ខេត្តកណ្តាល ៖ រដ្ឋបាលខេត្តកណ្តាលបានសម្រេចផ្អាកដំណើរការអាជីវកម្មផ្សារកំពង់កន្តួតជាបណ្ដោះអាសន្ន ដែលស្ថិតនៅក្នុងឃុំបារគូ ស្រុកកណ្តាលស្ទឹង ខេត្តកណ្តាល ដែលមានថិរវេលាអនុវត្តសម្រាប់រយៈពេល១៤ថ្ងៃ គិតចាប់ពីថ្ងៃទី៧ ខែកក្កដា រហូតដល់ថ្ងៃទី១៩…
ខេត្តកណ្តាល ៖ រដ្ឋបាលខេត្តកណ្តាលបានសម្រេចផ្អាកដំណើរការអាជីវកម្មផ្សារកំពង់កន្តួតជាបណ្ដោះអាសន្ន ដែលស្ថិតនៅក្នុងឃុំបារគូ ស្រុកកណ្តាលស្ទឹង ខេត្តកណ្តាល ដែលមានថិរវេលាអនុវត្តសម្រាប់រយៈពេល១៤ថ្ងៃ គិតចាប់ពីថ្ងៃទី៧ ខែកក្កដា រហូតដល់ថ្ងៃទី១៩ ខែកក្កដា ឆ្នាំ២០២១ ដើម្បីទប់ស្កាត់ការឆ្លងរីករាលដាលនៃជំងឺកូវីដ១៩ និងធ្វើការរៀបចំសណ្ដាប់ធ្នាប់របៀបរៀបរយឱ្យបានល្អប្រសើរនៅទីតាំងលក់ដូរក្នុងផ្សារកំពង់កន្ទួត ។
នេះបើយោងតាមសេចក្ដីសម្រេចរបស់លោក គង់ សោភ័ណ្ឌ អភិបាលខេត្តកណ្តាល កាលពីថ្ងៃទី៥ ខែកក្កដា ឆ្នាំ២០២១ ។ ប្រការ២ នៃសេចក្ដីសម្រេចនេះ បានចែងថា «ចំពោះ សន្តិសុខ បុគ្គលិក កម្មករ អាជីវករ អតិថិជន និង អ្នកពាក់ព័ន្ធផ្ទាល់ ឬ ដោយប្រយោល ក្នុងព្រឹត្តិការណ៍ខាងលើ ត្រូវចូលរួមសហការជាមួយអាជ្ញាធរមានសមត្ថកិច្ចនិងក្រុមការងារសុខាភិបាលដើម្បីយកវត្ថុសំណាកទៅធ្វើតេស្តជាបន្ទាន់ និង ត្រូវធ្វើចត្តាឡីស័កឱ្យបានត្រឹមត្រូវតាមការណែនាំរបស់ក្រសួងសុខាភិបាល» ។
ជាមួយគ្នានេះ រដ្ឋបាលខេត្តកណ្តាល បានប្រគល់ភារកិច្ចជូន រដ្ឋបាលស្រុកកណ្ដាលស្ទឹង សហការជាមួយមន្ទីរសុខាភិបាលនៃរដ្ឋបាលខេត្ត មន្ទីរ-អង្គភាពពាក់ព័ន្ធ និង ភាគីពាក់ព័ន្ធ ដើម្បីដឹកនាំនិងចុះត្រួតពិនិត្យជាប្រចាំពាក់ព័ន្ធការអនុវត្តវិធានការរដ្ឋបាលឬវិធានការសុខាភិបាលនិងការងារសន្តិសុខសណ្ដាប់ធ្នាប់សាធារណៈឱ្យមានប្រសិទ្ធភាពខ្ពស់ ៕
ចែករំលែកព័តមាននេះ