ក្រុមហ៊ុនពីរសហការគ្នាបង្កើតទូរស័ព្ទអាចលាងទឹកបាន
ក្រុមហ៊ុនជប៉ុន KDDI និង Kyocera បានសហការគ្នាបង្កើតទូរស័ព្ទដំបូងគេដែលអាចលាងទឹកបាន ។ ទូរស័ព្ទនោះមានឈ្មោះថា «Digno Rafre» អ្នកប្រើប្រាស់ទាំងអស់អាចលាងជាមួយទឹកធម្មតា…
ក្រុមហ៊ុនជប៉ុន KDDI និង Kyocera បានសហការគ្នាបង្កើតទូរស័ព្ទដំបូងគេដែលអាចលាងទឹកបាន ។ ទូរស័ព្ទនោះមានឈ្មោះថា «Digno Rafre» អ្នកប្រើប្រាស់ទាំងអស់អាចលាងជាមួយទឹកធម្មតា ឬទឹកសាប៊ូបានព្រោះវាមានប្រព័ន្ធការពារសំណើម និងការជ្រាបទឹកបានយ៉ាងមានប្រសិទ្ធភាព ។
ទូរស័ព្ទ Digno Rafre ត្រូវបានវាយតម្លៃជាពិសេសដោយការដាក់ត្រាំក្នុងទឹកក្តៅកម្រិត ៤៣អង្សាសេ ។ ទូរស័ព្ទដំបូងគេដែលអាចលាងជាមួយទឹកនេះមានទំហំ៥អុីញ កម្រិតភ្លឺច្បាស់៧២០ភិចស៊ែល ហើយអេក្រង់នៅតែដំណើរការធម្មតា ទោះបីជាស្ថិតក្នុងសភាពសើមក៏ដោយ ។ RAM ២ជី មានម៉េម៉ូរីកាតប្រភេទ microSD ។ ថាមពលថ្មប្រើប្រាស់ ៣០០០មីល្លីអំពែរ និងមានកាមេរ៉ាក្រោយ១៣មេហ្គាភិចស៊ែល តែពុំមានកាមេរ៉ាមុខទេ ៕
ចែករំលែកព័តមាននេះ