រយៈពេល៦ខែ! មនុស្សស្លា.ប់ និងរបួសជាង២០០នាក់ ដោយគ្រោះធម្មជាតិ និងអគ្គីភ័យ
- ភ្នំពេញ
រាជធានីភ្នំពេញ ៖ គ្រោះមហន្តរាយ ខ្យល់កន្ត្រាក់ រន្ទះបា.ញ់ និងអគ្គិភ័យបានឆក់យកជីវិតមនុស្សប្រុសស្រី៧៨នាក់ របួសធ្ងន់ស្រាល
រាជធានីភ្នំពេញ ៖ គ្រោះមហន្តរាយ ខ្យល់កន្ត្រាក់ រន្ទះបាញ់ និងអគ្គិភ័យបានឆក់យកជីវិតមនុស្សប្រុសស្រី៧៨នាក់ របួសធ្ងន់ស្រាល១២៩នាក់ ក្នុងរយះពេល៦ខែដើមឆ្នាំ២០២១ នៅទូទាំងប្រទេស នេះបើយោងតាមរបាយការណ៍របស់គណៈកម្មាធិការជាតិ គ្រប់គ្រង គ្រោះមហន្តរាយ (គ.ជ.គ.ម) ឲ្យដឹង។
របាយការណ៍ឆមាសទី១ ឆ្នាំ២០២១ ដដែលបានឲ្យដឹងទៀតថា របាយការណ៍ឆមាសទី១ ឆ្នាំ២០២១ ដោយគិតចាប់តាំងពីខែមករា ដល់ថ្ងៃទី២៥ ខែមិថុនា ឆ្នាំ២០២១។ ការបូកសរុបពីតាមបណ្តារាជធានី-ខេត្តទាំង២៥ បង្ហាញថា រន្ទះជាបាតុភូតដែលសម្លា.ប់មនុស្សច្រើនជាងគេ លើសអគ្គិភ័យ និងខ្យល់កន្ត្រាក់ ។ ក្នុងនោះគ្រោះថ្នាក់ដោយរន្ទះបាញ់ នៅខេត្តកំពង់ធំ និងខេត្តបាត់ដំបងរងគ្រោះខ្លាំងជាងគេ ដោយបាតុភូតរន្ទះបាញ់បានកើតឡើងចំនួន៧០លើក បណ្តាលឱ្យខូចខាតផ្ទះសម្បែងចំនួន៥ខ្នង មនុស្សស្លា.ប់ចំនួន៥៩នាក់(ស្រី១៥នាក់) រងរបួស៤៤នាក់ និងគោក្របីងា.ប់អស់៣២ក្បាល ។ ខេត្តបាត់ដំបងមានបាតុភូតរន្ទះដល់ទៅ១៤លើក ដែលធ្វើឲ្យមនុស្សចំនួន១៤នាក់ស្លា.ប់ និងគោក្របីងា.ប់១១ក្បាល ខេត្តកំពង់ធំ ស្ថិតនៅលំដាប់ទី២ ដោយមានមនុស្សស្លា.ប់៨នាក់ក្នុងគ្រោះរន្ទះបាញ់ចំនួន៨លើក។ ខេត្តដែលមានអ្នកស្លា.ប់ដោយសាររន្ទះជាបន្តបន្ទាប់មាន ខេត្តត្បូងឃ្មុំ ខេត្តព្រៃវែង ខេត្តបន្ទាយមានជ័យ ខេត្តកំពង់ឆ្នាំង និងជាង១០ខេត្តទៀត។
ដោយឡែកខ្យល់កន្ត្រាក់ បណ្តាលឱ្យស្លា.ប់ចំនួន៥នាក់ ខណៈផ្ទះ សាលារៀន តូប និងអគាររដ្ឋបាលរងការខូចខាតគ្រោះថ្នាក់ដោយសារខ្យល់កន្ត្រាក់កើតឡើងចំនួន១៣៨ដង ដោយមានផ្ទះរលំ៦០០ខ្នង និងជាង៤៥០០ខ្នង របើក។ អ្នកស្លា.ប់មាន៥នាក់ និងអ្នករបួស៥៦នាក់។ ករណីស្លា.