អ្នកគាំទ្រវិស័យកីឡាដ៏ឆ្នើមរបស់កម្ពុជា១រូប កំពុងស្ថិតក្នុងការគំរា.មកំហែងដល់អាយុជីវិត
រាជធានីភ្នំពេញ ៖ អ្នកស្នេហាវិស័យបាល់ទាត់កម្ពុជា ពិតជាស្គាល់ហើយ គឺលោកព្រឹទ្ធាចារ្យកីឡា អ៊ុ សួន ដែលត្រូវបានគណៈកម្មការ
រាជធានីភ្នំពេញ ៖ អ្នកស្នេហាវិស័យបាល់ទាត់កម្ពុជា ពិតជាស្គាល់ហើយ គឺលោកព្រឹទ្ធាចារ្យកីឡា អ៊ុ សួន ដែលត្រូវបានគណៈកម្មការ
រាជធានីភ្នំពេញ ៖ អ្នកស្នេហាវិស័យបាល់ទាត់កម្ពុជា ពិតជាស្គាល់ហើយ គឺលោកព្រឹទ្ធាចារ្យកីឡា អ៊ុ សួន ដែលត្រូវបានគណៈកម្មការ CNCC ប្រគល់ពានកាលពីឆ្នាំ២០១៨ ដោយសារតែលោកជាបុរសវ័យចាស់ ដែលគាំទ្រយ៉ាងងប់ងល់ នឹងកីឡាបាល់ទាត់ស្ទើរមិនលស់មួយប្រកួត និងចងចាំកំណត់ត្រាការប្រកួតរបស់ក្រុមកម្ពុជាបានល្អជាងគេ។ ខណៈដែលលោកតាប្រកាសថា ចង់មើលការប្រកួតរបស់កីឡាករបាល់ទាត់កម្ពុជា នៅឆ្នាំ២០២៣សិន ទើបលោកតាអស់ចិត្ត ប៉ុន្តែនៅក្នុងពេលនេះ លោកតាកំពុងស្ថិតក្នុងការគំរា.មកំហែងដល់អាយុជីវិត ដោយជំងឺកូវីដ១៩ ។
ហេតុផលដែលលោកតាសម្ដែងការព្រួយបារម្ភនេះ គឺបន្ទាប់ពីលោកតាបានក្លាយជាអ្នកជម្ងឺកូវីដ១៩ និងកំពុងសម្រាកព្យាបាល ស្របពេលស្ថានភាពសុខភាពរបស់លោកក៏មុនសូវរឹងមាំដូចអ្នកកើតអ្នកជំងឺនេះ ដែលមានវ័យក្មេងជាងលោក។
សំណេរមួយដែលស្ដែងពីទឹកចិត្ត និងបំណងប្រាថ្នារបស់លោកតាត្រូវបានគេបង្ហោះព្រោងព្រាត ដែលធ្វើអោយម្នាក់ៗមានការក្ដុកក្ដួលចិត្តយ៉ាងខ្លាំង។ សំណេររបស់លោកតាត្រូវបានគេដកស្រង់ក្នុងពេលកំពុងស្ថិតក្នុងការសម្រាកព្យាបាលជម្ងឺកូវីដ១៩ថា «ខ្ញុំចង់ទស្សនាការប្រកួតរបស់ក្រុមជម្រើសជាតិកម្ពុជា នៅSea Game ឆ្នាំ២០២៣សិន ទើបខ្ញុំអស់ចិត្ត» ។ ពាក្យមួយឃ្លានេះ ត្រូវគេឃើញអ្នកលេងបណ្តាញសង្គមនាំគ្នាស៊ែរចែកចាយ ដោយបានភ្ជាប់ជាមួយនឹងរូបភាពយ៉ាងកម្សត់របស់លោកតា ដែលកំពុងសម្រាកព្យាបាលជម្ងឺកូវីដ១៩ ខណៈដែលលោកក៏ខំប្រឹងជម្នះជម្ងឺមួយនេះយ៉ាងលំបាក ព្រោះចង់អោយឆាប់ជា។
