រាជធានីភ្នំពេញ ៖ ផ្សារបឹងកេងកងបានបើកដំណើរការជាធម្មតាវិញហើយ ចាប់ពីថ្ងៃទី១៣ ខែកក្កដា ឆ្នាំ២០២១នេះតទៅឡើងវិញក្រោយពីបានផ្អាកជាបណ្តោះអាសន្ន ចាប់តាំងពីថ្ងៃទី២៩ ខែមិថុនា ឆ្នាំ២០២១ កន្លងមកនេះអស់រយៈ១៤ថ្ងៃមកហើយដោយសារតែការផ្ទុះរីករាលដាលនូវជំងឺកូវីដ១៩ទៅលើគណៈកម្មាធិការផ្សារ និងក្រុមអាជីរករលក់ដូរក្នុងផ្សារនោះ ។
ដោយអនុវត្តន៍ទៅតាមគោលការណ៍របស់ក្រសួងសុខាភិបាល ហើយ និងក្រុមអាជីវករទាំងអស់ទាល់តែមានលិខិតបញ្ជាក់អំពីការយកសំណាកជាលើកទី២ ទើបអនុញាត្តិអោយចូលមកធ្វើការលក់ដូរជាធម្មតាវិញបាន ។
លោក ឯក និមល ប្រធានផ្សារបឹងកេងកងបានបញ្ជាក់ថា អរគុណសម្រាប់ការចូលរួមតែកុំភ្លេចអនុវត្តវិធានការ ៣ការពារ ៣កុំ សូមបញ្ជាក់ជូនថា ការយកសំណាកពិនិត្យរកមេរោគកូវីដ១៩នេះ គឺជាវិធានការជួយអោយបងប្អូនមានសុវត្ថិភាពសម្រាប់ខ្លួនឯង ក្រុមគ្រួសារខ្លួនឯង ដើម្បីបន្តនិរន្តរភាព អាជីវកម្ម ចិញ្ចឹមជីវិត ការយកសំណាកវាមិនប៉ះពាល់សុខភាពប៉ះពាល់អាយុជីវិតនោះទេ តែវាបានផ្តល់អោយអ្នកនូវការបន្តការប្រុងប្រយ័ត្នបន្ថែមទៀត ។
បើយើងគោរពអនុវត្តតាមវិធានការ៣ការពារ ៣កុំ អោយបានត្រឹមត្រូវ ទោះអតិថិជនចូលផ្សារវិជ្ជមានកូវីដ១៩ ប៉ុន្មានរយនាក់ក៏យើងមានសុវត្ថិភាពដែរ ។
ផ្ទុយមកវិញ បើសិនជាអ្នកមិនបានទៅយកសំណាករកមេរោគកូវីដ១៩ទេ អ្នកនឹងហួសពេលក្នុងការព្យាបាលករណីអ្នកកំពុងផ្ទុកកូវីដ១៩ ពេលនោះក្រុមគ្រួសារអ្នកដែលទទួលគាំទ្រដោយសេដ្ឋកិច្ចពីអ្នកនឹងជូបបញ្ហាទាំងសេដ្ឋកិច្ច ទាំងជំងឺ ។ មិនមានត្រាបញ្ជាក់ការយកសំណាកលើកទី២ មិនអាចចូលប្រកបរបរអាជីវកម្មបានឡើយ ៕
ចែករំលែកព័តមាននេះ