រាជធានីភ្នំពេញ ៖ រថយន្តហ៊ីយ៉ាន់ដាយដឹកទំនិញ១គ្រឿង បើកបរក្នុងល្បឿនលឿន ហើយបានជ្រុលទៅបុកពីក្រោយម៉ូតូហុងដាម៉ាកគុបចង្កៀងជ្រុង១គ្រឿង បណ្ដាលឲ្យដួលស្ត្រីរងរបួសធ្ងន់ម្នាក់ និងស្រាលម្នាក់ ហើយត្រូវបានរថយន្តពេទ្យដឹកយកទៅសង្គ្រោះភ្លាមៗផងដែរ ។ ហេតុការណ៍គ្រោះថ្នាក់ចរាចរណ៍នេះ…
រាជធានីភ្នំពេញ ៖ រថយន្តហ៊ីយ៉ាន់ដាយដឹកទំនិញ១គ្រឿង បើកបរក្នុងល្បឿនលឿន ហើយបានជ្រុលទៅបុកពីក្រោយម៉ូតូហុងដាម៉ាកគុបចង្កៀងជ្រុង១គ្រឿង បណ្ដាលឲ្យដួលស្ត្រីរងរបួសធ្ងន់ម្នាក់ និងស្រាលម្នាក់ ហើយត្រូវបានរថយន្តពេទ្យដឹកយកទៅសង្គ្រោះភ្លាមៗផងដែរ ។
ហេតុការណ៍គ្រោះថ្នាក់ចរាចរណ៍នេះ បានកើតឡើង កាលពីវេលាម៉ោង៦និង៤៥នាទីព្រឹក ថ្ងៃទី១៦ ខែកក្កដានេះ នៅកំណាត់ផ្លូវជាតិលេខ៣ ស្ថិតនៅក្នុងភូមិព្រៃព្រីងខាងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
រថយន្តបង្កខាងលើម៉ាកហ៊ីយ៉ាន់ដាយ ពណ៌ស ពាក់ស្លាកលេខ កំពត 3A-0882 ជាប្រភេទរថយន្តដឹកទំនិញ បើកបរដោយបុរសពុំស្គាល់ឈ្មោះម្នាក់ ចំណែកម៉ូតូរងគ្រោះម៉ាកហុងដាគុបចង្កៀងជ្រុងពណ៌ទឹកប៊ិច ពាក់ស្លាកលេខភ្នំពេញ 1J-3431 ជិះដោយស្ត្រីជាកម្មការិនីរោងចក្រ២នាក់ ហើយរងរបួសធ្ងន់១នាក់ និងស្រាល១នាក់ ។ តាមប្រភពព័ត៌មានបានឲ្យដឹងថា នៅមុនពេលកើតមានគ្រោះថ្នាក់នេះឡើងភាគីទាំង២ បានបើកបរធ្វើដំណើរក្នុងទិសដៅស្របគ្នាពីជើងទៅត្បូង ដោយនាងកម្មការិនីទាំង២នាក់ខាងលើបានជិះម៉ូតូខាងមុខ ចំណែកឯរថយន្តដឹកទំនិញបើកបរតាមពីក្រោយ ។ លុះពេលទៅដល់ត្រង់ចំណុចកើតហេតុពុំដឹងថា អ្នកបើកបររថយន្តនេះរវល់តែងាកទៅណានោះទេ ទើបមើលពុំឃើញម៉ូតូខាងមុខ រួចក៏បានបុកម៉ូតូពីក្រោយពេញទំហឹង បណ្ដាលឲ្យដួល ហើយនារីកម្មការិនីរងរបួសទាំង២នាក់បែបនេះតែម្ដង ។
ក្រោយពេលកើតហេតុជនរងគ្រោះត្រូវបានរថយន្តពេទ្យដឹកបញ្ជូនទៅសង្គ្រោះភ្លាមៗ បន្ទាប់មកនគរបាលប៉ុស្តិ៍ចោមចៅទី៣ និងនគរបាលចរាចរណ៍ខណ្ឌពោធិ៍សែនជ័យចុះទៅធ្វើការវាស់វែង និងនាំយករថយន្ត និងម៉ូតូទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យ ដើម្បីរង់ចាំការដោះស្រាយតាមច្បាប់ ៕
ចែករំលែកព័តមាននេះ