លោកតាបានអះអាងថា ក្ដីស្រម៉ៃរបស់លោកតា គឺលោកតាចង់ឃើញក្រុមបាល់ទាត់កម្ពុជាទទួលបានលទ្ធផលល្អ ហើយនាពេលកន្លងមក បើទោះជាក្រុមកម្ពុជា ទទួលបានលទ្ធផលបែបណា ក៏លោកតាតែងតែចំណាយពេលទៅទស្សនាដោយផ្ទាល់ និង តស៊ូគាំទ្រការប្រកួតរបស់ក្រុមកម្ពុជា ដោយសូម្បីតែលោកមិនរឹងមាំដូចអ្នកគាំទ្រភាគច្រើន។ ស្ទើរគ្រប់ការប្រកួតរបស់ក្រុមកម្ពុជា ស្ទើរមិនមានការប្រកួតមួយណាដែលលោកមើលរំលង មិនទៅទស្សនាដោយផ្ទាល់ទេ។ រូបភាពរបស់លោកតាត្រូវគេបង្ហោះតពីមួយទៅមួយ ស្ទើតែគ្រប់ការប្រកួត រហូតទទួលបានការចាប់អារម្មណ៍ពីគណៈកម្មការជាតិអូឡាំពិកកម្ពុជា ហើយឈានដល់ការសម្រេចផ្ដល់ពានជាអ្នកគាំទ្រដ៏សកម្មជូនដល់លោកតានៅឆ្នាំ២០១៨។
បើទោះជាក្នុងពេលនោះ ហាក់មិនសូវមានការដឹងឮទូលំទូលាយ ប៉ុន្តែលោកតា អ៊ុ សួន ត្រូវបានគេប្រសិទ្ធនាមថា ជាព្រឹទ្ធាចារ្យកីឡា ព្រោះតែលោកស្រលាញ់វិស័យបាល់ទាត់យ៉ាងងប់ងល់ ហើយដ្បិតតែលោកមានវ័យជរាបន្តិចមែន តែលោកតាតាមដានពីតារាងការប្រកួតរបស់ក្រុមកម្ពុជា បានយ៉ាងច្បាស់ និងតែងតែទៅរង់ចាំទស្សនាការប្រកួតរបស់ក្រុមកម្ពុជាកម្រខាន។ អ្នកបានជួបលោកតានៅទីលានទស្សនាបាល់ទាត់ បានកោតសរសើរចំពោះក្ដីស្រឡាញ់របស់លោកតា ហើយមនុស្សតិចណាស់ដែលយល់ថា នេះគឺហ្វេនបាល់ទាត់ដ៏ល្អរបស់ក្រុមកម្ពុជា ដោយលោកតាក៏ត្រូវបានគេសរសើរថា ចងចាំលទ្ធផលសម្រាប់ការប្រកួតកន្លងមករបស់ក្រុមកម្ពុជា បានច្បាស់ភាគច្រើននោះផង។ ដូច្នេះហើយទើបធ្វើអោយអ្នកខ្លះក្ដុកក្ដួល ដោយសារតែលោកបែរជាកើតជម្ងឺកូវីត១៩ ស្របពេលដែលលោកក៏បានបង្ហាញក្ដីប្រាថ្នាថា សុំអោយលោកបានឃើញការប្រកួតរបស់ក្រុមកម្ពុជា នៅស៊ីហ្គេមក្នុងឆ្នាំ២០២៣អោយចប់សព្វគ្រប់សិន ទើបលោកនឹងអស់ចិត្តនោះ។ អ្នកតាមដានបានត្រឹមជូនពរអោយលោកតាឆាប់ជា និង សូមអោយលោកតាសម្រេចក្ដីសុបិន្តប៉ុណ្ណោះ ហើយម្នាក់ៗក៏ចាត់ទុកថានេះគឺជាក្ដីប្រាថ្នារបស់មនុស្សវ័យជរាដ៏កម្រផងដែរ ៕
ចែករំលែកព័តមាននេះ