បុរសម្នាក់ ស្រវឹងស្រា ចុះដកព្រលិត ក្នុងអណ្តូង លង់ទឹក…
- កំពត
កំពត៖ បុរសម្នាក់ ស្រវឹងស្រា បានចុះដកព្រលឹត លង់ទឹកអណ្តូង ស្លា.ប់។ ហេតុការណ៍នេះ បានកើតឡើង នៅវេលាម៉ោង ៤…
កំពត៖ បុរសម្នាក់ ស្រវឹងស្រា បានចុះដកព្រលឹត លង់ទឹកអណ្តូង ស្លា.ប់។ ហេតុការណ៍នេះ បានកើតឡើង នៅវេលាម៉ោង ៤…
កំពត៖ បុរសម្នាក់ ស្រវឹងស្រា បានចុះដកព្រលឹត លង់ទឹកអណ្តូង ស្លា.ប់។ ហេតុការណ៍នេះ បានកើតឡើង នៅវេលាម៉ោង ៤ និង ៤០ ល្ងាចថ្ងៃទី៧ ខែកក្កដា ឆ្នាំ ២០២១ នៅចំណុចអណ្ដូងមួយកន្លែង ស្ថិតនៅភូមិអូស្លែង ឃុំដំណាក់កន្ទួតខាងជើង ស្រុកកំពង់ត្រាច ខេត្តកំពត។
លោកវរសេនីយ៍ទោ ហែម ភ័ក្រ្ត មេប៉ុស្តិ៍នគរបាល ដំណាក់កន្ទួតខាងជើង បានអោយដឹងថា បុរសលង់ទឹកអណ្តូងនោះ ឈ្មោះ ងឿង រុំ អាយុ ៤៧ឆ្នាំ រស់នៅភូមិអូរស្លែង ឃុំដំណាក់កន្ទួតខាងជើង ស្រុកកំពង់ត្រាច ខេត្តកំពត។
ប្រពន្ធជនរងគ្រោះ បានឲ្យដឹងថា ប្ដីរបស់គាត់ បានចេញពីផ្ទះ នៅវេលាម៉ោង ១ និង ៣០រសៀល ថ្ងៃទី៧ ខែកក្កដា ឆ្នាំ២០២១ ដោយប្រាប់គាត់ថា ទៅដកព្រលិត មកស្ល ហើយគាត់ ក៏ធ្វើដំណើរ មកដកព្រលិត នៅអណ្ដូងអាផល។ មិនឃើញវិលត្រឡប់ទៅផ្ទះវិញសោះ ហើយគាត់ ក៏ដើរមករកប្ដី មកដល់អណ្ដូងទឹក ឃើញតែអាវព្យួរនៅមេឃឈើ ហើយក៏ស្រែកសួរ អ្នកជិតខាងថា «មានឃើញប្ដីរបស់ខ្ញុំទេ?» ពេលនោះ អ្នកភូមិក៏ឆោឡោ សង្ស័យថា ប្ដីរបស់គាត់ លង់ទឹក ហើយអ្នកភូមិ ត្រូវជាសាច់ញាតិ ចុះរាវ ក្នុងទឹកអណ្ដូង ក៏ប្រទះឃើញសាកសពតែម្ដង។
ដោយឆ្លងតាមការចុះពិនិត្យនៅកន្លែងកើតហេតុ និងពិនិត្យសាកសពខាងលើ សមត្ថកិច្ចអាចសន្និដ្ឋានថា ជនរងគ្រោះ ពិតជាលង់ទឹកអណ្តូង ស្លាប់ពិតប្រាកដមែន។ សាកសពជនរងគ្រោះ ត្រូវបានគ្រួសារ យកទៅធ្វើពិធីបុណ្យតាមប្រពៃណីទំនៀមទំលាប់ខ្មែរ៕ កែវ ឆាត
ចែករំលែកព័តមាននេះ