អាជ្ញាធរ ចាប់ផ្សឹកអនុគណស្រុកដំណាក់ចង្អើរ តែមិនបានជោគជ័យ
- កែប
កែប៖ អាជ្ញធរខេត្តកែប ក្នុងនោះ មាននគរបាលស្រុកដំណាក់ចង្អើរផង រួមជាមួយមន្ត្រីធម្មការ និងសាសនាខេត្តកែប មានគម្រោងចាប់ផ្សឹកព្រះតេជគុណ ម៉ៅ សើយ មានព្រះជន្ម…
កែប៖ អាជ្ញធរខេត្តកែប ក្នុងនោះ មាននគរបាលស្រុកដំណាក់ចង្អើរផង រួមជាមួយមន្ត្រីធម្មការ និងសាសនាខេត្តកែប មានគម្រោងចាប់ផ្សឹកព្រះតេជគុណ ម៉ៅ សើយ មានព្រះជន្ម…
កែប៖ អាជ្ញធរខេត្តកែប ក្នុងនោះ មាននគរបាលស្រុកដំណាក់ចង្អើរផង រួមជាមួយមន្ត្រីធម្មការ និងសាសនាខេត្តកែប មានគម្រោងចាប់ផ្សឹកព្រះតេជគុណ ម៉ៅ សើយ មានព្រះជន្ម ៣៣វស្សា ជាព្រះចៅអធិការវត្តភ្នំលាវ និងជាអនុគណស្រុកដំណាក់ចង្អើរ ខេត្តកែប។ ព្រះអធិការក្មេងវស្សានេះ ត្រូវបានគេលើកឡើងថា បានលួចលាក់ទាក់ទងស្នេហាជាមួយស្ត្រីមេម៉ាយកូនមួយ នៅក្បែរវត្ត ទើបកើតរឿងរ៉ាវដូច្នេះ។
ដោយឃើញមានអាជ្ញាធរមកច្រើន ប្រជាពលរដ្ឋ ដែលជាចំណុះជើងវត្តភ្នំលាវ ឃុំពងទឹក ស្រុកដំណាក់ចង្អើរ បានចេញមុខ មកគាំទ្រព្រះសង្ឃ ច្រើនរយនាក់ ទើបនគរបាល បានដកថយទៅវិញ។
លោកឧត្តមសេនីយ៍ត្រី សេះ ញ៉ន ស្នងការរង ទទួលផែនផ្នែកព្រម្មាទណ្ឌ នៃស្នងការដ្ឋាននគរបាលខេត្តកែប បានប្រាប់ទៅប្រជាពលរដ្ឋ អោយត្រឡប់ទៅផ្ទះវិញទៅ ដោយមន្ត្រីធម្មការខេត្ត មិនបានមកធ្វើអ្វីទេ។
លោក កោះ ហ៊ាង ជាគណៈកម្មការកសាងវត្តភ្នំលាវ បានប្រាប់ថា នេះជាការមួលបង្កាច់ទេ រឿងស្ត្រីមេម៉ាយកូនមួយ នៅភូមិភ្នំលាវថា ព្រះតេជ្ជគុណ ម៉ៅ សើយ លួចមានស្នេហានឹងនាង ទើបមានរឿងរ៉ាវបែបនេះ។ រឿងនេះ គេថា ស្រីប្រកាន់ ប្រុសប្រកែក។
លោក កោះ ហ៊ាង បន្តថា បើនាងនោះ ក្លាហានចេញមុខមក ព្រោះពុទ្ធបរិស័ទ ជាង ៣០០នាក់ កំពុងចង់ស្គាល់មុខអ្នកបោកព្រះសង្ឃ។
នៅពេលអ្នកគាំទ្រព្រះសង្ឃ បានត្រឡប់ទៅផ្ទះអស់ នៅវេលាល្ងាចថ្ងៃទី៩កក្កដានេះ លោកស្រី គឹម ចន្នី អភិបាលស្រុកដំណាក់ចង្អើរ បានចូលទៅសួរនាំព្រះតេជគុណ ម៉ៅ សើយ បន្តទៀត នៅក្នុងកុដ្ឋិថ្ម នៅលើវត្តភ្នំលាវ។ តែលទ្ធផលយ៉ាងណា មិនទាន់ត្រូវបានទម្លាយឲ្យដឹងនៅឡើយទេ៕ កែវ ឆាត
ចែករំលែកព័តមាននេះ