ឮនាងស្រែកខ្លាំងៗ ផ្អើ.លក្មេ.ងៗជាប់បន្ទប់ជួលដើរទៅមើលឃើញសកម្មភាពឪពុកចុងស្តែងនឹងភ្នែក
- ភ្នំពេញ
រាជធានីភ្នំពេញ ៖ បុរសចំណាស់ម្នាក់ត្រូវបានកម្លាំងនគរបាលនៃអធិការដ្ឋានខណ្ឌដង្កោធ្វើការឃាត់ខ្លួននាំយកទៅសាកសួរ និង
រាជធានីភ្នំពេញ ៖ បុរសចំណាស់ម្នាក់ត្រូវបានកម្លាំងនគរបាលនៃអធិការដ្ឋានខណ្ឌដង្កោធ្វើការឃាត់ខ្លួននាំយកទៅសាកសួរ និង
រាជធានីភ្នំពេញ ៖ បុរសចំណាស់ម្នាក់ត្រូវបានកម្លាំងនគរបាលនៃអធិការដ្ឋានខណ្ឌដង្កោធ្វើការឃាត់ខ្លួននាំយកទៅសាកសួរ និងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញចាត់ការតាមច្បាប់ ក្រោយពីទទួលបានបណ្ដឹងរបស់មន្ត្រីមន្ទីរកិច្ចការនារីរាជធានីភ្នំពេញ ដែលបានប្ដឹងចោទប្រកាន់ថា បុរសចំណាស់រូបនោះបានធ្វើសកម្មភាពប្រទូស្តកេ.រខ្មា.សក្មេ.ងស្រីម្នាក់ជាច្រើនលើក រាល់ពេលដែលបុរសចំណាស់រូបនោះផឹកស្រាស្រវឹងម្ដងៗ ។ ចំណែកស្ត្រីជាប្រពន្ធពុំបានប្ដឹងនោះទេ ប៉ុន្តែបានស្ដីបន្ទោសបុរសចំណាស់រូបនោះ និងព្រមានឲ្យបញ្ឈប់សកម្មភាពលូកលាន់កូនស្រីតទៅទៀតដែរ ប៉ុន្តែបុរសនេះមិនព្រមស្ដាប់ និងនៅតែបន្តប្រព្រឹត្តល្មើសដដែល រហូតដល់ថ្ងៃនគរបាលឃាត់ខ្លួនតែម្ដង។
ការចាប់ខ្លួនបុរសចំណាស់១រូបខាងលើនោះបានធ្វើឡើងកាលពីវេលាម៉ោង៣និង២០នាទីរសៀលថ្ងៃទី១០ ខែកក្កដា ឆ្នាំ២០២១ នៅបន្ទប់ជួលមួយកន្លែង ស្ថិតក្នុងខណ្ឌដង្កោ រាជធានីភ្នំពេញ ។
ជនសង្ស័យជាឪពុកចុងខាងលើឈ្មោះ ម៉ែន សុខុម អាយុ៥០ឆ្នាំ មុខរបរជាងសំណង់ ស្នាក់នៅផ្ទះជួលក្នុងភូមិឃុំកើតហេតុខាងលើ ចំណែកក្មេ.ងស្រីរងគ្រោះមានអាយុ១២ឆ្នាំ ត្រូវជាកូនស្រីចុង រស់នៅបន្ទប់ជួលនៅក្នុងភូមិឃុំកើតហេតុជាមួយគ្នានោះដែរ។
តាមប្រភពពីនគរបាលបានប្រាប់ឲ្យដឹងថា កន្លងមកនៅពេលផឹកស្រាស្រវឹងម្ដងៗ បុរសជាឪពុកចុងរូបនោះតែងតែបានធ្វើសកម្មភាពប្រទូស្តកេ.រខ្មា.សលើកូនស្រីចុងរបស់ខ្លួនជាបន្តបន្ទាប់ច្រើនលើក ប៉ុន្តែពុំត្រូវបានប្រពន្ធឬក្រុមគ្រួសារប្ដឹងនោះទេ ។ដោយឡែកកាលពីវេលាម៉ោង១១ព្រឹកថ្ងៃទី៧ ខែកក្កដា ឆ្នាំ២០២១ ខណៈកំពុងហូបបាយថ្ងៃត្រង់ជុំគ្នានៅក្នុងបន្ទប់ជួល បុរសជាឪពុកចុងរូបនេះបានប្រលែងលេងជាមួយក្មេងស្រីរងគ្រោះដែលជាកូនចុងនៅនឹងមុខស្ត្រីជាប្រពន្ធ និងជាម្ដាយផងដែរ។ បន្ទាប់មក ជនសង្ស័យជាឪពុកចុងរូបនេះបានយកជើងគងលើកូនស្រីចុង ហើយនាងបានរើបម្រះ តែរើមិនរួចក៏ស្រែកខ្លាំងៗបង្កឲ្យមានការភ្ញាក់ផ្អើល ភ្លាមៗនោះក្មេងៗដែលស្នាក់នៅបន្ទប់ជួលក្បែរៗគ្នា ដើរទៅមើលឃើញក៏ទៅនិយាយប្រាប់អ្នកជិតខាង។
តាមប្រភពដដែលបានបន្តទៀតថា ក្រោយពេលបានដឹង អ្នកជិតខាងក៏បានទូរស័ព្ទរាយការណ៍ប្រាប់អ្នកស្រី ម៉ាន ម៉ៃ អាយុ៥៤ឆ្នាំ ជាមន្ត្រីនៅមន្ទីរកិច្ចការនារីរាជធានីភ្នំពេញ ឱ្យបានដឹង ទើបមន្ត្រីរូបនោះដាក់ពាក្យប្ដឹងសុំឲ្យកម្លាំងសមត្ថកិច្ចនគរបាលខណ្ឌដង្កោជួយអន្តរាគមន៍ ។ លុះពេលទទួលបានបណ្ដឹងនោះហើយ កម្លាំងនគរបាលបានធ្វើការស្រាវជ្រាវរហូតដល់វេលាម៉ោង៣និង២០នាទីរសៀលថ្ងៃទី១០ ខែកក្កដា ឆ្នាំ២០២១ ក៏បានឃាត់ខ្លួនជនសង្ស័យជាឪពុកចុងរូបនោះទៅសួរនាំ ។
នៅពេលសមត្ថកិច្ចសួរនាំ ជនសង្ស័យបានសារភាពថា ខ្លួនពិតជាបានយកជើងគងលើកូនស្រីចុងប្រាកដមែន ហើយកន្លងមកគាត់ក៏ធ្លាប់បានធ្វើសកម្មភាពលូកដៃស្ទាបអង្អែលកូនស្រីចុងលេងជាញឹកញាប់ផងដែរ គឺនៅពេលដែលគាត់ផឹកស្រាស្រឹវឹងម្ដងៗ ។ មិនតែប៉ុណ្ណោះនៅពេលគាត់ប្រព្រឹត្តបែបនេះត្រូវបានប្រពន្ធដឹងនិងបានស្ដីបន្ទោស ព្រមទាំងព្រមានឲ្យឈប់ប្រព្រឹត្តបែបនេះដែរ ប៉ុន្តែខ្លួនមិនស្ដាប់តាមឡើយ ទើបចុងក្រោយទទួលបានលទ្ធផលបែបនេះ ៕
ចែករំលែកព័តមាននេះ