រាជធានីភ្នំពេញ ៖ ស្ត្រីវ័យចំណាស់ម្នាក់អះអាងថា បានខូចចិត្តខ្លួនឯង និងប្តីមានស្រីបានជិះរថយន្តម៉ាកឡិចស៊ិស RX៣០០មួយគ្រឿងមកលោតទឹកសម្លាប់ខ្លួនពីលើស្ពានជ្រោយចង្វារ តែត្រូវបានកូនប្រុសស្រីជិះម៉ូតូដេញតាម និងប្តឹងនគរបាលអោយជួយឃាត់ទាន់ ។
ហេតុការណ៍ធ្វើអត្ថឃាតនេះ បង្កអោយមានការភ្ញាក់ផ្អើល កាលពីវេលាម៉ោង១១ និង៣០នាទី ថ្ងៃត្រង់នាថ្ងៃទី១០ ខែកក្កដា ឆ្នាំ២០២១ នៅចំណុចលើស្ពានជ្រោយចង្វារចាស់ ស្ថិតនៅសង្កាត់ស្រះចក ខណ្ឌដូនពេញ ។
ស្ត្រីរូបនោះពុំត្រូវស្គាល់អត្តសញ្ញាណឡើយ មានអាយុប្រមាណ៥០ឆ្នាំ មានលំនៅសង្កាត់ច្រាំងចំចំរេះ២ ខណ្ឌឬស្សីកែវ ។
តាមប្រភពព័ត៌មានបានអោយដឹងថា នៅមុនពេលកើតហេតុ គេឃើញស្ត្រីរូបនោះបានជិះបើករថយន្តម៉ាក់ Lexus RX300 ពាក់ស្លាកលេខ ភ្នំពេញ 2AS.1842 មួយគ្រឿង ក្នុងទិសដៅពីលិចទៅកើតឡើងស្ពានជ្រោយចង្វារដោយមានកូនប្រុសម្នាក់ជិះម៉ូតូម៉ាក ZOOMER មួយគ្រឿងដេញតាម ។
ខណៈនោះ កូនប្រុសក៏បានប្តឹងនគរបាលគោលដៅអោយជួយអន្តរាគមន៍ឃាត់ ព្រោះម្តាយគិតខ្លីប្រុងមកលោតទឹកសម្លាប់ខ្លួន ។ ភ្លាមៗនគរបាលគោលដៅនៅគល់ស្ពានក៏បានទៅអន្តរាគមន៍ឃាត់ទាន់ រួចនាំមកវង្វង់មូលគួចកាណុង ។
តាមស្ត្រីរូបនោះបានយំរៀបរាបអោយដឹងថា មូលហេតុដែលធ្វើអោយគាត់គិតខ្លី ដោយសារតែតូចចិត្តខ្លួនឯងដែលប្តីមានស្រី ។ តាមព័ត៌មានអោយដឹងមុន ពេលកើតហេតុស្ត្រីរូបនោះមានទំនាស់គ្នាក្នុងគ្រួសារ ហើយក៏បានជិះរថយន្តចេញមកលោតទឹកពីលើស្ពានហើយត្រូវដឹងក៏បានជិះម៉ូតូតាម និងឃាត់តែម្តង ។ បន្ទាប់ពីឃាត់សួរនាំកូនប្រុស ស្រីក៏បានឡើងជិះរថយន្តត្រឡប់ទៅផ្ទះវិញ ៕
ចែករំលែកព័តមាននេះ