រាជធានីភ្នំពេញ ៖ ក្នុងសន្និសីទសារព័ត៌មាន ស្ដីពីនិតិវិធី និងយន្តការព្យាបាលតាមផ្ទះ ចំពោះអ្នកជំងឺកូវីដ-១៩ កម្រិតស្រាល និងគ្មានរោគសញ្ញា សម្រាប់ភូមិសាស្ត្ររាជធានីភ្នំពេញ នៅសាលារាជធានីភ្នំពេញ ព្រឹកថ្ងៃទី ១២ ខែ កក្កដា នេះ លោក កើត ឆែ អភិបាលរងរាជធានីភ្នំពេញ បានលើកឡើងថា ទីកន្លែងសម្រាប់បូជាស.ព នៅខេត្តកំពង់ស្ពឺ មិនទាន់មានហេដ្ឋារចនាសម្ព័ន្ធ ជាពិសេសផ្លូវចូល ធ្វើប្រព័ន្ធលូ ដែលជាជម្រៀលភ្នំ និងអគារ ដែលទីតាំងនោះមានផ្ទៃដីប្រមាណ៧០ហិកតា និងមានចម្ងាយ ៧០គីឡូម៉ែត្រពីភ្នំពេញដែលប្រហែលជាភ្នំពេញមិនយកទីតាំងនោះសម្រាប់បូជាស.ពអ្នកស្លា.ប់ដោយកូវីដទេ។ លោកបន្តថា កន្លងមកការបូជាស.ពអ្នកជំងឺកូវីដ នៅវត្តឫស្សីសាញ់ នៅវត្តទឹកថ្លា និងនៅវត្តក្នុងខណ្ឌព្រែកព្នៅ ដែលទីតាំងនៅកំពង់ស្ពឺក៏មានបងប្អូនខ្មែរអ៊ិស្លាម យកស.ពដែលស្លា.ប់ដោយសារកូវីដ ទៅបញ្ចុះនៅទីនោះដែរ ហើយរាជធានីភ្នំពេញ ក៏កំពុងពិចារណាឲ្យបងប្អូនខ្មែរអាចបញ្ចុះស.ពអ្នកស្លា.ប់ដោយជំងឺកូវីដ១៩នៅទីនោះផងដែរ ។
លោក កើត ឆែ បានលើកឡើងទៀតថា ក្រសួងសុខាភិបាល បានឲ្យរាជធានីភ្នំពេញ រៀបចំទូក្លាស្សេសាកស.ពដែលបូជាមិនទាន់ ដែលពីមុននៅសល់ប្រមាណ១០០ស.ព ប៉ុន្តែពេលនេះសាកស.ពនៅសល់តែប្រមាណ៥០ទេ ហើយរដ្ឋបាលរាជធានីភ្នំពេញក៏កំពុងពិចារណា ស្នើសុំទៅប្រមុខរាជរដ្ឋាភិបាល ដើម្បីយកម៉ាស៊ីនបូជាស.ព ចំនួន២ដែលជិតមកដល់ទៅបំពាក់នៅក្នុងវត្តដែលមិនមានប្រជាពលរដ្ឋរស់នៅក្បែរនោះច្រើនទេ ក្នុងរាជធានីភ្នំពេញ ព្រោះមិនចំណាយពេលរថយន្តដឹកស.ពយូរ ព្រោះទៅខេត្តកំពង់ស្ពឺឆ្ងាយ ។
លោក កើត ឆែ បានអះអាងថា រដ្ឋបាលរាជធានីភ្នំពេញនឹងប្រជុំសម្រេចលើការស្នើសុំបញ្ចុះស.ពប្រជាពលរដ្ឋខ្មែរ ដែលស្លា.ប់ដោយកូវីដ១៩ និងការរៀបចំបូជាស.ពនៅតាមវត្តក្នុងរាជធានីភ្នំពេញ តែតម្រូវឱ្យមានការអនុវត្តវិធានរបស់ក្រសួងសុខាភិបាលផងដែរ៕
ចែករំលែកព័តមាននេះ