ខេត្តបន្ទាយមានជ័យ ៖ ក្នុងពិធីចែកអំណោយជូនប្រជាពលរដ្ឋជួបការលំបាកកាលពីរសៀលថ្ងៃទី៥ ធ្នូ ២០១៥ នៅឃុំតាគង់ស្រុកម៉ាឡៃ លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិ…
ខេត្តបន្ទាយមានជ័យ ៖ ក្នុងពិធីចែកអំណោយជូនប្រជាពលរដ្ឋជួបការលំបាកកាលពីរសៀលថ្ងៃទី៥ ធ្នូ ២០១៥ នៅឃុំតាគង់ស្រុកម៉ាឡៃ លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានជម្រុញឲ្យអាជ្ញាធរខេត្តត្រូវលើកគម្រោងកសាងផ្លូវ និងរកក្រុមហ៊ុនតបណ្ដាញអគ្គិសនីជូនប្រជាពលរដ្ឋនៅស្រុកជាប់ជាយដែន ។
លោក អែម សុខា អភិបាលស្រុលម៉ាឡៃ បានមានប្រសាសន៍ថា ប្រជាពលរដ្ឋចំនួន១០០០គ្រួសារដែលមានជីវិភាពជួបការលំបាលមកពី៦ឃុំ ក្នុងស្រុកម៉ាឡៃ បានទទួលអំណោយក្នុង១គ្រួសារទទួលបានមានអង្ករ២៥គីឡូក្រាម មី១កេស នំ១ធុង ទឹកស៊ីអ៊ីវ១យួ ទឹកត្រី១យួរ សារ៉ុង១ ថវិកា២ម៉ឺនរៀល ។
លោកឧបនាយករដ្ឋមន្ត្រី កែ គឹមយ៉ាន បានមានប្រសាសន៍ថា គោលនយោបាយរបស់រាជរដ្ឋាភិបាលកំពុងយកចិត្តទុកចំពោះប្រជាពលរដ្ឋដែលជួបការលំបាកពីខ្ទមប្រក់ស្បូវត្រូវជួយកសាងទៅជាផ្ទះឈើប្រក់ស័ង្កសីដើម្បីកាត់បន្ថយភាពក្រីក្រជូនប្រជាពលរដ្ឋ ។ លោកឧបនាយករដ្ឋមន្ត្រីបានជម្រុញឲ្យអាជ្ញាធរខេត្ត ត្រូវលើកគម្រោងឲ្យបានឆាប់ដើម្បីកសាងផ្លូវប្រវែងជាង២០គីឡូម៉ែត្រពីស្រុកអូរជ្រៅដល់ស្រុកម៉ាឡៃ និងរកក្រុមហ៊ុនដាក់អគ្គីសនីជូនប្រជាពលរដ្ឋឲ្យបានប្រើប្រាស់ ៕
ចែករំលែកព័តមាននេះ