ខេត្តកំពង់ឆ្នាំង ៖ ក្នុងឱកាសដឹកនាំក្រុមការងារចុះពិនិត្យយុទ្ធនាការការចាក់វ៉ាក់សាំងកូវីដ១៩ របស់ក្រុមគ្រូពេទ្យក្នុងគោលដៅទាំង៤ក្នុងក្រុងកំពង់ឆ្នាំង នាព្រឹកថ្ងៃទី១៣ កក្កដា ឆ្នាំ២០២១ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានអំពាវនាវដល់ប្រជាពលរដ្ឋសូមចូលរួមចាក់វ៉ាក់សាំងឲ្យបានគ្រប់ៗគ្នា តែត្រូវអនុវត្តតាមវិធានការរបស់រាជរដ្ឋាភិបាល ដោយរក្សាគម្លាតពីគ្នាឱ្យបានត្រឹមត្រូវ ។
ឯកឧត្តម អភិបាលខេត្តបានបន្តថា៖ គិតមកដល់ថ្ងៃនេះខេត្តកំពង់ឆ្នាំ ងបានទទួលវ៉ាក់សាំងកូវីត១៩ ពីប្រមុខរាជរដ្ឋាភិបាល និងក្រសួងសុខាភិបាលបានចំនួន៣៧ ម៉ឺនដូស ។ វ៉ាក់សាំងដែលមន្ទីរសុខាភិបាលខេត្ត ទទួលបាននៅវគ្គក្រោយនេះ គឺបានចាប់ផ្តើមចាក់ជូនប្រជាពលរដ្ឋ នៅតាមបណ្តាស្រុកទាំង៧ តាំង ពីថ្ងៃទី១២ ម្សិលម៉ិញ ដោយឡែកសម្រាប់ក្រុងកំពង់ឆ្នាំង យើងទើបដំណើរការចាក់នៅព្រឹក ថ្ងៃទី១៣នេះទេ ដោយមាន៤គោលដៅ ហើយបើគិតទូរទាំងខេត្ត ដែលមន្ត្រីនៃមន្ទីរសុខាភិបាលកំពុងដំណើរការចាក់ជូនប្រជាពលរដ្ឋ មានសរុបចំនួន២៤ គោលដៅ ។
ឯកឧត្តមអភិបាលខេត្តក៏បានសំណូមពរ ដល់ក្រុមគ្រូពេទ្យនិងអាជ្ញាធរ ដែលស្ថិតនៅក្នុងទីតាំង កំពុងចាក់វ៉ាក់សាំងជូនប្រជាពលរដ្ឋ សូមយកចិត្តទុកដាក់ថែរក្សាសណ្តាប់ធ្នាប់ របៀបរៀបរយ និងរក្សាគម្លាត។ ត្រូវណែនាំឲ្យពួក គាត់ពាក់ម៉ាស លាងដៃ និងអាកុលបមិនត្រូវប្រជ្រៀតគ្នា ដណ្តើមគ្នាដើម្បីចាក់វ៉ាក់សាំងនោះឡើយ។ ព្រោះថាការប្រជ្រៀតគ្នា ឬដណ្ដើម គ្នានេះ វាអា ចមានហានិភ័យឆ្លងរាលដាលជំងឺកូវីដនេះមកដល់ខ្លួននិងក្រុមគ្រួសារខ្លួនទៅវិញទេ ។ ចំពោះការចាក់ វ៉ាក់ សាំងនេះគឺអាជ្ញាធរ ខេត្ត និងមន្ទីរសុខាភិបាល មានផែន ការចាក់ជូនប្រជាពលរដ្ឋគ្រប់ៗគ្នា ។
តាមការបញ្ជាក់របស់ឯកឧត្តមអភិបាលខេត្តកំពង់ឆ្នាំង បានឱ្យដឹងថា៖ ដោយសារសន្ទុះនៃជម្ងឺកូវីត បានស្ទុះឡើងគួរព្រួយបារម្មណ៍ និងថ្មីៗភាគច្រើនលើអាជីវករ ទើបរដ្ឋបាលខេត្តកំពង់ឆ្នាំង បានសម្រេចបិទជាបណ្តោះអាសន្ន នូវផ្សារចំនួន២ គឺផ្សារឆ្នាំង និងផ្សារលើក្រុងកំពង់ឆ្នាំង ព្រមទាំងមានបិទទីតាំងមួយចំនួនទៀត ។ ក្នុងនោះមន្ទីរសុខាភិបាលបានដាក់ទីតាំង នៅមុខមន្ទីរ ចាំយកសំណាក របស់បងប្អូនប្រជាពលរដ្ឋ និងអាជីវករដែលសង្ស័យថាបានឆ្លងជម្ងឺកូវីត១៩ នៅរៀងរាល់ម៉ោងធ្វើការ គឺក្នុងគោលបំណង ទប់ស្កាត់ការរីករាលដាល នេះជម្ងឺកូវី១៩ បន្ថែមទៀត។
គួររំឮកដែរថា៖ ត្រឹមតែរយៈពេល៣ថ្ងៃ ចាប់ពីថ្ងៃទី១០ ដល់១២ ខែកក្កដា ខេត្តកំពង់ឆ្នាំង មានអ្នកឆ្លងថ្មីសរុប ១១៨នាក់ ក្នុងនោះថ្ងៃទី១០ មានចំនួន៣១នាក់ ថ្ងៃទី១១មានចំនួន៣៥នាក់ និងនៅថ្ងៃទី១២ ខែកក្កដា មានចំនួន៤២នាក់ ដែលអ្នកទាំងនោះ ជាអាជីវករ កម្មករ មន្ត្រីរាជការ នគរបាល គ្រូបង្រៀន សិស្ស បុក្គលិកក្រុមហ៊ុន អ្នកសារព័ត៌មាន និងអ្នករត់ម៉ូតូឌុប ៕
ចែករំលែកព័តមាននេះ