ខេត្តកែប ៖ បើតាមសេចក្តីរាយការណ៍បានឱ្យដឹងថា អាជ្ញាធរក្រុងកែប បានដឹកនាំដោយលោកស្រី ទិត្យ សុខា អភិបាលក្រុងកែប និងមន្ត្រីពាក់ព័ន្ធ រួមទាំងកងកម្លាំងនគរបាលផង បានចុះមកហាមឃាត់ប្រជាពលរដ្ឋរស់នៅភូមិកែប ក្រុងកែប ក្នុងការសាងសង់សំណង់រឹង ក្នុងនៅភូមិកែប ត្រង់ចំណុចមានថ្នូរស.ពចំនួន១៥ស.ព ហេតុការណ៍នេះបានកើតឡើងកាលពីរសៀលថ្ងៃទី៨ ខែកក្កដា ឆ្នាំ២០២១។
បើយោងតាមការអោយដឹងពីស្ត្រីម្នាក់ តំណាងអោយប្រជាពលរដ្ឋទាំង១៥គ្រួសារ បាននិយាយប្រាប់កាលពីរសៀលថ្ងៃទី៨ ខែកក្កដានេះថា ថ្នូរស.ពទាំង១៥នាក់ដែលបានស្លា.ប់ ហើយត្រូវបានក្រុមគ្រួសារយកមកបញ្ចុះនៅដីមួយកន្លែងរួមគ្នានេះ មិនមែនទើបតែយកមកបញ្ចុះនោះទេ គឺស.ពខ្លះត្រូវបានក្រុមគ្រួសារស.ពយកមកបញ្ចុះតាំងពីឆ្នាំ១៩៨០ឯណោះ និងស.ពអ្នកខ្លះទៀត យកមកបញ្ចុះក្នុងព្រៃនោះយ៉ាងតិចជាង២០ឆ្នាំមុនដែរ។
ស្ត្រីរូបនោះបាននិយាយបន្តថា កាលណោះដីត្រង់បញ្ចុះស.ពនេះ សុទ្ធតែព្រៃក្រាស់ ទើបប្រជាពលរដ្ឋនាំគ្នាយកស.ពមកបញ្ចុះនៅទីតាំងនេះ រហូតដល់មានសពចំនួន១៥នាក់ ប៉ុន្តែបានលើកចេញម្នាក់ហើយ ដូច្នេះសល់តែ១៤ស.ពប៉ុណ្ណោះ។
ស្ត្រីដដែលរូបនោះបាននិយាយទាំងប្រយ័ត្នប្រយ៉ែងបន្តទៀតថា ពេលដែលយកស.ពមកបញ្ចុះតាំងពីយូរយានោះមក មិនដែលឃើញមានអាជ្ញាធរណាមកជំទាស់ ឬហាមឃាត់អ្វីឡើយ។ ហើយក្រុមសាច់ញាតិស.ពទាំង១៥នាក់បានចូលមកបែរបន់សែនព្រេងជាប្រចាំ។
ចំណែកស្ត្រីម្នាក់តំណាងឱ្យស.ពទាំង១៥នាក់នោះ បាននិយាយថា រូបគាត់មិនបានចាំថ្ងៃខែនោះទេ តែប៉ុន្មានឆ្នាំមុននោះ មានគេហៅទៅចរចារឿងដីកប់ថ្នូរស.ពដែរ តែកាលណោះក្រុមគ្រួសារស.ពទាំងអស់បានទាមទារសំណងសព១ម៉ឺន៥ពាន់ដុលា្លរ និងដី១ប្លង់។ ពេលនោះអ្នកមកសុំចរចាជាមួយតំណាងស.ពទាំង១៥ស.ពនោះបានដកថយវិញ។
ហើយគ្រួសារទាំង១៥នាក់ទាមទារសុំប្លង់កម្មសិទ្ធិ តែអាជ្ញាធរមិនអោយទេ ស្ងាត់ស្ងៀមរហូតមកដល់ឆ្នាំ២០២១នេះ។ ទើបមានគ្រួសារស.ពម្នាក់ដែលមានថ្នូរស.ពនៅលើទីតាំងដីខាងលើនោះ បានសាងសង់សំណង់រឹង ស្រាប់តែអាជ្ញាធរចុះមកហាមឃាត់ មិនអោយក្រុមសាច់ញាតិស.ពធ្វើអ្វីទាំងអស់នៅលើដីដែលមានថ្នូរស.ពទាំង១៥ស.ពនោះ។
បើតាមលោកស្រី ទិត្យ សុខា អភិបាលក្រុងកែប ក៏បានថ្លែងប្រាប់អោយដឹងកាលពីរសៀលថ្ងៃទី៨ ខែកក្កដានេះដែរថា អាជ្ញាធរសង្កាត់កែប បានទទួលដឹងឮពលរដ្ឋដែលមានថ្នូរស.ពនៅកន្លែងនោះដែរ តែម្ចាស់ដីគេមានប្លង់កម្មសិទ្ធិ។ ដោយឡែករឿងថ្នូរស.ព ម្ចាស់ដីគេអ្នកមានប្លង់មិនប៉ះពាល់អ្វីទេ ចូលមកគោរពបូជាបាន គ្រាន់តែមិនឱ្យការសាងសង់អ្វីៗទេ។ លុះរហូតនៅវេលាម៉ោងជាង៣រសៀលថ្ងៃដដែលនេះ កងកម្លាំងនគរបាលក្រុង ក៏បានដកថយទៅវិញដែរ។
ចែករំលែកព័តមាននេះ