ផ្ទុះកូវីដនៅវត្តវ៉ារិន្ទ ហៅវត្តព្រែកលៀប ខណៈក្រុមគ្រូពេទ្យបន្តចុះយកសំណាកមុននេះ
- ភ្នំពេញ
រាជធានីភ្នំពេញ ៖ ព្រះសង្ឃ និងលោកតា លោកយាយ សិស្ស-និស្សិត សរុបប្រមាណជាង100អង្គ/នាក់ នៅវត្តវ៉ារិន្ទ ហៅវត្តព្រែកលៀ
រាជធានីភ្នំពេញ ៖ ព្រះសង្ឃ និងលោកតា លោកយាយ សិស្ស-និស្សិត សរុបប្រមាណជាង100អង្គ/នាក់ នៅវត្តវ៉ារិន្ទ ហៅវត្តព្រែកលៀ
រាជធានីភ្នំពេញ ៖ ព្រះសង្ឃ និងលោកតា លោកយាយ សិស្ស-និស្សិត សរុបប្រមាណជាង100អង្គ/នាក់ នៅវត្តវ៉ារិន្ទ ហៅវត្តព្រែកលៀប ត្រូវបានក្រុមគ្រូពេទ្យចុះយកសំណាក បន្ទាប់ពីព្រះសង្ឃមួយអង្គ ត្រូវបានរកឃើញវិជ្ជមានកូវីដ19 ។
ការចុះយកសំណាកនេះបានធ្វើឡើងកាលពីវេលាម៉ោងជាង2រសៀលថ្ងៃទី15 ខែកក្កដា ឆ្នាំ2021 នៅវត្តវ៉ារិន្ទ ហៅវត្តព្រែកលៀប ស្ថិតនៅសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ ។
ព្រះសង្ឃមួយដែលរកឃើញវិជ្ជមានខាងលើ ព្រះនាមហ៊ីន ហយ មានព្រះជន្មប្រមាណ២៣ឆ្នាំ គង់នៅជាន់លើកុដិព្រះចៅអធិការវត្តតែម្តង ។
តាមព័ត៌មានឲ្យដឹងថា ព្រះសង្ឃមួយអង្គត្រូវបានក្រុមគ្រូពេទ្យនៅមន្ទីរពេទ្យកាល់ម៉ែត្ររកឃើញវិជ្ជមានកូវីដ19 កាលពីយប់ ថ្ងៃទី១៤ កក្កដា ខណៈពេលដែលព្រះសង្ឃមួយអង្គនោះទៅមើលញោមរបស់លោកនៅមន្ទីរពេទ្យ។
ទាក់ទិននឹងការរកឃើញករណីវិជ្ជមានកូវី19 លើព្រះសង្ឃ១អង្គខាងលើនេះ ត្រូវបានព្រះសង្ឃមួយអង្គនោះបានប្រាប់អាជ្ញាធរឲ្យដឹងថា សង្ស័យថាឆ្លងពីពុទ្ធបរិស័ទដែលជាសាច់ញាតិអ្នកស្លា.ប់ដោយកូវីដ19 ម្នាក់ យកចង្ហាន់ទៅប្រគេនព្រះសង្ឃនៅវត្ត។
បន្ទាប់ពីរកឃើញករណីវិជ្ជមានលើព្រះសង្ឃមួយអង្គខាងលើនោះ ទើបក្រុមគ្រូពេទ្យនិងអាជ្ញាធរសហការគ្នាចុះយកសំណាកទៅលើព្រះសង្ឃនិងអ្នកស្នាក់នៅក្នុងវត្តវ៉ារិន ហៅវត្តព្រែកលៀបទាំងអស់ ។ ទោះបីជាយ៉ាងណា គេពុំទាន់ដឹងថា រកឃើញករណីវិជ្ជមានទៀត ឬយ៉ាងណានោះទេ ។
គិតមកត្រឹមវេលាម៉ោង៣និង១៦នាទីរសៀលថ្ងៃដដែល សរុបអ្នកយកសំណាក១០៤អង្គ/នាក់ (ស្រី៦នាក់) ក្នុងនោះមានព្រះសង្ឃ៨៥អង្គ លទ្ធផលជាផ្លូវការរកឃើញករណីវិជ្ជមានចំនួន២០អង្គ ៕
ចែករំលែកព័តមាននេះ