«ដឹមីរ័រ» របស់អង់គ្លេសកាលពីពេល ថ្មីៗ កន្លងមកបានផ្សាយរឿងមួយកើតឡើងនៅក្រុងផេសាឌីណា រដ្ឋតិចសាស់ សហរដ្ឋអាមេរិក គឺស្ត្រីឈ្មោះផេកគី ហ្វ៊ីលលីប អាយុ៤៣ឆ្នាំ បានប្រើអំពើហិង្សាលើរាងកាយ និងចាប់រំលោភចៅប្រុសជាច្រើនលើកក្នុងអំឡុងពីឆ្នាំ២០០៧ដល់២០០៩ ។
អ្នកស្រីផេកគី ហ្វ៊ីលលីប ចាប់រំលោភចៅប្រុសរបស់ខ្លួនលើកដំបូងកាលពី៨ឆ្នាំមុន នៅពេលចៅសម្រាកព្យាបាលនៅមន្ទីរពេទ្យ ។
កាលណោះចៅប្រុសនាងអាយុ១៥ឆ្នាំ។ ក្រោយមកអ្នកស្រីផេកគី ហ្វ៊ីលលីប បានចាប់រំលោភចៅប្រុសជាបន្តបន្ទាប់ ក្រោយពីគេផ្លាស់ចេញពីផ្ទះរបស់ឪពុកធំនៅរដ្ឋសៅឃែរ៉ូឡៃណាទៅនៅជាមួយគាត់ក្នុងទីក្រុងផេសាឌីណា ។
អ្នកស្រីផេកគី ហ្វ៊ីលលីប រងការចោទប្រកាន់ថា បានបង្ហោះរូបភាព និងអត្ថបទមិនសមរម្យចំពោះចៅរបស់ខ្លួនផងដែរ ។ ចំណែកឪពុកធំរបស់ក្មេងប្រុសរងគ្រោះបញ្ជាក់ប្រាប់ប៉ូលិសថា លោកបានផ្ញើក្មួយឱ្យរស់នៅជាមួយយាយនៅរដូវក្តៅក្នុងឆ្នាំ២០០៨ ព្រោះកាលណោះស្ថានភាពអាកាសធាតុមិនល្អនៅសៅឃែរ៉ូឡៃណា ។ ប៉ូលិសនិយាយថា អ្នកស្រីផេកគី ហ្វ៊ីលលីបត្រូវប៉ូលិសចាប់ខ្លួនព្រោះរងការចោទប្រកាន់ថា បានសេពសន្ថវៈជាមួយចៅរបស់ខ្លួនជាច្រើនលើកនៅក្នុងផ្ទះ ។ បច្ចុប្បន្នស្ត្រីនោះកំពុងជាប់ឃុំខ្លួន និងបានបង់ពិន័យជាប្រាក់៣០.០០០ដុល្លារ ៕
ចែករំលែកព័តមាននេះ