នារសៀលថ្ងៃទី១២ ខែកក្កដា ឆ្នាំ២០២១ នៅគោលដៅយកសំណាកទីរួមផ្សារកណ្ដាល នៅចំណុចផ្លូវលេខ១៤៨ កែងផ្លូវ១៣ ស្ថិតក្នុងភូមិ៦ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ ដោយក្រុមគ្រូពេទ្យស្ម័គ្រចិត្តយុវជនសម្តេចតេជោ (TYDA) លើបុគ្គលិក និងអាជីវករផ្សារសរុបចំនួន១៨២នាក់ ក្នុងនោះស្រីចំនួន
រាជធានីភ្នំពេញ ៖ នារសៀលថ្ងៃទី១២ ខែកក្កដា ឆ្នាំ២០២១ នៅគោលដៅយកសំណាកទីរួមផ្សារកណ្ដាល នៅចំណុចផ្លូវលេខ១៤៨ កែងផ្លូវ១៣ ស្ថិតក្នុងភូមិ៦ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ ដោយក្រុមគ្រូពេទ្យស្ម័គ្រចិត្តយុវជនសម្តេចតេជោ (TYDA) លើបុគ្គលិក និងអាជីវករផ្សារសរុបចំនួន១៨២នាក់ ក្នុងនោះស្រីចំនួន ១១១នាក់ ។ ក្រោយពីរកឃើញប្រធានផ្សារកណ្តាល និងគណ:កម្មការផ្សារពីរទៀត មានវិជ្ជមានវីរុសកូវីដ១៩ កាលពីថ្ងៃទី១១ ខែកក្កដា ឆ្នាំ២០២១ ។
ក្រោយពីយកសំណាកចប់ ក្រុមគ្រូពេទ្យក៏បានរកឃើញអ្នកវិជ្ជមានកូវីដ១៩ សរុបចំនួន១៤នាក់ ក្នុងនោះស្រី០៩នាក់ ក្រោយមកក្រុមគ្រូពេទ្យក៏បានដឹកយកទៅព្យាបាលនៅមជ្ឈមណ្ឌលកោះពេជ្រតែម្តង ។ សរុបរួមដោយគិតចាប់តាំងពីថ្ងៃទី១១ ខែកក្កដា ឆ្នាំ២០២១ផងនោះ អាជីវករ និងបុគ្គលិកផ្សារកណ្តាល មានអ្នកវិជ្ជមានវីរុសកូវីដ-១៩ សរុបចំនួន១៧នាក់ហើយ ក្នុងនោះស្រីចំនួន០៩នាក់ ។
បន្ទាប់ពីពិនិត្យឃើញស្ថានភាពបែបនេះ រដ្ឋបាលរាជធានីភ្នំពេញ នៅថ្ងៃនេះផងដែរ ក៏បានចេញសេចក្តីសម្រេចស្តីពីការផ្អាកដំណើរការជាបណ្ដោះអាសន្ននៅផ្សារកណ្ដាលជាលើកទី២ ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩ រយៈពេល១៤ថ្ងៃ គិតចាប់ពីម៉ោងសូន្យ នាថ្ងៃទី១៣ ខែកក្កដា ឆ្នាំ២០២១នេះ រហូតដល់ថ្ងៃទី២៦ ខែកក្កដា ឆ្នាំ២០២១ ។
គួរបញ្ជាក់ថា វត្តសារាវ័ន្តតេជោ ដែលស្ថិតនៅភូមិ៦ សង្កាត់ជ័យជំនះ នៅរសៀលថ្ងៃទី១៣ ខែកក្កដា ឆ្នាំ២០២១នេះ អាជ្ញាធរខណ្ឌដូនពេញ បានចុះទៅវត្តសារាវ័ន្តតេជោ ដើម្បីបញ្ចប់ការបិទខ្ចប់កុដចំនួន៥ ដែលមានកុដិលេខ ១០,២៦,១៧,០១ និងកុដិលេខ៩ ក្នុងវត្តសារាវ័ន្តតេជោ ដោយឲ្យដំណើរការឡើងវិញជាធម្មតាផងដែរ ៕
ចែករំលែកព័តមាននេះ