ឃាត់ខ្លួនជនសង្ស័យមួយចំនួនពាក់ព័ន្ធករណីបាត់ខ្លួនប្រធានក្រុមតន្ត្រីសម័យមួយរូប
- កំពង់ឆ្នាំង
ខេត្តកំពង់ឆ្នាំង ៖ ជុំវិញករណីបុរសម្នាក់ដែលជាប្រធានក្រុមតន្ត្រីសម័យបានបាត់ខ្លួនជាង10ថ្ងៃកន្លងមកនេះ រហូតមកដល់ថ្ងៃទី
ខេត្តកំពង់ឆ្នាំង ៖ ជុំវិញករណីបុរសម្នាក់ដែលជាប្រធានក្រុមតន្ត្រីសម័យបានបាត់ខ្លួនជាង10ថ្ងៃកន្លងមកនេះ រហូតមកដល់ថ្ងៃទី
ខេត្តកំពង់ឆ្នាំង ៖ ជុំវិញករណីបុរសម្នាក់ដែលជាប្រធានក្រុមតន្ត្រីសម័យបានបាត់ខ្លួនជាង10ថ្ងៃកន្លងមកនេះ រហូតមកដល់ថ្ងៃទី8 ខែកក្កដា ឆ្នាំ 2021 នេះ សមត្ថកិច្ចបានឲ្យដឹងថា ក្នុងពេលប្រតិបត្តិការស្រាវជ្រាវជុំវិញករណីខាងលើនេះ សមត្ថកិច្ចបានឃាត់ខ្លួនមនុស្ស2នាក់ដែលជាអ្នកទិញរថយន្តពីជនសង្ស័យ ដែលបានប្រាប់ថា ជារថយន្តអត់ពន្ធ ទើបឈានដល់ប្រតិបត្តិការចាប់ខ្លួនជនសង្ស័យបានម្នាក់ ហើយជនសង្ស័យរូបនោះបានសារភាពថា ស.ពជនរងគ្រោះបានយកទៅទម្លាក់ចោលនៅស្ពាន ព្រែកសំរោង ក្រុងតាខ្មៅ ខេត្តកណ្ដាល ចំពោះមូលហេតុនៃករណីឃាតក.ម្មដែលបានកើតឡើងដោយសាររឿងអ្វីនោះ សមត្ថកិច្ចមិនទាន់បញ្ជាក់នៅឡើយទេ ។ ទោះជាយ៉ាងនេះក្តី សមត្ថកិច្ចក៏មិនទាន់បង្ហាញអត្តសញ្ញាណជនដៃដល់នៅឡើយនោះទេ ។
សូមរំលឹកថា បុរសម្នាក់ដែលគេស្គាល់ថាប្រធានក្រុមតន្ត្រីសម័យឈ្មោះ ចាន់ គៀន អាយុជាង50ឆ្នាំ មានទីលំនៅភូមិឧទុម្ពរ ឃុំស្វាយជ្រុំ ស្រុករលាប្អៀរ បានបាត់ខ្លួនកាលពីយប់ថ្ងៃទី 27 ខែមិថុនាឆ្នាំ 2021 ខណៈដែល រូបគាត់ជិះរថយន្តផ្ទាល់ខ្លួនម៉ាកតាកូម៉ា ពណ៌ខ្មៅ ពាក់ស្លាកលេខ កំពង់ឆ្នាំង 2A-2626 មកកាន់ខេត្តកំពង់ឆ្នាំង ហើយក៏បាត់ខ្លួនរហូតមក ។
ក្រោយការបាត់ខ្លួនរបស់បុរសជាប្រធានក្រុមតន្ត្រីសម័យខាងលើ ត្រូវបានក្រុមគ្រួសារ និងសមាជិកក្រុមតន្ត្រីសម័យ រាយការណ៍ជូនសមត្ថកិច្ចដើម្បីឲ្យស្វះស្វែងជួយស្រាវជ្រាវតាមរក ។
ក្រោមកិច្ចប្រឹងប្រែងរបស់សមត្ថកិច្ចនគរបាលខេត្ត តាមការចង្អុលបង្ហាញរបស់លោកឧត្តមសេនីយ៍ទោ ខូវ លីស្នងការនគរបាលខេត្ត និងមានការសម្របសម្រួលពី ព្រះរាជអាជ្ញាអមសាលាដំបូងខេត្តកំពង់ឆ្នាំង សមត្ថកិច្ចបានរកឃើញរថយន្តរបស់ជនរងគ្រោះនៅរាជធានីភ្នំពេញ ។ ប៉ុន្តែដោយសារតែក្នុងកិច្ចកំពុងតែប្រតិបត្តិការ និងស្រាវជ្រាវសមត្ថកិច្ចមិនបានបង្ហាញនូវព័ត៌មាននេះទេ ទើបតែនៅរសៀលថ្ងៃទី 8 កក្កដា នេះ សមត្ថកិច្ចបានបំបែកសំណុំរឿងហើយ គឺចាប់ខ្លួនជនដៃដល់ មកសាកសួរនិងកសាងសំណុំរឿង ។
ទោះជាយ៉ាងនេះក្តី សមត្ថកិច្ចមិនទាន់បង្ហាញអត្តសញ្ញាណជនសង្ស័យនោះទេ គឺកំពុងធ្វើការសាកសួរ ហើយចម្លើយរបស់ជនសង្ស័យក្នុងភាពមិនច្បាស់លាស់ទៅនឹងអង្គហេតុនៅឡើយ ៕
ចែករំលែកព័តមាននេះ