កាលពីច្រើនខែមុននេះ អ្នកនាង សាន សុខកក្កដា ដែលមានវ័យជ្រេរបន្តិចទៅហើយនិងជាមេម៉ាយកូន៣ពេញរូបរាង ស្រាប់តែជួបស្នេហ៍ប្រុសក្មេងខុសវ័យយ៉ាងច្រើនលង់ស្រឡាញ់រហូតស្តីដណ្តឹងរៀបការផ្អើលអស់បណ្តាញសង្គម
រាជធានីភ្នំពេញ ៖ កាលពីច្រើនខែមុននេះ អ្នកនាង សាន សុខកក្កដា ដែលមានវ័យជ្រេរបន្តិចទៅហើយនិងជាមេម៉ាយកូន៣ពេញរូបរាង ស្រាប់តែជួបស្នេហ៍ប្រុសក្មេងខុសវ័យយ៉ាងច្រើនលង់ស្រឡាញ់រហូតស្តីដណ្តឹងរៀបការផ្អើលអស់បណ្តាញសង្គម។
គ្រប់គ្នាសុទ្ធតែបានលើកសរសើរពីភ័ព្ទសំណាងអ្នកនាង នៅមេម៉ាយច្រើនឆ្នាំ ហើយវ័យ៤០ឆ្នាំជាង នៅតែអាចឆក់យកបេះដូងកំកំលោះវ័យ២០ឆ្នាំស្តើង រហូតសុំចិត្តរៀបការ។ មើលឃើញពីទឹកចិត្ត អ្នកនាងក៏សម្រេចទទួលយក ដោយមិនគិតខុសវ័យ គ្រាពេលនោះកម្រិតយល់ចិត្តគ្នាល្អអាចសម្របគ្នាបាន។
ចុងក្រោយពេលមួយរយៈ ស្រាប់តែអ្នកនាងបានជួននូវរឿងរ៉ាវស្មានមិនដល់ ដោយសារតែស្វាមីក្មេងរបស់អ្នកនាង ហាក់គេចវេសមិនព្រមទទួលយកការណ៍ពិតបានតទៅទៀត។ អ្វីដែលអ្នកនាងមិនអាចទទួលបាន គឺការពពោះកំពុងមានកូន៥ខែ បែរជាមិនឃើញប្តីមកថ្នមចិត្តបាត់ដាន២ខែមិនមកមើលប្រពន្ធ។
បែបនេះ ធ្វើអោយតារាជើងចាស់រូបនេះងឿងឆ្ងល់ ហើយហួសចិត្តដែលប្រសព្វរឿងបែបនេះ ដោយមិនបានចរចាគ្នាវែកញែករកខុសត្រូវ ហើយម្ខាងប្រើមធ្យោបាយគេចបំបិទរឿងធ្វើដូចធម្មតា ដែលមិនមែនជាជម្រើសព្រោះម្នាក់ៗបានសែនព្រេនរៀបពិធីមានចាស់ទុំដឹងឮ និងមានព័ត៌មានចុះផ្សាយព្រោងព្រាតពេញស្រុកទៅហើយ។
ក្នុងបណ្តាញសង្គមរបស់អ្នកនាង កក្កដា ហៅម៉ាក់ដា បានបង្ហោះសេចក្តីពាក្យពេចន៍ជាច្រើនកាលពីថ្ងៃទី១៣ ខែកក្កដា ឆ្នាំ២០២១ថា «ជាង២ខែហើយដែលអ្នកចុះចោលខ្ញុំ ដោយខ្ញុំមិនដឹងពីមូលហេតុ ពិតប្រាកដថា ខ្ញុំខុសអី លោកបានប្លុកហ្វេសប៊ុកខ្ញុំ លេខទូរស័ព្ទក៏មិនទទួល តើលោកជាប្តីបែបណាទៅ? ។ តើកំហុសខ្ញុំជាអ្វីទៅ? ដែលលោកហ៊ានចុះចោលទាំងខ្ញុំមានកូនរបស់លោក៥ខែទៅហើយ ខ្ញុំខុសធ្ងន់ប៉ិនណាទៅ ដែលមិនអាចលើកលែងទោសអោយនោះ ។ អ្វីគ្រប់យ៉ាងខ្ញុំបានធ្វើអស់ហើយ សំលៀកបំពាក់ បាយទឹក កន្លែងដេកស្អាត ខ្ញុំបានរៀបចំជូនលោកអស់ហើយ រកស៊ីក៏ខ្ញុំមិនបានទំនេរ តើអោយខ្ញុំធ្វើអ្វីទៀត? ដើម្បីអោយលោកត្រូវចិត្តទៅ» ។
អ្នកនាង កក្កដា ហៅម៉ាក់ដា បានបង្ហោះបន្តថា «ខ្ញុំទៅជួបលោក ដើម្បីសាកសួរពីមូលហេតុ លោកមានតែពាក្យមួយម៉ាត់ប៉ុណ្ណោះ គឺលែង តើខ្ញុំខុសអីទៅ???????? ខ្ញុំមិនខ្លាចនឹងជីវិតនៅម្នាក់ឯងនោះទេ តែខ្ញុំអាណិតកូនដែលមានឪពុកដូចជាលោកឯង ដែលមិនទទួលខុសត្រូវ តែខ្ញុំប្រាប់ជាលើកចុងក្រោយដែរ ខ្ញុំក៏មិនអោយកូនខ្ញុំស្គាល់មុខឪពុកដូចជាលោកឯងដែរ។ លោកចង់បានកូនយកទៅ តើលោកបានបំពេញតួនាទីជាប្តី ជាឪពុក គេបានហើយនៅ? »។
អ្នកនាង កក្កដា ហៅម៉ាក់ដា បានបង្ហោះបន្តទៀតថា «ឈប់ស្រម៉ៃទៅ វាមិនអាចទៅរួចទេ ខ្ញុំអាចកើតកូនម្នាក់ឯងបាន ខ្ញុំក៏អាចធ្វើជាឪពុកផង ម្តាយផងបាន មិនបាច់លោកមកនិយាយល្អអីទេ បែកពេលនេះក៏ល្អដែរ កុំអោយឈឺចាប់ទៅមុខទៀត សូមអោយបានសុខជាមួយអ្នកក្រោយចុះ កុំចោលគេដូចចោលខ្ញុំទៀត ព្រោះមនុស្សចិត្តមិនដូចគ្នាទេ ខ្លាចគេទ្រាំមិនបានដូចខ្ញុំ ។ គេអាចសម្លា.ប់លោកចោលបាន ព្រោះចុះចោលគេទាំងគ្មានកំហុស ហើយថែមទាំងមានឈាមលោកឯងទាំងដុំទៀតផង បញ្ចាក់ផង បងប្អូនណា មិត្តភក្តិណាមិនពេញចិត្តឃើញក្នុងកាផុសរបស់ខ្ញុំអាចប្លុកខ្ញុំចោលបាន កុំអោយតឹងទ្រូងនឹងរឿងខ្ញុំច្រើនពេក ព្រោះអីខ្លួនខ្ញុំផ្ទាល់ក៏មិនចង់ជួបរឿងតិរច្ឆាននេះដែរ»។
ចែករំលែកព័តមាននេះ