ខេត្តបន្ទាយមានជ័យ ៖ ពលករខ្មែរត្រឡប់ពីប្រទេសថៃចូលមកកម្ពុជាក្នុងភូមិសាស្ត្រខេត្តបន្ទាយមានជ័យ១ថ្ងៃជិត១០០នាក់ រកឃើញវិជ្ជមានកូវីដ១៩ចំនួន២៩នាក់ នៅថ្ងៃទី១២ ខែកក្កដា ឆ្នាំ២០២១នេះ ។
លោក លី សុវណ្ណារិទ្ធ អភិបាលស្រុកអូរជ្រៅដែលត្រូវទទួលភារកិច្ចថ្មីជាអភិបាលរងខេត្តបន្ទាយមានជ័យបានប្រាប់ថា ៖ នៅថ្ងៃទី១២ ខែកក្កដា ឆ្នាំ២០២១នេះ ពលករខ្មែរដែលត្រឡប់ពីប្រទេសថៃចូលតាមច្រកអូរបីជាន់ឃុំអូរបីជាន់ស្រុកអូរជ្រៅ ដែលត្រូវបានក្រុមការងារមណ្ឌលសំចតទទួលពិនិត្យសុខភាពរយៈពេល១ថ្ងៃ មានចំនួន៩៩នាក់ ស្រី៣៧នាក់ ហើយបានយកសំណាកធ្វើតេស្តរកឃើញវិជ្ជមានកូវីដ១៩ មានចំនួន២៩នាក់ ស្រី១៤នាក់ក្មេង៣នាក់ អ្នករកឃើញវិជ្ជមានកូវីដ១៩ ត្រូវបានបញ្ជូនទៅព្យាបាល និងអ្នកអវិជ្ជមានកូវីដ១៩ ត្រូវបានបញ្ជូនទៅធ្វើចត្តាឡីស័ករយៈពេល២១ថ្ងៃ ។
លោកបានបញ្ជាក់ថា ៖ ក្នុងឱកាសដែលជំងឺឆ្លងកូវីដ ១៩ ពលករដែលត្រឡប់ពីប្រទេសថៃចូលមកកម្ពុជាវិញដែលត្រូវទទួលរហូតពេលនេះ មានចំនួន៨៧.៧០៥នាក់ ស្រី៣៩.៥៩៦នាក់ មានប្រជាពលរដ្ឋខេត្តបន្ទាយមានជ័យចំនួន៣៧.៣៣១នាក់ ខេត្តបាត់ដំបង១៣.៦៣៣នាក់ ខេត្តកំពង់ចាម២.១០៥នាក់ ខេត្តកំពង់ឆ្នាំង៨៥០នាក់ ខេត្តកំពង់ស្ពឺ៥២៨នាក់ ខេត្តកំពង់ធំ៥.០៨៧នាក់ ខេត្តកំពត១.១៦១នាក់ ខេត្តកណ្តាល៧១៣នាក់ ខេត្តកោះកុង៤០នាក់ ខេត្តក្រចេះ៤៦១នាក់ ខេត្តមណ្ឌលគីរី២៦នាក់ រាជធានីភ្នំពេញ៣២១នាក់ ខេត្តព្រៈវិហ៊ារ២៥៨នាក់ ខេត្តព្រៃវែង៤.៦០៥នាក់ ខេត្តពោធិ៍សាត់២.៣៩៣នាក់ ខេត្តរតនគីរី៧៦នាក់ ខេត្តសៀមរាប១០.០៤៦នាក់ ខេត្តព្រៈសីហនុ៨៣នាក់ ខេត្តស្ទឹងត្រែង១២០នាក់ ខេត្តស្វាយរៀង១.០៩០នាក់ ខេត្តតាកែវ១.៩៧១នាក់ ខេត្តឧត្តរមានជ័យ១.២៩៩នាក់ ខេត្តកែប១៣នាក់ ខេត្តប៉ៃលិន៤២០នាក់ ខេត្តត្បូងឃ្មុំ៣.០៦៣នាក់ និងជនជាតិបរទេស១២នាក់៕
ចែករំលែកព័តមាននេះ