ខេត្តកំពត ៖ កាលពីវេលាព្រឹកថ្ងៃទី០៩ ធ្នូ ២០១៥ នេះ អាជ្ញាធរខេត្ត បានធ្វើយុទ្ធនាការជាព្រឹត្តិការណ៍ទិវាអនាម័យបរិស្ថាន ដោយមានការចូលរួមពីសំណាក់ថ្នាក់ដឹកនាំក្រុមប្រឹក្សាគណៈអភិបាលខេត្ត មន្ត្រីរាជការ កងកម្លាំងប្រដាប់អាវុធតាមមន្ទីរអង្គភាព សិស្សានុសិស្ស និស្សិត ទាំងគ្រឹះស្ថានរដ្ឋ និងឯកជន ប្រជាពលរដ្ឋសក្នុងខេត្តប្រមាណជាង១ពាន់នាក់បានចូលរួម ។
លោកខូយ ឃុនហ៊ួ អភិបាលខេត្តបានបញ្ជាក់ថា ការរៀបចំអនាម័យបរិស្ថានសំអាតទីក្រុងថ្ងៃនេះ គឺជាថ្ងៃដ៏មានសារសំខាន់ និងចាំបាច់បំផុត ដែលអាជ្ញាធរខេត្ត-ក្រុងកំពត និងមន្ត្រីរាជការកងកម្លាំងប្រដាប់អាវុធ សិស្ស និស្សិត និងបងប្អូនប្រជាពលរដ្ឋទូទាំងខេត្ត ជាពិសេសប្រជាពលរដ្ឋនៅក្រុងកំពត និងបងប្អូនប្រជាពលរដ្ឋរស់នៅតាមបណ្តោយផ្លូវជាតិនានា ក្នុងភូមិសាស្ត្រខេត្តកំពត ដើម្បីធ្វើការបោសសម្អាតនូវរាល់ការដ្ឋាន សំណង់នានាក្នុងក្រុងកំពត ដែលរដ្ឋបាលខេត្តក្រុងកំពត បានធ្វើកន្លងមកជាច្រើនខែមកហើយ សម្រាប់ត្រៀមរៀបចំពិធីបុណ្យសមុទ្រលើទឹកដីក្រុងកំពត ខេត្តកំពត ដែលចាប់ផ្តើមថ្ងៃទី១១ ដល់១៣ ធ្នូ ២០១៥ ដែលសល់២ថ្ងៃទៀតប៉ុណ្ណោះ ។
ចែករំលែកព័តមាននេះ