តីគេចពន្ធពីការប្រកួតមិត្តភាពចំនួន៦លើកកាលពីថ្ងៃទី១៤ ធ្នូ ។ ការប្រកួតមិត្តភាពខាងលើបានរៀបចំឡើងនៅអាមេរិក, ម៉ិកស៊ិក, កូឡុំប៊ី និងប៉េរូ រយៈពេល១៣ខែក្នុងរវាងពីខែមិថុនា ២០១២ ដល់ខែកក្កដា ២០១៣ ដោយចោទប្រកាន់ខ្សែប្រយុទ្ធជនជាតិអាហ្សង់ទីន រូបនេះបានទទួលប្រាក់ឈ្នួលសរុប១,៣៧លានដុល្លារ ប៉ុន្តែមិនព្រមបង់ពន្ធ ។
ទាក់ទិននឹងរឿងក្តីខាងលើនេះចៅក្រមបានសម្រេចលុបចោលបណ្តឹងចោទប្រកាន់ម៉េសស៊ី ប៉ុន្តែជារឿងក្តី១ក្នុងចំណោមរឿងក្តីគេចពន្ធចំនួន៣ដែលម៉េសស៊ីត្រូវប្រឈមមុខ ។ ចំណែករឿងក្តី២ទៀតបានកើតឡើងក្នុងរវាងពីឆ្នាំ២០០៧ដល់២០០៩ ដែលកំពុងស្ថិតក្នុងដំណាក់កាលស៊ើបអង្កេតនៅឡើយ ៕
ចែករំលែកព័តមាននេះ