ប់ចំនួន៥នាក់ដោយសារខ្យល់កន្ត្រាក់ មាននៅខេត្តមណ្ឌលគិរី ខេត្តកំពង់ធំ ខេត្តបាត់ដំបង ខេត្តសៀមរាប និងខេត្តបន្ទាយមានជ័យ ។ ការខូចខាត និងបាត់បង់ផ្សេងទៀតរួមមាន តូបក្នុងផ្សារចំនួន១០០នៅបន្ទាយមានជ័យ សាលារៀនជាង៣០ខ្នងនៅជាង១០ខេត្ត ដោយភាគច្រើននៅខេត្តបាត់ដំបង កំពង់ឆ្នាំង និងរតនគិរី ។ រីឯអគាររដ្ឋបាល១៧កន្លែងរងផលប៉ះពាល់ មាន៤កន្លែងនៅខេត្តត្បូងឃ្មុំចំនួន៣កន្លែងរៀងៗខ្លួននៅខេត្តក្រចេះ ខេត្តកំពង់ចាម និងខេត្តកំពង់ឆ្នាំង ចំណែក១កន្លែងនៅខេត្តកណ្តាល ខេត្តពោធិ៍សាត់ ខេត្តបាត់ដំបង និងខេត្តបន្ទាយមានជ័យ។
គ្រោះអគ្គិភ័យ ៖ សរុបចំនួន២៨៨លើក ដោយភាគច្រើននៅភ្នំពេញ ហើយសម្លា.ប់មនុស្សសរុប១៤នាក់ រយៈពេល៦ខែកន្លងមកនេះ អគ្គិភ័យកើតមានចំនួន២៨៨លើកនៅគ្រប់រាជធានី-ខេត្ត ក្នុងនោះ៥៩លើកនៅភ្នំពេញ ២២លើកនៅខេត្តបាត់ដំបង ខណៈខេត្តកណ្តាល ខេត្តក្រចេះ ខេត្តកំពង់ចាម និងខេត្តសៀមរាប មាន១៦លើកដូចគ្នា។
គ្រោះថ្នាក់នេះ បានសម្លា.ប់មនុស្ស១៤នាក់ ក្នុងនោះ៦នាក់នៅភ្នំពេញ ៥នាក់នៅខេត្តកំពង់ឆ្នាំង រីឯខេត្តកណ្តាល ខេត្តបាត់ដំបង និងខេត្តត្បូងឃ្មុំ មាន១នាក់ដូចគ្នា។ ជាមួយគ្នានេះ មនុស្ស២៩នាក់បានរងរបួស ហើយបង្កការខូចខាត និងបាត់បង់ផ្ទះ៣២១ខ្នង តូបក្នុងផ្សារចំនួន៨០ ឃ្លាំងទំនិញ១១ សាលារៀន៣ខ្នង រោងចក្រសិប្បកម្ម១១កន្លែង អគាររដ្ឋបាល១៧កន្លែង រួមទាំងចម្ការក្នុងព្រៃមួយចំនួនផងដែរ។
ដោយឡែកពុលស្រាកើតឡើង៤ករណីនៅស្រុកល្វាឯម ខេត្តកណ្តាល, ស្រុកកំពង់ត្រាច ខេត្តកំពត, ស្រុកក្រគរ ខេត្តពោធិ៍សាត់ និងស្រុកពារាំង ខេត្តព្រៃវែង បណ្តាលឲ្យមនុស្សស្លា.ប់៣៩នាក់(ស្រី១១នាក់) និងសង្គ្រោះនៅមន្ទីរពេទ្យ១២៦នាក់។
គួបញ្ជាក់ផងដែរថា គិតត្រឹមតែរយៈពេល៦ខៃក្នុងឆ្នាំ២០២១ មានអ្នកស្លា.ប់ដោយសាររន្ទះរហូតដល់៥៩នាក់ បើប្រៀបធៀបអាចមានច្រើនជាងនៅឆ្នាំ២០២០ ដែលមានអ្នកស្លា.ប់ត្រឹមតែ៦៩នាក់ប៉ុណ្ណោះ ក្នុងរយៈពេលមួយឆ្នាំ៕
ចែករំលែកព័តមាននេះ