កញ្ឆាដែលដាំទៅលើផ្ទៃដីមានទំហំ៥,៥០០ម៉ែត្រការ៉េ ដាំបង្កប់នៅក្នុងចំការស្វាយមួយកន្លែង ហើយត្រូវបានកម្លាំងសមត្ថកិច្ចប៉ូលិសចុះធ្វើការបង្ក្រាបបាន កាលពីរសៀលថ្ងៃទី៤ ខែកក្កដា ឆ្នាំ២០២១។ ហេតុការណ៍នេះ
ខេត្តឧត្តរមានជ័យ ៖ កញ្ឆាដែលដាំទៅលើផ្ទៃដីមានទំហំ៥,៥០០ម៉ែត្រការ៉េ ដាំបង្កប់នៅក្នុងចំការស្វាយមួយកន្លែង ហើយត្រូវបានកម្លាំងសមត្ថកិច្ចប៉ូលិសចុះធ្វើការបង្ក្រាបបាន កាលពីរសៀលថ្ងៃទី៤ ខែកក្កដា ឆ្នាំ២០២១។ ហេតុការណ៍នេះកើតឡើងនៅចំណុចព្រៃស្អាក ស្ថិតក្នុងភូមិអូរតាមេង ឬហៅភូមិអណ្តូង៣ ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
លោកស៊ីម វណ្ណៈ អធិការស្រុកអន្លង់វែង បានឱ្យដឹងថា ក្រោយពីបានទទួលនូវព័ត៌មានរាយការណ៍ពីប្រជាពលរដ្ឋ និងប្រជាការពារភូមិរួចមក លោកក៏បានរាយការណ៍ទៅដល់ឧត្តមសេនីយ៍ទោ ហួត សុធីស្នងការនគបាលខេត្ត ខណៈពេលនោះលោកស្នងការបានដាក់បទបញ្ជាកម្លាំងស្នងការខេត្តសហការជាមួយកម្លាំងអធិការស្រុកអន្លង់វែង ចុះធ្វើការបង្ក្រាបភ្លាមៗតែម្តង ។
លោកអធិការបានបញ្ជាក់ថា នៅពេលចុះបង្ក្រាបនៅកន្លែងទីតាំងដាំកញ្ឆានោះ កម្លាំងសមត្ថកិច្ចបានឃាត់ខ្លួនមនុស្ស៣នាក់ ក្នុងស្រី២នាក់ ហើយក៏នាំខ្លួនយកមកអធិការដ្ឋាន ដើម្បីធ្វើការសាកសួរចម្លើយ និងនាំន្លួនបន្តយកទៅស្នងការដ្ឋាននគបាលខេត្ត។
គួរបញ្ជាក់ថា ក្នុងកិច្ចចុះប្រត្តិបការខាងលើនេះ ដោយមានការសម្របសម្រួលពីព្រះរាជអាជ្ញានៃអយ្យការអមសាលាដំបូងខេត្តឧត្តរមានជ័យផងដែរ ។ ដោយឡែកវត្ថុតាង ដែលជាកញ្ឆាដាំលើផ្ទៃដីទំហំ៥ ,៥០០ម៉ែត្រការ៉េ ព្រមទាំងដើមកញ្ឆាស្រស់១២៥០០ដើម និងកញ្ឆាក្រៀមចំនួន៣៦គីឡូក្រាម រថយន្តមួយគ្រឿង, គោយន្តកន្ត្រៃមួយគ្រឿង និងសម្ភារៈមួយចំនួនទៀត ដែលជាមធ្យោបាយរបស់ជនសង្ស័យធ្វើសកម្មភាពផងនោះ ត្រូវបានសមត្ថកិច្ចយើងបានរៀបចំសំណុំរឿងបញ្ជូនទៅតុលាការ ដើម្បីចាត់ការបន្តតាមនីតិវិធីច្បាប់ហើយ ៕
ចែករំលែកព័តមាននេះ