រាជធានីភ្នំពេញ ៖ បណ្តាល័យជាតិកម្ពុជា បានទទួលសៀវភៅដែលមានតម្លៃខ្ពស់ចំនួន៣០០ក្បាលពីប្រទេសសិង្ហបុរីតាមរយៈឯកអគ្គរាជទូតសិង្ហបុរីប្រចាំកម្ពុជា ដែលសៀភៅទាំងនោះ បណ្តុំទៅដោយមុខជំនាញសព្វបែបយ៉ាង មានទាំងប្រវត្តិសាស្ត្រ សិល្បៈ
រាជធានីភ្នំពេញ ៖ បណ្តាល័យជាតិកម្ពុជា បានទទួលសៀវភៅដែលមានតម្លៃខ្ពស់ចំនួន៣០០ក្បាលពីប្រទេសសិង្ហបុរីតាមរយៈឯកអគ្គរាជទូតសិង្ហបុរីប្រចាំកម្ពុជា ដែលសៀភៅទាំងនោះ បណ្តុំទៅដោយមុខជំនាញសព្វបែបយ៉ាង មានទាំងប្រវត្តិសាស្ត្រ សិល្បៈ អក្សរសិល្ប៍ វប្បធម៌ អរិយធម៌ ស្ថាបត្យកម្មចម្រុះ និងនយោបាយ ជាការឆ្លុះបញ្ចាំងអំពីភាពជឿនលឿននៅប្រទេសសិង្ហបុរី សម្រាប់ជំនួយស្មារតី និងដើម្បីឱ្យកូនខ្មែរមានឱកាសបានសិក្សាស្រាវជ្រាវពង្រីកចំណេះដឹងក្នុងការអភិវឌ្ឍន៍ប្រទេសជាតិឱ្យរីកចម្រើនដូចបណ្តាប្រទេសក្នុងតំបន់អាស៊ានដែរ ។
ពិធីប្រគល់-ទទួលបានធ្វើនៅបណ្ណាល័យជាតិ កាលពីរសៀលថ្ងៃទី០៧ ធ្នូ ២០១៥ ក្រោមវត្តមានរបស់លោកថៃ នរៈសត្យា រដ្ឋលេខាធិការក្រសួងវប្បធម៌ និងវិចិត្រសិល្បះ និងលោក Kevin Cheok ឯកអគ្គរាជទូតសិង្ហបុរីប្រចាំកម្ពុជា ។
លោកស្រី ខ្លូត វិបុលឡា នាយិកាបណ្ណាល័យជាតិកម្ពុជាបានបញ្ជាក់ថា ជាលើកទី១ហើយដែលកម្ពុជាទទួលបានសៀវភៅដ៏មានតំលៃខ្ពស់ពីប្រទេសសិង្ហបុរី នេះជាសៀវភៅដ៏ល្ អនិងមានសារសំខាន់កម្រមាន ដែលជាស្នាដៃនិពន្ធចេញពីបណ្ឌិតឆ្នើមៗ និងរបស់ប្រធានាធិបតីសិង្ហបុរី ។
បណ្ណាល័យជាតិកម្ពុជា នឹងតម្កល់ទុកសម្រាប់ជូនទៅដល់សិស្ស-និស្សិតសិក្សាស្រាវជ្រាវស្វែងយល់ឱ្យបានទូលំទូលាយ ពិសេសបានយល់ពីវប្បធម៌ អរិយធម៌ និងពីភាពជឿនលឿននៅក្នុងប្រទេសសិង្ហបុរីឱ្យកូនខ្មែរយើងអាចមើលឃើញពីការរីកចំរើន ការជឿនលឿននៅក្នុងប្រទេសគេប៉ុណ្ណា? និងវប្បធម៌អរិយធម៌របស់គេមានរបៀបណាខ្លះ?
ចែករំលែកព័តមាននេះ