ល្បីថា G5 នឹងបំពាក់បច្ចេកវិទ្យាស្គែនប្រស្រីភ្នែក
យោងតាមព័ត៌មានចចាមអារ៉ាមថ្មីពីតៃវ៉ាន់ឱ្យដឹងថា ស្មាតហ្វូនចុងក្រោយរបស់ក្រុមហ៊ុន LG គឺ LG G5 នឹងមានទំហំ៥.៦អ៊ីងកម្រិតភ្លឺច្បាស់ QHD ព្រមទាំងស្រោបដោយលោហធាតុផងដែរ ។…
យោងតាមព័ត៌មានចចាមអារ៉ាមថ្មីពីតៃវ៉ាន់ឱ្យដឹងថា ស្មាតហ្វូនចុងក្រោយរបស់ក្រុមហ៊ុន LG គឺ LG G5 នឹងមានទំហំ៥.៦អ៊ីងកម្រិតភ្លឺច្បាស់ QHD ព្រមទាំងស្រោបដោយលោហធាតុផងដែរ ។ រីឯកាមេរ៉ាមុខ ៨មេហ្គាភិចស៊ែល កាមេរ៉ាក្រោយពី២០ទៅ២១ មេហ្គាភិចស៊ែល ។ លើសពីនេះទៅទៀត G5 នឹងប្រើប្រាស់បច្ចេកវិទ្យា ស្គែនប្រស្រីភ្នែក (Iris Scan) ។ នេះគឺជាការទម្លុះអាថ៌កំបាំងនូវរបកគំហើញថ្មីក្នុងឧស្សាហកម្មបច្ចេកវិទ្យាដែលធ្លាប់តែមានក្នុងរឿងហូលីវូដ តែវានឹងអាចលេចរូបរាងជាក់ស្តែងទៅវិញ ។ បច្ចេកវិទ្យាស្គែនប្រស្រីភ្នែក គឺជាការស្គែនកែវភ្នែករបស់អ្នកប្រើប្រាស់ដើម្បីបើកដំណើរការទូរស័ព្ទរបស់ខ្លួន ។ ខណៈពេលបច្ចុប្បន្នមានត្រឹមតែបច្ចេកវិទ្យាស្គែនម្រាមដៃប៉ុណ្ណោះ ។
ក្រៅពីនេះ G5 នឹងត្រូវភ្ជាប់ដោយបន្ទះChip Snapdragon 820 ហើយវានឹងមានការរចនាពិសេសប្លែកពីស៊េរីមុន G4 ដូចបង្ហាញក្នុងរូបខាងក្រោមនេះ ៕
ចែករំលែកព័តមាននេះ