ខេត្តកំពង់ឆ្នាំង ៖ ក្នុងកិច្ចប្រតិបត្តិការរបស់មន្ត្រីនៃមន្ទីរសុខាភិបាលខេត្តកំពង់ឆ្នាំង ដែលបានយកសំណាកលើអាជីវករផ្សារលើនៅព្រឹក នាថ្ងៃទី ៩ កក្កដា ជាលទ្ធផលបណ្ដោះអាសន្នតេស្តរហ័ស បានរកឃើញវិជ្ជមានចំនួន២២នាក់ (ស្រី១៧នាក់) ក្នុងចំណោមអាជីវករ២២៥នាក់ ។ នេះបើយោងតាមការបញ្ជាក់របស់មន្ត្រីនៃមន្ទីរសុខាភិបាលខេត្តកំពង់ឆ្នាំងនៅមុខផ្សារលើ។
ប្រភពដដែលបានរំលឹកថា លទ្ធផលនៃការយកសំណាកនៅផ្សារឆ្នាំង ម្សិលមិញ (០៨.៧.២១) ពេលព្រឹករកឃើញ២៣នាក់ និងពេលល្ងាចរកឃើញ៧នាក់បន្ថែមទៀតសរុប៣០នាក់ដែលមានវិជ្ជមានកូវីដ19 ។ បើសរុបទាំង២ថ្ងៃ គឺថ្ងៃទី០៨ និងទី០៩ ខែកក្កដា រកឃើញអ្នកវិជ្ជមានកូវីដ19 ចំនួន៥២នាក់ ។ នេះមិនទាន់គិតចំនួនអ្នករកឃើញវិជ្ជមាននៅកន្លែងផ្សេងទៀតផង ។
គេមិនទាន់ដឹងថាការរកឃើញវិជ្ជមាននៅផ្សារលើចំនួន២២នាក់ នៅព្រឹកថ្ងៃទី០៨ កក្កដា តើអាចបិទផ្សារទាំងស្រុងដូចនៅផ្សារឆ្នាំងដែរឬទេ ។
យ៉ាងនេះ ក្តីលោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំងបានបញ្ជាក់ថាតួលេខឡើងខ្ពស់បែបនេះពិតជាមានការព្រួយបារម្ភខ្លាំងណាស់ហេតុនេះហើយក្នុងនាមមន្ទីរសុខាភិបាលខេត្តកំពង់ឆ្នាំង សូមអំពាវនាវដល់បងប្អូនប្រជាពលរដ្ឋ អាជីវករ មន្ត្រីរាជការសូមចូលរួមប្រុងប្រយ័ត្ននិងការពារទាំងអស់គ្នា ដោយអនុវត្ត៣ កុំ និង៣ ការពារ និងដើរមិនចាំបាច់ សូមកុំចេញក្រៅផ្ទះ ។
ចែករំលែកព័តមាននេះ