គ្រោះថ្នាក់ចរាចរណ៍២ករណីកើតឡើងក្នុងពេលតែមួយ
រាជធានីភ្នំពេញ ៖ រថយន្តបុករថយន្តនៅចំណុចស្តុបនាងគង្ហីង ដោះស្រាយមិនទាន់ចប់ផង ស្រាប់តែម៉ូតូគូស្នេហ៍មួយគ្រឿងជិះទៅបុករថយន្តមួយគ្រឿងទៀតបណ្តាលឲ្យរងរបួសនារីម្នាក់
រាជធានីភ្នំពេញ ៖ រថយន្តបុករថយន្តនៅចំណុចស្តុបនាងគង្ហីង ដោះស្រាយមិនទាន់ចប់ផង ស្រាប់តែម៉ូតូគូស្នេហ៍មួយគ្រឿងជិះទៅបុករថយន្តមួយគ្រឿងទៀតបណ្តាលឲ្យរងរបួសនារីម្នាក់
រាជធានីភ្នំពេញ ៖ រថយន្តបុករថយន្តនៅចំណុចស្តុបនាងគង្ហីង ដោះស្រាយមិនទាន់ចប់ផង ស្រាប់តែម៉ូតូគូស្នេហ៍មួយគ្រឿងជិះទៅបុករថយន្តមួយគ្រឿងទៀតបណ្តាលឲ្យរងរបួសនារីម្នាក់ បង្កឲ្យមានការភ្ញាក់ផ្អើលកាលពីវេលាម៉ោង៩និង១០នាទីយប់ថ្ងៃទី៦ ធ្នូ តាមបណ្តោយផ្លូវ១៦៩ ស្ថិតនៅសង្កាត់វាលវង់ ខណ្ឌ៧មករា ។
រថយន្តដឹកដី ពណ៌ផ្កាឈូក អត់ស្លាកលេខ ជិះម្នាក់ឯងក្នុងទិសដៅពីជើងទៅត្បូងស្របគ្នាជាមួយរថយន្តម៉ាកកូរ៉ូឡា ពណ៌ខ្មៅ ពាក់ស្លាកលេខភ្នំពេញ2O-0492 ។
តាមប្រភពពត៌មានពីន្លែងកើតហេតុបានឱ្យដឹងថា មុនពេលកើតហេតុ រថយន្តដឹកដីបើកតាមបណ្តោយផ្លូវ១៦៩ស្របគ្នាជាមួយរថយន្តកូរ៉ូឡាដែលឈប់រង់ចាំស្តុប ខណៈពេលដល់ភ្លើងអាទិភាពហើយរថយន្តទាំងពីរគ្រឿងបម្រុងបត់ស្តាំដូចគ្នា ប៉ុន្តែរថយន្តដឹកដីព្យាយាមបើកវ៉ាជែងទាំងផ្លូវស្ទះចរាចរណ៍ធ្វើឲ្យជ្រុលទៅកៀរគូទរថយន្តកូរ៉ូឡា បណ្តាលឲ្យក្រពឹត ។
ស្របពេលដែលរថយន្តទាំងពីរគ្រឿងកំពុងចរចាគ្នាមិនទាន់ចប់ផង ស្រាប់តែមានរថយន្តកាមរីហាយប្រីត ពណ៌ស ពាក់ស្លាកលេខភ្នំពេញ2S-8803 ជិះគ្នា២នាក់ស្រីទាំង២ បើកបរមកពីក្រោយរថយន្តដឹកដី ក៏ត្រូវម៉ូតូម៉ាកNex ពណ៌ស ពាក់ស្លាកលេខភ្នំពេញ1CR-1093 ជិះគ្នាពីរនាក់ជាគូស្នេហ៍នឹងគ្នាបើកបរពីត្បូងទៅជើងបញ្ច្រាសទិសដៅចរាចរណ៍ លុះមកដល់ចំណុចកើតហេតុជិះគេចរថយន្តដែលបុកគ្នាជ្រុលទៅបុកពីមុខរថយន្តហាយប្រីតបណ្តាលឲ្យដួលរងរបួសជើងស្ត្រីម្នាក់ ។
ក្រោយពេលកើតហេតុរថយន្តហាយប្រីតខូចខាតតិចតួចមិនបានទាមទារសំណងពីម៉ូតូបង្កទេ បានបើកចេញទៅបាត់ នៅសល់តែរថយន្តពីរគ្រឿងដែលបុកគ្នាបានឈប់អែបចរចាគ្នា ទើបយល់ព្រមស្មើគ្នាបើកចេញទៅរៀងៗខ្លួនដែរ ៕
ចែករំលែកព័តមាននេះ