ប្រទេសជប៉ុន ៖ ធនាគារជប៉ុន កាលពីថ្ងៃអង្គារបានឲ្យដឹងថា សមតុល្យជាមធ្យមនៃការផ្តល់កម្ចីរបស់ធនាគារនៅទូទាំងប្រទេស ក្នុងអំឡុងខែវិច្ឆិកាកន្លងមកនេះ ដែលមិនរាប់បញ្ចូលឥណទានរបស់ធនាគារផ្តល់ឥណទាន Shinkin បានកើនឡើង២,៣% ឬស្មើនឹង៣,៥៤១ទ្រីលានដុល្លារ ដែលជាការកើនឡើងនៃខែទី៥០ ជាប់ៗគ្នា ។
ធនាគារជប៉ុនឲ្យដឹងទៀតថា បើរាប់បញ្ចូលទាំងធនាគារ Shinkin ឃើញថា សមតុល្យនៃការផ្តល់កម្ចីសរុបទាំងអស់បានកើនឡើង២,៣% ឬស្មើនឹង៤,០៧ទ្រីលានដុល្លារ ក៏ជាកំណើននៅខែទី៥០ដែរ ។
ធនាគារទាំងឡាយនៅតែបន្តជំរុញឥណទានក្នុងកម្រិតទូលំទូលាយនៃវិស័យឧស្សាហកម្ម ។ ជាពិសេស ឥណទាននៃការរួមបញ្ចូលគ្នា និងការទទួលបាននូវសាជីវកម្ម ក៏ដូចជាសម្រាប់ការវិនិយោគផ្នែកអចលនទ្រព្យ ដែលបានបង្កើតឡើងនូវវិភាគទានធំមួយក្នុងកំណើននៃការផ្តល់ឥណទានសរុបទាំងអស់ ។
នៅតាមបណ្តាធនាគារធំៗ ការផ្តល់ប្រាក់កម្ចីបានកើនឡើងប្រមាណជា០,៩% ប៉ុន្តែការបោះជំហាននៃកំណើន គឺមានកម្រិតយឺតបំផុតគិតចាប់តាំងពីខែមករា ឆ្នាំ២០១៣ ។ កាលពីខែមុន សមតុល្យបានកើនឡើង១,៤% ដែលឆ្លុះបញ្ចាំងពីភាពស្ពឹក ឬមិនសូវមានសកម្មភាពក្នុងឥណទានដែលគ្រប់ដណ្តប់លើរូបិយប័ណ្ណបរទេស ដោយសារតែការអន់ថយដោយសារការប៉ះពាល់វិជ្ជមាននៃការចុះខ្សោយរបស់ប្រាក់យេនជប៉ុន ។
ការផ្តល់កម្ចីក្នុងខែវិច្ឆិកានេះបានកើនឡើង៣,៦% នៅតាមបណ្តាធនាគារក្នុងតំបន់ និងធនាគារក្នុងតំបន់ដែលគ្មានការប្រែប្រួលពីខែតុលា ។ ចំណែកសមតុល្យដែលរួមផ្សំនៃប្រាក់បញ្ញើនៅតាមបណ្តាធនាគារធំៗក្នុងតំបន់ និងលំដាប់ទី២ក្នុងតំបន់ បានរីកលូតលាស់ប្រមាណជា៣,២% ឬស្មើនឹង៥,២៥៤ទ្រីលានដុល្លារ កើនឡើងនៅខែទី១០៣ ក្នុងបញ្ជី ៕
ចែករំលែកព័តមាននេះ