១-ម៉ាស៊ីនរក្សាទុកទឹកស្ពែម
ម៉ាស៊ីនរក្សាទឹកស្ពែមសម្រាប់បុរសដែលចង់បរិច្ចាគគ្រាន់តែប្រើឧបករណ៍សម្រាប់ស៊កលិង្គ និងមានវីដេអូអាសអាភាស ដើម្បីជួយរំញោចអារម្មណ៍ធ្វើឱ្យទឹកស្ពែមចេញតាមសម្រួល ។
២-សិល្បៈនៅតំបន់ឆ្នេរ
អ្នកទេសចរពិនិត្យមើលរូបចម្លាក់របស់លោកល្វីព្រែត វិចិត្រករជនជាតិអូស្ត្រាលីជាផ្នែកមួយនៃររូបចម្លាក់នៅមាត់ឆ្នេរស្ថិតនៅក្រុងស៊ីដនី ។
៣-វិធីសាស្ត្រពន្លះត្រី «ធូណា»
ស្ត្រីជប៉ុន២នាក់ អនុវត្តពីការពន្លះត្រី ធូណា ដ៏ធំទម្ងន់៦០គីឡូក្រាម នៅក្នុងពិព័រណ៍ម្ហូបអាហារនិងភេសជ្ជៈរបស់ជប៉ុនដ៏ធំរៀបចំនៅប្រទេសសិង្ហបុរី ដោយមានផលិតផលទាំង៤២ខេត្តរបស់ជប៉ុនចូលរួម ។
៤-អគាររូប «ត្រី»
ព្រះអាទិត្យរៀបអស្តង្គតនៅក្បែរមាត់ត្រី គឺជាអគារដ៏ធំនៅមាត់ទន្លេក្នុងស្រុកយ៉ាងចូវ ខេត្តជាំងស៊ូ ប្រទេសចិន ។ អគារខាងនោះប្រើបន្ទះស្ពាន់ចំនួន៨៩២០បន្ទះ តភ្ជាប់រាងដូចស្រកាត្រី មានតម្លៃ៧០លានយាន់ ឬជាង១០លានដុល្លារ ជាអគារខ្ពស់មាន១៥ជាន់ ។
៥-ឆ្មាស្ថិតនៅក្នុងឈុតរាត្រី
ឆ្មាគ្មានរោមមួយក្បាលអង្គុយយ៉ាងសង្ហាស្ថិតក្នុងឈុតរាត្រីដោយចងបូនៅលើក្បាល ក្នុងពេលប្រកួតប្រចាំឆ្នាំ «Fest Pet Ma squerade» នៅក្រុងគីវ៉េស រដ្ឋផ្លរីដា និងមានឆ្មាជាង៥០ក្បាលចូលរួមប្រកួត ។
៦-អណ្តើកមានអាយុជាង១០០ឆ្នាំ
«Grandma » អណ្តើកមួយក្បាលមានអាយុ ពី១៣០ទៅ១៤០ឆ្នាំ ប្រចាំនៅសួនសានទីយ៉ាហ្គោ រដ្ឋកាលីហ្វ៊័រនីញ៉ា ស៊ីល្ពៅក្នុងពិធីបុណ្យហាឡូវីន ។ «Grandma» ជាអណ្តើក «កាឡាប៉ាហ្គូន» ពូជអណ្តើកធំបំផុតនៅលើលោកនៅពេលធំពេញវ័យឈ្មោលមានទម្ងន់មធ្យម២២៥គីឡូក្រាម និងញីមានទម្ងន់១១០គីឡូក្រាម ។
៧-ពិព័រណ៍តុក្កតា «បាប៊ី»
តុក្កតា បាប៊ី យកលំនាំតាមឈុតនាងម៉ារីលីន ម៉ុនរ៉ូ តារាសម្តែងក្នុងហូលីវូដ មានទាំងឈុតរាត្រី និងឈុតឆែកជើង រួមទាំងឈុតសំពត់ពណ៌ស បានតាំងបង្ហាញក្នុងពិព័រណ៍ «បាប៊ី» អាយខុន (Barbie Icon) នៅសារមន្ទីរវប្បធម៌ ក្រុងមីឡាន ប្រទេសអីុតាលី ។
៨-ឆ្កែរូបរាងដូចខ្លាឃ្មុំផេនដា
អ្នកក្រុងឈើងទូ ខេត្តស៊ីឈួន ញញឹមញញែមដែលឃើញផេនដារត់នៅលើផ្លូវ ប៉ុន្តែធាតុពិតជាឆ្កែពូជ «សៅសៅ» របស់លោកស៊ីន ឈើន ម្ចាស់ហាងលម្អឆ្កែរោមក្រាស់ មានលក្ខណៈស្រដៀងផេនដា ។
៩-រថយន្ត FCV Plus
តូយ៉ូតា FCV Plus ជារថយន្តគំរូប្រើថាមពលអីុដ្រូហ្សែនរបស់ក្រុមហ៊ុនតូយ៉ូតា ម៉ូទ័រខប់ ដាក់តាំងបង្ហាញក្នុងពិព័រណ៍ «តូក្យូ ម៉ូទ័រ សូ» លើកទី៤៤ នៅក្រុងតូក្យូ ប្រទេសជប៉ុន ។ រថយន្តដែលប្រើអីុដ្រូហ្សែន នេះជាថាមពលជម្រើសថ្មី និងជាមិត្តបរិស្ថាន មិនបញ្ចេញឧស្ម័នកាបូន ឌីអុកស៊ីដ និងសារធាតុគ្រោះថ្នាក់ពីចំហេះរបស់គ្រឿងយន្ត៕
ចែករំលែកព័តមាននេះ