ពលរដ្ឋជិត៦ម៉ឺននាក់ ទូទាំងក្រុងសិរីសោភ័ណ នឹងទទួលបានការចាក់វ៉ាក់សាំងចាប់ពីថ្ងៃទី៩ កក្កដា
- បន្ទាយមានជ័យ
ខេត្តបន្ទាយមានជ័យ ៖ រដ្ឋបាលខេត្តបន្ទាយមានជ័យ នឹងរៀបចំយុទ្ធនាការចាក់វ៉ាក់សាំងជូនប្រជាពលរដ្ឋប្រមាណជិត៦ម៉ឺននាក់
ខេត្តបន្ទាយមានជ័យ ៖ រដ្ឋបាលខេត្តបន្ទាយមានជ័យ នឹងរៀបចំយុទ្ធនាការចាក់វ៉ាក់សាំងជូនប្រជាពលរដ្ឋប្រមាណជិត៦ម៉ឺននាក់ នៅក្រុងសិរីសោភ័ណ ចាប់ពីថ្ងៃទី៩ ខែកក្កដា ឆ្នាំ២០២១ ស្អែកនេះតទៅ ។ នេះបើយោងតាមសេចក្តីជូនដំណឹងលេខ៣៥៣/២១ ចុះថ្ងៃពុធ ១៣រោច ខែបឋមាសាឍ ឆ្នាំ ឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៧ ខែកក្កដា ឆ្នាំ២០២១ របស់រដ្ឋបាលខេត្តបន្ទាយមានជ័យ។
ជម្រាបជូនដល់លោកឧត្តមសេនីយ៍ស្នងការ នគរបាលខេត្ត លោកឧត្តសេនីយ៍មេបញ្ជាការកងរាជអាវុធហត្ថខេត្ត ស្តីពីការចាត់តាំងកម្លាំងសហការការ ពារសន្តិសុខ និងសណ្តាប់ធ្នាប់សម្រាប់កម្មវិធីចាក់វ៉ាក់សាំងការពារជម្ងឺកូវីដ-១៩ នៅក្នុងក្រុងសិរីសោភ័ណ ។
យោងតាមសេចក្តីជូនដំណឹងនេះដែរ ទីតាំងដែលត្រូវបានរៀបចំយុទ្ធនាការចាក់វ៉ាក់សាំងការពារ ជម្ងឺកូវីដ-១៩ ជូនប្រជាពលរដ្ឋនៅក្នុងក្រុងសិរីសោភ័ណ បានរៀបចំចំនួន៧ទីតាំង លើសង្កាត់ចំនួន៤ ក្នុងក្រុងសិរីសោភ័ណ ក្នុងនោះមាន៖ ១-សង្កាត់ទឹកថ្លាមានចំនួន២ទីតាំង គឺ១-នៅបញ្ជាការដ្ឋានតំបនប្រតិបត្តិការសិករងខេត្តបន្ទាយមានជ័យ, ២-នៅសាលាបឋមសិក្សាគាប ។ ២-សង្កាត់អូរអំបិលមាន១ទីតាំងគឺ ១-នៅសាលាបឋមសិក្សាគោរដ្ឋាន ។ ៣-សង្កាត់ព្រះពន្លាមាន០២ទីតាំង គឺ ១-នៅវត្តស្វាយចាស់, ២-វត្តសមាធិផល ។ ៤-សង្កាត់កំពង់ស្វាយ មានទី២ទីតាំង គឺ ១-សាលាបឋមសិក្សាសូភី, ២-សាលាបឋមសិក្សាប៉ោយសូភី ៕
ចែករំលែកព័តមាននេះ