រហូតមកដល់ថ្ងៃទី០៣ ខែកក្កដា ឆ្នាំ២០២១ នេះ និងត្រូវជាថ្ងៃទី៣ ដែលក្រុមគ្រូពេទ្យបានចុះមកយកសំណាកពីក្រុមអាជីវករលក់ដូរនៅផ្សារអូឡាំពិក ក្នុងសាលាវិទ្យាល័យទួលស្វាយព្រៃនោះ បានរកឃើញអ្នកវិជ្ជមានជំងឺកូវីដ១៩ រហូតទៅដល់ចំនួន១៥៤នាក់ហើយ ក្នុងចំណោមអ្នកមកធ្វើតេស្តទាំងអស់ពេញ១ថ្ងៃមានប្រមាណសរុប
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា រហូតមកដល់ថ្ងៃទី០៣ ខែកក្កដា ឆ្នាំ២០២១ នេះ និងត្រូវជាថ្ងៃទី៣ ដែលក្រុមគ្រូពេទ្យបានចុះមកយកសំណាកពីក្រុមអាជីវករលក់ដូរនៅផ្សារអូឡាំពិក ក្នុងសាលាវិទ្យាល័យទួលស្វាយព្រៃនោះ បានរកឃើញអ្នកវិជ្ជមានជំងឺកូវីដ១៩ រហូតទៅដល់ចំនួន១៥៤នាក់ហើយ ក្នុងចំណោមអ្នកមកធ្វើតេស្តទាំងអស់ពេញ១ថ្ងៃមានប្រមាណសរុប ១ ១៤០នាក់។
បើតាមលោក ឡាយ ស៊ាងអាង ប្រធានគណៈកម្មាធិការផ្សារអូឡាំពិក បានប្រាប់ឱ្យដឹងថា ក្នុងថ្ងៃទី០៣ ខែកក្កដា ឆ្នាំ២០២១ម្សិលមិញនេះ មានក្រុមអាជីវករលក់ដូរនៅផ្សារអូឡាំពិកមានចំនួន១៥៤នាក់ រកឃើញមានវិជ្ជមានកូវីដ១៩ ក្នុងចំណោមអ្នកដែលបានមកធ្វើសំណាកសរុបចំនួន ១ ១៤០នាក់នោះ ។
លោកប្រធានគណៈកម្មាធិការផ្សារអូឡាំពិក បានប្រាប់បន្តថា ហើយអ្នកជំងឺកូវីដ១៩ ដែលបានរកឃើញទាំងអស់នោះ ត្រូវបានគេដឹកយកទៅព្យាបាលនៅកន្លែងព្យាបាលកោះពេជ្រ និងវិមានសែនសុខហើយ ។
ដោយឡែកសម្រាប់នៅព្រឹកថ្ងៃទី៤ ខែកក្កដា ឆ្នាំ២០២១នេះផងដែរ នៅមានក្រុមអាជីវករផ្សារ បាននាំគ្នាមកយកសំណាកតិចតួចផងដែរ ដែលមានប្រមាណពី ១០០ ទៅ ២០០នាក់ ហើយជាលទ្ធផលរកឃើញប្រមាណជា១០នាក់ទៀតហើយ និងនៅមានអ្នកមកយកសំណាកជាបន្តទៀតផងដែរ។
ចែករំលែកព័តមាននេះ