ក្រោយពីកើតមានអំពើហិ.ង្សាដោយចេតនាទៅលើស្ត្រីជាច្រើននាក់ខណៈពេលកំពុងតែស្លទឹកនំបញ្ចុក និងចិតបន្លែ (របោយនំ) បណ្តាលឲ្យស្ត្រីម្នាក់ក្នុងចំណោមស្ត្រី៣ទៅ៤នាក់រងរបួសធ្ងន់ រួចជនដៃដល់
ខេត្តបន្ទាយមានជ័យ ៖ ក្រោយពីកើតមានអំពើហិ.ង្សាដោយចេតនាទៅលើស្ត្រីជាច្រើននាក់ខណៈពេលកំពុងតែស្លទឹកនំបញ្ចុក និងចិតបន្លែ (របោយនំ) បណ្តាលឲ្យស្ត្រីម្នាក់ក្នុងចំណោមស្ត្រី៣ទៅ៤នាក់រងរបួសធ្ងន់ រួចជនដៃដល់រត់គេចខ្លួនអស់រយៈពេល៤ថ្ងៃនោះ ពេលនេះត្រូវបានកម្លាំងនគរបាលស្រុកថ្មពួក ធ្វើការស្រាវជ្រាវ និងឈានដល់ការចាប់ឃាត់ខ្លួនបានហើយ នៅវេលាម៉ោង៤និង៣០នាទីល្ងាច ថ្ងៃទី០៥ ខែកក្កដា ឆ្នាំ២០២១ នៅចំណុចផ្លូវចូលទៅមណ្ឌលដីការេពីរ តំបន់ភ្នំចង្ក្រានយក្ស ស្ថិតក្នុងភូមិសាស្ត្រឃុំបេង ស្រុកបន្ទាយអំពិល ខេត្តឧត្តមរមានជ័យ ។
បើតាមប្រភពពីនគរបាលស្រុកថ្មពួក បានឲ្យដឹងថា នៅវេលាម៉ោង៣និង៣៥នាទីរសៀលថ្ងៃទី២ ខែកក្កដា ឆ្នាំ២០២១ នៅភូមិថ្មពួក ឃុំថ្មពួក ស្រុកថ្មពួក ខេត្តបន្ទាយមានជ័យ មានករណីហិង្សាដោយចេតនាកើតឡើងដែលបង្កឡើងដោយឈ្មោះ ស្វឿង ប៉ុង ហើយជនដៃដល់រូបនេះជាមនុស្សញៀនថ្នាំ និងបានធ្វើសកម្មភាពកាន់កាំបិតខ្វែវ រួចដើរតម្រង់ចូលមកកា.ប់ស្ត្រីចំនួន៣ទៅ៤នាក់ដែលកំពុងតែធ្វើស្លទឹកនំបញ្ចុកហូបជាលក្ខណៈគ្រួសារ និងចិតបន្លែដោយពុំដឹងមូលហេតុ។
ប្រភពដដែលបន្តថា ដោយឃើញពីសកម្មភាពរបស់ជនល្មើស ស្ត្រីទាំងនោះបាននាំគ្នាស្ទុះក្រោករត់យកតែប្រះអាយុរៀងៗខ្លួន តែចៃដន្យអីមានស្ត្រីម្នាក់ឈ្មោះ ហឿង សៃនាវ អាយុ៥៨ឆ្នាំ ត្រូវជាប្រពន្ធរបស់ក្រុមប្រឹក្សាឃុំថ្មពួក នៅភូមិថ្មពួក ឃុំថ្មពួក បានស្ទុះរត់បានបន្តិចក៏ជាន់ត្រូវដុំដីក្រឡាច់ដួល ហើយក៏ត្រូវជនដៃដល់កា.ប់ត្រូវចំជើងទាំងសងខាង ដៃទាំងសងខាង និងដងខ្លួន បណ្តាលឱ្យរងរបួសធ្ងន់តែម្តង ហើយក៏ត្រូវបានក្រុមគ្រួសារបញ្ជូនទៅព្យាបាលនៅមន្ទីរពេទ្យបង្អែកស្រុកថ្មពួកផងដែរ ប៉ុន្តែដោយរបួសធ្ងន់ធ្ងរ ក្រុមគ្រូពេទ្យស្រុកក៏បានបញ្ជូនបន្តទៅមន្ទីរពេទ្យបង្អែកខេត្តមិត្តភាពកម្ពុជា-ជប៉ុន នៅស្រុកមង្គលបូរីវិញ ចំណែកឯជនដៃដល់ឈ្មោះ ស្វឿង ប៉ុង បន្ទាប់ពីធ្វើសកម្មភាពរួច ក៏បានរត់គេចខ្លួនបាត់ស្រមោល។
ប្រភពដដែលបានបញ្ជាក់ថា ដោយអនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ កម្លាំងនគរបាលជំនាញនៃអធិការដ្ឋាននគរបាលស្រុកថ្មពួក និងកម្លាំងនគរបាលប៉ុស្តិ៍រដ្ឋបាលឃុំថ្មពួក បានធ្វើការស្រាវជ្រាវរហូតឈានដល់ការចាប់ឃាត់ខ្លួនជនដៃដល់បាននៅ វេលាម៉ោង៤និង៣០នាទីល្ងាច ថ្ងៃទី០៥ ខែកក្កដា ឆ្នាំ២០២១ នៅចំណុចផ្លូវចូលទៅមណ្ឌលដីការេពីរ តំបន់ភ្នំចង្ក្រានយក្ស ស្ថិតក្នុងភូមិសាស្ត្រឃុំបេង ស្រុកបន្ទាយអំពិល ខេត្តឧត្តមរមានជ័យ រួមទាំងដកហូតបានវត្ថុតាងកាំបិតខ្វែវ ដែលធ្វើសកម្មភាពកា.ប់ទៅលើស្ត្រីរងគ្រោះទៀត ដែលបានយកទៅលាក់ទុកនៅក្នុងចម្ការដំឡូងមីខាងកើតវិទ្យាល័យថ្មពួក។
បច្ចុប្បន្នជនសង្ស័យខាងលើត្រូវបានកម្លាំងនគរបាលជំនាញព្រហ្មទណ្ឌនៃអធិការដ្ឋាននគរបាលស្រុកថ្មពួក កំពុងរៀបចំសំណុំរឿងបញ្ជូនខ្លួនទៅស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