ខេត្តប៉ៃលិន ៖ ប្រជាពលរដ្ឋ ក៏ដូចជាលោកគ្រូ អ្នកគ្រូ ដែលកំពុងធ្វើការបង្រៀននៅក្នុងសាលាមួយ កំពុងមានការព្រួយបារម្ភយ៉ាងខ្លាំងចំពោះបញ្ហាសុវត្ថិភាពដល់សិស្សានុសិស្ស ខណៈខ្សែភ្លើងជាច្រើនខ្សែបានធ្លាក់រាយពាសពេញផ្ទៃដីជាយូរថ្ងៃខែមកហើយ តែគេមិនឃើញមានអាជ្ញាធរមូលដ្ឋាន ឬមន្ត្រីអគ្គិសនីណាម្នាក់ចុះទៅត្រួតពិនិត្យ និងលើកខ្សែភ្លើងទាំងនោះឡើយ ។
ខេត្តប៉ៃលិន ៖ ប្រជាពលរដ្ឋ ក៏ដូចជាលោកគ្រូ អ្នកគ្រូ ដែលកំពុងធ្វើការបង្រៀននៅក្នុងសាលាមួយ កំពុងមានការព្រួយបារម្ភយ៉ាងខ្លាំងចំពោះបញ្ហាសុវត្ថិភាពដល់សិស្សានុសិស្ស ខណៈខ្សែភ្លើងជាច្រើនខ្សែបានធ្លាក់រាយពាសពេញផ្ទៃដីជាយូរថ្ងៃខែមកហើយ តែគេមិនឃើញមានអាជ្ញាធរមូលដ្ឋាន ឬមន្ត្រីអគ្គិសនីណាម្នាក់ចុះទៅត្រួតពិនិត្យ និងលើកខ្សែភ្លើងទាំងនោះឡើយ ។
ជាក់ស្តែង កាលពីវេលាម៉ោង០៧ និង៣០នាទីព្រឹកថ្ងៃទី០៥ ធ្នូ ២០១៥ នេះ គេឃើញខ្សែភ្លើងជាច្រើនខ្សែកំពុងធ្លាក់ពីលើបង្គោលនៅរាយពេញផ្ទៃដីដដែល ស្ថិតនៅជាប់បណ្តោយផ្លូវជាតិលេខ៥៧ ទល់មុខសាលាបឋមសិក្សាបឹងព្រលិត ក្នុងភូមិបឹងព្រលិត ឃុំស្ទឹងកាច់ ស្រុកសាលាក្រៅ ។
ប្រភពពីពលរដ្ឋជាច្រើននាក់រស់នៅក្បែរនោះបានលើកឡើងថា ខ្សែភ្លើងជាច្រើនខ្សែដែលធ្លាក់ពីបង្គោលរាយពាសពេញផ្ទៃដីមុខសាលារៀននេះ បានកើតឡើងជាយូរថ្ងៃខែមកហើយ ។ បើទោះបីជាពួកគាត់បានរាយការណ៍ជូនទៅអាជ្ញាធរមូលដ្ឋាន ឬមន្ត្រីអគ្គិសនីជាច្រើនលើកច្រើនសារយ៉ាងណា ក៏គ្មានអ្នកយកចិត្តទុកដាក់ចុះទៅត្រួតពិនិត្យមើល ឬលើកដាក់លើបង្គោលភ្លើងវិញនោះដែរ ពោលគឺធ្វេសប្រហែសបណ្តែតបណ្តោយខ្សែភ្លើង ដែលអាចឆក់មនុស្សនៅបែបនេះដដែល ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